النهاردة يا جماعه ...عيد ميلاد جرحي أنا ...

النهاردة يا جماعه عيد ميلا د جرحي انا


زي النهاردة ومن أربع سنين
كان اسعد يوم في حياتي وبالتحديد يوم
9/12/2005
اليوم دا يا جماعه كان أحلي يوم في عمري كان يوم خطوبتي علي الانسانه اللي بحبها وبتحبني وكنت طائر من السعادة وما أفرحش ليه وأنا أيدي في أيد البنت الوحيدة اللي كنت أتمني أعيش حياتي معاها

...زي النهاردة يا جماعه وانا من اربع سنين
وأنا باقعد أطفي الشموع
شموع فرحتي اللي القدر حرمني منها

زي النهاردة
كان يوم
9/12/2007
كان أسوا يوم في عمري يوم ما روحي راحت مني وتم زفافها في هذا اليوم
لشخص تاني غيري أنا
بدل مني أنا

عارفين ليه يا جماعه لان اليوم دا اللي كان المفروض زفافي أنا وحبيبتي بس للاسف الزفاف تم وهي العروسه وللاسف مش أنا عريسها

أنها الحياة نفس يوم سعادتي
هو نفس يوم حزني
..ومن ساعتها وانا يوم 9/12 من كل سنه وانا بطفي الشموع

بس السنه دي مش لاقي شموع لاني خلصت كل الشموع وخلصت معاها كمان الدموع
ياريت اللي عندة شمعه يبعتها ليه
وانا قاعد باسمع
هاني شاكر
في عيد ميلا د جرحي أنا

الى جرحك انساة عمار طة متعملهوووش اعتبار مفيش حد بيجرح حد الا لما يكون مش حبوا انسى الى فات وخليك فى الى جى وان شاء الله هتلاقى البنت الى تحبك بجد هذا رئى واشكرك على صراحتك مع الاعضاااااء

شكرا ليكي يا كوين ودايما منورة مواضيعي
وهي ما جرحتنيش ولا حاجه
هي كان غصب عنها ومكنش في أيديها حاجه تعملها
ورغم أحنا بعدنا في النهايه بس عملنا اللي علينا
وعاشت الذكريات الجميله ما بينا

عيد ميلادي خلص
ومحدش أتي لي بالشمع
فين الشموع يا جماعه

يااه ى عمار بجد الاخلاص لحد دا بقى نادر اوى..وانت ع طول فاكرها وبتتكلم عنها كويس ولسه جواك ليها مشاعر حلوه.تعرف ى عمار انت م كلامك دا انا بس حسيت انك روحك معاها برغم انها بقى ليها بيت تانى وحياه وانت كمان .بس بجد انا حسه انك كنت بتحبها اوى وبجد قليل اوى لما اشوف ولد بالذات مخلص لبنت كدا.ربنا يوفقك ف حياتك انت كمان

شكرا ليكي ولمجامله
بس أنا قبل كدة قولت ان الأخلاص مش عند البنات بس في بردة شباب عندها حب وأخلاص هما مش كتير بس أكيد موجودين بينا
دا حتي من كام يوم واحد أنتحر في النيل علشان خاطر حبيبته سابته ودا طبعا مش أخلاص دا غباء من الشخص دا
لان مفيش حاجه تستاهل ان الواحد ينتحر علشانها

متزعلش اللي ينساك انسيه وان شاء الله هتلقي اللي احسن منها ومتزعلش علي اي حد متعرفش الخير فين دايما ربنا بيسر الخير للانسان بس احنا منعرفش وعسي ان تكرهوا شيئا وهو خير لكم

الوفاء والاخلاص بقوا عمله نادرة فى الزمن اللى احنا فيه
يعنى الكل ليه يوم يحتفل فيه بجرحه بس انا بقى مش حسمع اغنيه هانى شاكر
لانى مش حستفيد غير الذكريات المؤلمه اللى بتجدد مع الاغنيه دى خلينا كده فاكرين احلى المواقف مع بعض ونسمع اجمل الاغانى اللى كنا بنحبه
وانت بتقول هيا ملهاش ذنب فى اللى حصل يعنى مجرحتكش
يقبى الافضل تقولها اغنيه وائل جسار
وتتمنالها السعادة وكمان حياتك مش حتقف عند اليوم ده
عارف كان المفروض تتمنى فى بدايه 2010 انك تمسح يوم 9/12 ده خالص علشان ميجيش وتطلب الشموع وتسمع هانى شاكر تانى
وبعدين محدش بياخد غير نصيبه وعسى ان تكرهوا شيئا وهو خير لكم
الكلام ده حاسى انى بقوله لنفسى
بتمنالك السعاده وسنه جديده مفيش يوم جرحك

