http://www.qatifkids.com/images/uplo...1124137183.jpg
جحا راح فين
********
جحا راح فين وحشنا حقيقى كلامه
الناس كانت بتخاف من نقده واحكامه
الاخطاء كترت ومحتاجين عقله ولسانه
*********
زمان كنت اسمع عن نوادره من اجدادى
دلوقتى انا وجارى وصاحبى وكمان ولادى
وسكان مدينتى وسكان كل شبر فى بلادى
محتاجين نوادره تشحذ هممنا وتتجمع الايادى
*************
لو عايش كنا زمانا دلوقتى سمعنا منه نقد ساخر
عن حوادث القطارات والسيارات والبواخر
وكان هيبحث لسكان العشش عن سكن حلو و فاخر
وكل مرتشى هيخاف من لسانه وعنه يبعد و يتاخر
***********
كان زمانه هيشيل سيف الشهامة ادام المدارس
ويقف يحمى بناته واخواته لانه شجاع وحارس
والكل هيقول مرحب بيك يا جحا يا بو الفوارس
دا التحرش منبوذ وصاحب الاخلاق بكدا حاسس
************
وكل صاحب شهادة كان هيقدم لجحا طلب
ويقول نفسى لشغلانة يا عمو حالا انخطب
ابويا منى زعلان وانا كلى اسف وغضب
جحا هيدله على شغلتين ومن البطالة ينشطب
ويقول فى الصين واحد بينتج والتانى يصلح عطب
********
كلمات عماد الدين محمد
مع اطيب تحياتى
اتمنى بمشاركاتكم يستمر جحا فى نقده البناء
