موضوع مهم و عاوز رأى اعضاء المنتدى ضرورى جدا

اخوتى الكرام اعضاء المنتدى الموضوع اللى عاوز اتكلم فيه دا مهم جدا بسبب انه حصل قبل كده فى منتديات اخرى و مش عاوزه يتكرر هنا فى منتدى مصراوى للحفاظ عليه و الحفاظ على تفوقه و تميزه
الموضوع باختصار هو اعتراض بعض الاعضاء (المصريين) على إبداء الاعضاء و الاخوة العرب لرأيهم فى المواضيع الخاصة بمصر و نظام الحكم مثلا او القضايا المصرية عموما و اعتبار دا تدخل او انهم مالهومش دعوة بمصر ولا المصريين و مالهومش انهم يتدخلوا فى شئوننا ايه رايكم فى الموضوع دا و مستنى الاراء لان الموضوع دا حصل هنا فى المنتدى و انا بصراحة بانظر للموضوع دا انه نوع من العنصرية و التمييز و دا انا بارفضه تماما لانه ضد الاخلاق و الانسانية و اولا و اخيرا ضد الدين الاسلامى و تعاليمه منتظر اراء اعضاء المنتدى و اتمنى الاستجابة للحوار و ابداء الاراء

اولا اذيك ياابوحميد عالشان انا بقالى زمن مكلمتكش وانا اسف على طول الغياب
ثانيا ياسيدى الكلام الى انتا بتقولة طبعا مهم بس مش بس على اخواتنا العرب لا دا على الدنيا كلها لازم نسمع رائ الناس عالشا الى واقف برة دة بيبقى شايف عننا
بس انا مش عايزك تكبرها وتقول تمييز واضطهاد والكلام الكبير دة انما فعبل هيا حاجة مهمة
شكرا وانا اسف مرة تانية لطول البعاد عن الحديث الشيق معاك يااحمد

استاذ أحمد احيك علي موقفك .. و فعلا عندك حق في كل كلمة قولتها
صراحة انا معرفش فين اللي واخد الموقف الغريب دا
بس برضه لازم نسمع آراء الاخرين بشرط إنها تكون صحيحة و بناءة
بمعني أصح بأسلوب قيم
و أنا أضم صوتي معاك في موقفك دا

أنا من أنصار عدم أبداء الاخوة العرب فى مواضيع تخص بلدنا فالمثل يقول(أهل مكة أدرى بشعابها) فأنا أشتم وألعن فى بلدى ولكن هذا نابع عن حب لبلدى ونفسى تكون أحسن بلد فى الدنيا(فى المشمش) بس لو حد أتكلم عليها كلام ما عجبنيش أكله وخصوصا الغير مصرى وهناك مثل أخر بقول (أدعى على أبنى وأكره اللى يقول أمين) مشكور أستاذنا الفاضل على الموضوع

انا ارى انه المفروض نسمع اراء الاخرين ايآ كان الموضوع
فقد نختلف فى الرأى وقد نتفق المهم ان كل واحد منا يعرض رأيه بصوره جميله وواضحه بحيث لاتجرح الاخرين
مشكور على الموضع المهم
بارك الله فيك=D>

انا معاك بس بشرط ابداء راي يتنفع بيه

مش يقول على البلد حاجة مش تمام

لانو صح زي ما قال moda مينفعش يتكلموا كلام على البلد يجرح

متشكرة على الموضوع المهم

منتظرين مواضيعك دايما

اولا اشكر كل من اهتم بالرد على الموضوع جهاد و احمد الزعيم و موبا ويارا و روزى سواء اتفق معى ام لم يتفق
ثانيا بالنسبة لموبا و روزى انا هنا اقصد المواضيع التى يطرحها المصريين فى الغالب و يخشى الاخواة العرب فى ابداء ارائهم و بعدين احنا دلوقتى فى عصر السموات المفتوحة و كل شئ ظاهر للعيان بالتالى كما اننا ننتقد الاخرين لابد ان نقبل نقدهم لنا بصورة بناءة و بدون تجريح و لكن كلنا فى النهاية اخوة و عرب و نتحدث لغة واحده و لنا تراث واحد مش عاوز اكرر كلام معروف بس ليه ما نستفيدش من اراء الاخرين فى حل قضايانا و كذلك يستفيد اخواننا العرب من ارائنا فى مشاكلهم نحن كيان واحد لايمكن تقسيمه
منتظر اراء باقى الاعضاء

