هل تستطيع الفتاة أن تنسي حبها الأول أذا تزوجت من غيرة

أصدقائي النهاردة انا جبتلكم موضوع مطروح للنقاش

‏..هل تستطيع الفتاة أن تنسي حبها الأول إذ تزوجت خاصه إذ كان الحب صادق حقيقيا مؤثرا أو جزء من حياتها
...هل تستطيع الفتاة التوقف عن التفكير في حبيبها وهي برفقه زوجها ....
هل تستطيع الفتاة ان تمنع قلبها علي الأستمرار في حب حبيبها الغائب والبعيد عنها ...
وقولت قبل كدة أن عاطفه المرأة أقوي بكتير من الرجل
وذلك لأن تركيبه المرأة مختلفه كل الأختلاف عن تركيبه الرجل

فالمرأة هي عاطفه بل هي كل العاطفه والحب والحنان
والرجل هو عاطفه أيضا ولكن الجزء الاكبر منه هو وظيفه
..فالمرأة 80./.من مشاعرها عاطفه حب وحنان ورومنسيه و20./.من مشاعرها هي وظيفه

علي عكس الرجل فعاطفه الرجل لا تشكل شيئا مقارنه بعاطفه المرأة ف 80./.من مشاعر الرجل هي وظيفه
و20./. من مشاعرة هي عاطفه

..وفي النهايه أتمني أن ينال موضوعي أعجابكم
وأخير بأتمني أن القدر ما يفرق بين أتنين بيحبو بعض

فين الردود يا جماعه

بصراحة انا مش عرفة لانى مجربتش بس اعتقد انها هتكون صعبة على بنت انها تنسى حبها بسرعة كدة بس لو حبيبها بيحبها وحسسها بحبوا ليها اكيد هتنسى لانها بتشعر بالامان مع زوجها هذا رئى اشكرك على موضوعك عمار طة

شكرا ليكي يا كوين وأنا معاكي ان البنت لو جوزها اعطها أهتمامه وحبها أكيد هي كما ن هتنسي بالتدريج وهتحب جوزها لو عاملها كويس

وأنا بنصح كل بنت مرت بنفس التجربه أنها ما تحاولش تعمل مقارنه بين حبيبها الاول وجوزها
لان المقارنه أكيد هتبقي ظالمه
لان كل الناس مش زي بعضها
وشكرا ليك يا كوين

صح ياجماعه انا معاكو في رايكم
البنت بتحتاج الزوج الحنين ال يحبها ويخاف عليها ولو هو كده فعلا مش هينسيها حبيبها الاولاني بس ده هينسيها العالم كله ومافيه
وبعدين ميزه النساء النسيان مش زي الرجاله=))

شكرا ليكي روني
ودايما منورة مواضيعي
وبالنسبه لميزة المرأة في النسيان
فأن معاكي ان البنت بتنسي أسرع من الرجل
وعلشان كدة هنزل موضوع خاص بي في موضوع النسيان

علي حسب اعتقدي اللي بتحب بجد حتي لو اتجوزت مبتقدرش تنسي اللي حبته وخصوصا لوكان حب صادق وحقيقي بس ممكن تتناسي بمعني الاطفال والبيت هيأخدوا كل وقتها فهتنسي (مجرد رأي)

شكرا ليكي يا روكي ونورتي
موضوعي

ايه ى عمار دا انا يقالى فتره مش بدخل ومواضيعك جامده بجد.مش عارفه ى عمار يمكن دى اكتر حاجه انا خايفه منها خايفه اظلم الانسان اللى هيرتبط بيا وللاسف انا دلوقتى بفرح جدا لو حد اتقدم واترفض عشان خايفه عشان للاسف ف حاجات كتير لسه جوايا معرفش بقيت اخاف من اى ارتباط .خايفه اتحط ف موقف زى دا .بس اكيد لو هو انسان كويس اكيد مش هكرهه واكيد حياتى وحبى كلهم هيبقوا لولادى وهحترمه وهحترم احترامه ليا

شكرا يا ???
لمرورك اللي نورني طبعا
وعايز أقولك حاجه ان الحياة مش بتقف علي حد
وأنها لازم تستمر رغم كل الأحزان وأحنا مش بايدنا حاجه نعملها لاننا مش بنختار نصيبنا بأيدينا

وفي حاجه مهمه لازم تفهميها
أني أحنا كلنا بشر ومش ملائكه
يعني البشر أي حد بيغلط وكل شخص له عيوب ومميزات
فالعاقل فينا هو اللي بيختار الشخص اللي هيرتبط بي ويعيش معاة رحله الحياة يختارة بمميزاته تكون أكبر من عيوبه ويحاول يتأقلم مع عيوبه لكي تستمر سفينه الحياة في الأبحار

=((ياه قلبتوا المواجع وخليتونى أسأل نفسى ياترى هى لسة فاكرانى بعد 9 سنين فراق وبعد هى ما اتجوزت ومعاها دلوقت 3 اولاد ولا الحياة خليتها نسيت اول حبيب واللى عمره ما نساها يوم ولا لحظة ولا ثانية .

بس لو حبت تانى بج هتنسى الحب الاول ده شى اكيد

اشكرك على الموضوع الهام ده
بس اكيد ان اى بنت فى الدنيا لازم تعرف حاجة مهمة جدا وهى انها يوم ما هتوافق على الارتباط بشخص
معنى ذلك انما هتبقى ملك يديه بمعنى انه قبل ما هيتمتع بيها كزوجة لازم تفكر ان اهم واول حق من حقوقه انها ما تفكرش غير فيه
وربنا يهدى بناتنا وبنات المسلمين جميعا
ربنا يوفقك فى حياتك

صعب انها تنسى حبها الاول
وخاصة لو كان قوى وفراقهم غصب عنهم
مش بسبب جرح جرحهولها
لكن ممكن لو حبت زوجها ولقيته انسان صالح ومحترم
وشخصيته كويسة وعرف يوصل لقلبها
فى الحالة دى حبها الاول هيكون مجرد
ذكرى جميلة تمر على خاطرها من الحين للاخر إلى ان تتلاشى
مشكووووور على موضوعك

شكرا ليكي يا حب العمر لاهتمامك بالرد علي موضوعي وعايز أقولك ان البنت اكيد لو حبت حب حقيقي واتجوزت وحبت جوزها اكيد حبها الاول بيفضل ذكري جميله بتفتكرها من وقت لأخر ودا مش كلام وخلاص لا دا حقيقي
واناسألت واحدة كانت بتحب واتجوزت وانجبت اولااد ومر سنوات علي ضياع حبها الاول وقالت انا جوزي بيحبني جدا وبحبه بس حبي الاول دا حاجه جميله اوي مش في حاجه في الدنيا ولا الزمن هيقدر يخرج الحاجه الجميله من جواي وانا عايشه بيها لنفسي انا
سوري للاطاله

شكرا ليكي يا العاشقه المجروحه وفعلا كلامك صح ومؤكد
مرسي مرة اخري