&.. حوار بين واحد بارد وخطيبته ع الكورنيش ..&
بسم الله الرحمن الرحيم
السلام عليكم ورحمة الله وبركاته
ده حوار واحد بارد مع خطيبته بيتمشوا ع الكورنيش
أترككم مع الحوار اللذيذ
http://soor.rghh.com/data/media/237/anyaflower504.gif
هو و هى مشيين على الكورنيش .. الجو حار .. الشمس محرقة
هي : عطشانة
هو : و أنا كمان
هي : يعنى ... عايزة أشرب
هو : أكيد مادام عطشانة يبقى عايزة تشربي
هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة
هو : ومين اللي هيحاسب ؟؟
هي : أنت طبعاً
هو : منين ياحسرة .. ماأنتى عارفة الكانز وغطاه
هي : ماقلتش عايزة كانز .. كفاية إزازة صاروخ
هو : طب لو هاتجيبى اعزمينى معاكى .
هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك
هي : قصدي تعزمنى فى مكان شاعرى
هو : في الحر ده .. ماينفعش
هي : بلاش دى .. نأخد مركب على الكورنيش
هو : المراكب بتغرق اليومين دول .. خلينا ع البر أحسن
هي : بلاش المركب تعالى نأكل ترمس .. أظن ده رخيص
هو : إنتى تضمني منين إن الراجل غاسل إيده و غاسل الترمس
هي : أعوذ بالله .. إنت مقفلها كده ليه ؟؟
هو : بصراحة معييش فلوس
هي : يا سلام !! .. ماأنت كان معاك إمبارح
هو : إمبارح دخلت السينما مع بنت حلوة كدا فالفلوس خلصت
هي : بنت حلوة ؟؟!! وبتقولها فى وشى
هو : أكذب عليكى يعنى
هي : لأ .. تحرق دمى أحسن
هو : أنا مش شامم ريحة شياط يعنى
هي : يخرب بيت البرود
هو : برود إيه ؟؟ ماهو الجو مولع أهو
هي : إنت اللى بارد
هو : بارد إزاى ؟؟ دا أنا بشُر عرق
هي : بقولك إيه .. روحنى
هو : أروحك ؟! هو إنتى ماتعرفيش تروحي لوحدك
هي : آآآآه .. طب أنا ماشية
هو : ليه يا حبيبتى ؟؟
هي : حبك برص
هو : والله البرص بيفهم عشان حبنى
هي : بجد كدا كتير
هو : كتير إيه ؟؟
هي : إرحمنى .. واضح إن الحر بيجى معاك بالعكس .. يا بارد
هو : يعنى مصممة تمشى ؟؟
هي : أيوة و حالاً كمان
هو : طب استني لما نوصل آخر الشارع
هي : اشمعنى ؟؟
هو : أصل أنا ساكن هناك .. و مايرضكيش أروح لوحدى
هي : لاااااااااااااا ااااااااا
هو : ينفع كده ترمي نفسك فى المية مين هايوصلني بقى
http://soor.rghh.com/data/media/237/anyaflower504.gif
بتمني يعجبكم
تحياتي
مصرية شقية :x
http://photos.7be.com/thumbnail/photos/1413-600x480.jpg