انا شايف ان الاخوه العرب بتواجدهم فى المنتدى ليهم الحق فى الكلام عن اى مواضيع تطرح لاننا كلنا فى النهايه عرب واستحاله حنتمنى غير الخير لكل الدول العربيه 00اما عن موضوع الكلام الجارح فالمفروض انه مايطلعش من المصريين قبل العرب غير المصريين وهذا رايى00 شكرا لاتاحة الفرصه 00

مشكور جدا مرسال الغد على الرد و انا متفق معاك تماما فى كل ما قلته

اعتقد ان كل واحد له رائيه ..

و اللى بيميز الناس مش انهم مصرين ولا من اى جنسيه تانيه ..

كل وحد له رايه فى كل حاجه .. و فى كل نظام ..

لا اعتقد اننا نقول لحد مش صرىمايتلكمش فى شئون مصر. .

عشان فى مصرين بيتكلموا فى شئون البلاد عموما .. يبقى هما كمان يسكتو بقى


لا لا ..


كل واحد يقول رائيه ..


المنتدى ولا و اخيرا مناقشات و تبدال اراء بين الناس فى العالم كلها ..


....

اقتباس:

---

المشاركة الأصلية كتبت بواسطة احمد التيتى

اولا اشكر كل من اهتم بالرد على الموضوع جهاد و احمد الزعيم و موبا ويارا و روزى سواء اتفق معى ام لم يتفق
ثانيا بالنسبة لموبا و روزى انا هنا اقصد المواضيع التى يطرحها المصريين فى الغالب و يخشى الاخواة العرب فى ابداء ارائهم و بعدين احنا دلوقتى فى عصر السموات المفتوحة و كل شئ ظاهر للعيان بالتالى كما اننا ننتقد الاخرين لابد ان نقبل نقدهم لنا بصورة بناءة و بدون تجريح و لكن كلنا فى النهاية اخوة و عرب و نتحدث لغة واحده و لنا تراث واحد مش عاوز اكرر كلام معروف بس ليه ما نستفيدش من اراء الاخرين فى حل قضايانا و كذلك يستفيد اخواننا العرب من ارائنا فى مشاكلهم نحن كيان واحد لايمكن تقسيمه
منتظر اراء باقى الاعضاء

---

أستاذى الفاضل /أحمد بعد التحية أسعدتنا بموضوعك القيم وأسمح لى أن أوضح وجهة نظرى أولا : أعتراضى على عدم أبداء ألاخوة العرب برئيهم يقتصر على الشئون الداخلية للبلاد (كأرتفاع الاسعار وتجاوزات الداخلية وما شابه ذلك من باقى المواضيع) فهذا شأن داخلى نحن أدرى الناس بالرد عليه لاننا عايشينه ثاتيا: المواضيع العامة الذى نعانى منها جميعا كعرب (ككبت الحريات ) مثلا فلا مانع لاننا فى الهم سواء وأن يبدوا برئيهم عن أنتقاد الشخصيات العامة المعروفة على مستوى الدول العربية (كعمرو موسى مثلا أو أيمن نور ) ومن شابههم من شخصيات هامة ومؤثرة فلا مانع لانهم سيردون وهم على علم وفى النهاية تقبل منى فائق الاحترام والتقدير

مشكورة ورقة كتير على رأيك و مشكورة على اهتمامك بالرد

الاخ العزيز موبا مشكور جدا على رايك الذى احترمه و اختلاف الرأى لا يفسد للود قضية و مشكور على التوضيح و منتظر الاراء الاخرى