انا مش هقول اكتر من اللي اتقال بس فعلا هيا بقي ليها حياتها واكيد مش هتفكر في الللي فات هتنشغل في عيالها وجوزها

وانت كمان اكيد ليك حياتك وهيجيلك نصيبك وهتفكر في المستقبل وفي مراتك وعيالك بس

وربنا معاك

اه ومعلش جيت متأخره انا

ازيك

معلش عارفة انها تبقى صعب اوى
بس اكيد انت هتتمنلها السعادة حتى لو لسة بتحبها

وانشاء الله هتلاقى واحدة تحبك زيها وتخاف عليك
بس انت بجد فكرتنى بموضوع زيك

كل شئ قسمة ونصيب ياعمار

شكرا ليكو يا جماعه وعلي ردكم اللي نورني

وليه تبكي عليها اذا كانت هي عايشة مع واحد تاني واكيد مش بتفكر فيك اللي ينساك انساه الدنيا مش بتقف عند حد يا عمار وربنا يعوضك بالاحسن منها وتحبك ان شاء الله

باقي اربع ايام علي عيد ميلاد جرحي انا ومش عارف انسي انسي ايه انا ولا ايه ذكرياتي وحبي الاول
السنه التالته بتمر ولسه مش عارف انسي

لو بقيت حياتك مستمرة على الجراح فلن تداوى جروحك
لقد ذهبتك منك الانسانة ولكن لم يذهب منك قلبك
فهل هى مازالت تتذكرك اظن لا
حاول ان تستكمل حياتك وحاول ان تترك فرصة للقلب
لكى يحب من جديد ربما يستطيع ان يجد
من يكمل معه عمرة فى سعادة

شكرا ليكي يا سندريلا واكيد طبعا هي فاكرني وانا لونسيت هتنساني ذي ماقال عمرودياب في أغنيه أغيب اغيب وأسأل عليه
شكرا ليكي مرة اخري

على ما اعتقد يا عمار ان فعلا الذكريات مش بتتنسى ولكن المفروض ان حضرتك خلاص ما دام بدات حياتك مع انسانة تانية وخليتها تشيل اسمك امام الناس جميعا يبقى المفروض انك تحترم ده وكل تفكيرك وحياتك يبقى ليها المفروض ان ده ابسط حقوقها
يعنى تفكر بعقلانية فى الموضوع ده زى ما بتفكر بعقل فى كل حاجة فى حياتك خلاص حب عمرك ده اتجوزت وخلفت كمان يعنى بقى ليها حياة تانية خلاص وانت كمان اتجوزت وان شاء الله كلها كام شهر ونباركلك على بيبى زى القمر يعنى برده بقى ليك حياة تانية
ربنا معاك وتقدر تنسى وكفاية اوى انك كل ما هتفتكرها هتفتكر ان انتم الاتنين عملتوا اللى عليكم عشان بعض لا انت بيعتها ولا هى باعتك (اكيد هى كانت ضحية لتحكمات الاهل) احمد ربنا ان حبيبتك عملت عشانك كل حاجة واى حاجة
اتمنى انك ما تقعدش تطفى الشموع السنة ده وتسمع هانى شاكر
اتمنى انك تكلم مراتك وتعيش معاها احلى وقت فى حياتك وتحاول تعيش حياتك وتنسى اى حاجة زعلتك فى يوم من الايام
حب العمر

شكرا ليكي يا حب العمر ومبروك وصولك لمصراوي علي حق

ايييييييييييييه حكاية مصراوى على حق معاك
هو انت متغاظ ولا حاجة

اة متغاظ اوي بقالي سنتين ما وصلتش مصراوي علي حق وانتي بقالك شهرين بس