عــندك رســالة في الحيــاة ؟!!!

عــندك رســالة في الحيــاة
عمرك فكرت أو سألت عن أسباب وجودك في الحياة؟ و إيه الهدف من وجودك فيها؟!!!...
و لا أنت عايش كده


أكيد طبعا مش عشان تبقي مجرد لإنك تبقي إبن والديك، أو أخ لإخواتك و لا حتي صديق لأصدقائك، و لا لمجرد الشعـور بالحقــد أو الكره أو حتي الغـضب. و برضه مش سبب وجودك إنك تتكلم عن فلان، و تجيب سيرة علان، و تكدب علي واحد، و تنافق التاني، و مش بعيد تخون التالت، و تهيس مع الرابع ....

وجودك في الحيـاة مش الهدف منه، إنك تخش مع واحد في حوار و صراع طويل في حاجات تافهة، و ما تخرجش منه بأي حاجة غير إنك تضيع وقتك و طاقة جواك، ممكن بيها إنك تتحدي العالم و إن شاء الله كمان ممكن تتحدي نفسك بيها، و لإنك تنجح و تبقي حـاجة ....

:: السؤال هنــا ::
إيه هي رسالتك في الحيـاة؟
عشان تجاوب علي السؤال ده ، يبقي لازم تحدد أهدافك.


إيه هي أهدافك؟
إنك تنجح في المدرسة و الكليــة، و بعدين تلاقي شغلانة تحقق بيها أحلامك
كل ده تمام، بس حتبقي هي دي بس رسالتك في الحياة؟!!

حاول إنك تجاوب علي السؤال ده، و عشان تكون إجابتك صحيحة و منطقية و يقبلها عقلك و قلبك، حاول دايما إنك توسع مدي أحلامك و طموحاتك عشان تلمس النجوم و لو في خيالك، و اقنع نفسك إنك حققت جزء من اللي بتحلم بيه، و ابعد دايما أي لحظة تشاؤم ممكن تدمر البناء الرائع بتاعك ده، أو أي تأثير خارجي من أي شخص من إخواننا أصحاب مقولة "ما ينفعش، ما قدرش"

و من أقصي نقطة خيال توصل ليها، انطلق لواقع يبقي مليان بالشغل الجامد و المخلص و الصح، و استخدم كل طاقتك عشان توصل لهدفك في إنك تحقق نجاحك،و تسعد نفسك و بعدين تسعد الناس التانية، و إنك تحاول تتقبل الناس اللي حواليك أكتر زي ما هما، مش زي ما انت عايز، هوا دا اللي حيحقق النجاح الحقيقي ليك، و ممكن وقتها تقول ( أنا عندي رسالة في الحياة ).

تقدر تقول أنا عندي علم عايز أوصله للناس عشان يستفيدوا بيه، تقدر تقول انا عندي موهبـة أقدر بيها أخرج إنسان من حزنه و يأسه، تقدر تقول أنا عندي وقت فراغ ممكن أساعد فيه أي حد، تقدر تقول أنا عندي ماديات أفضل من غيري أقدر أساعد بيها محتاج.

وقتها تقدر تقول و بكل فخــر
.
.
.
أنا عندي رســالة في الحيـــاة

يجزيك الخير اخى احمد وكلنا لازم يكون عنا رساله بالحياة

أنا عندي رســالة في الحيـــاة وهى أنه فى ظل هذا الرخاء الذى نعيش فيه ورخص الاسعار نفسى أصيف فى (سيدى بشر المميز) تذكرة الخول للفرد3جنيه غير سعر الشمسية والكراسى أو لمل بنتى تعيا أوديها لدكتور خصوصى أبو تذكرة ب20 جنيه بدل مشتشفى أم 2جنبه التذكرة وأخيرا هدفى فى الحياة أن أعيش شهر كامل من غير ما أستلف بعد نصف الشهر ولكم خالص تحياتى

شكرا ساندي علي مرورك
و moba علي فكرة سعر التذكرة 4 جنيه مش 3 بس
بس برضه لازم يبقالك سبب و رسالة في حياتك .. مهما حصل
شكرا علي مرورك و ردك

موضوع رائع كالعاده احمد انا رسالتى فى الحياه رضا ربنا ووالدى ووالدتى عنى دى اهم شئ اشوف اخويا ناجح ومش محتاج اى شئ اشتغل شغل احس فيه انى دكتوره صيدلانيه فعلا اساعد الناس
واشوف فى عينهم الرضا والمحبه ومرسى ليكككككككككككككككك والله عندى اهدافكتير كمان بس يلا عشان متطولش عليكم

ميرسي منون علي ردك الجميل
و أتمني انك تتمكني و تفضلي محافظة علي احلامك

انا كان عندى رساله فى الحياه وهى انى اتخرج من الجامعه و اكون مدرسه كويسه وكمان أخد ثواب كل تلميذ هعلمه<:-P

هتقولى وليه كان؟! هقولك الحكايه وهطول عليك انا أصلا كنت ناويه اعمل مشكلتى ديه فى موضوع بس انت موضوعك جاء فى وقته=D>

نبدأ بقى
بسم الله الرحمن الرحيم

احنا عندنا ماده من المواد اسمها تدريس مصغر وفى الماده ديه كل واحد مننا بيختار درس ويشرحه لزمايلنا الموجودين فى السكشن يعنى كأننا مدرسين فى فصل وكده يعنى , المهم الماده ديه اخدنها الترم الاول وشرحت يعنى نوعآ ما كويس8-|, اما الترم ده جيت اشرح معرفتش اشرح كويس:">:(( , يعنى فجأه حسيت وانى مش هينفع ابقى مدرسه =((والكارثه ديه اكتشفتها امتى الترم التانى الى احنا شغالين فيه دلوقت وانا فى سنه كام فى تانيه , يعنى عرفت انه انا ماكانشى المفروض ادخل الكليه ديه بعد سنه ونصف X-(وبالرغم من كرهى لهذه الكليه وعدم حبى لها الا انه انا السنه الى فاتت جبت جيد جدآ :-?بس يفيد بايه التقدير وانا مش هقدر اشتغل بشهادتى, وانا عندى احباط وأكتئاب بسبب الموضوع ده وقعدت افكر هل ياترى أحول كليه تانيه وأعيد من الاول ويبقى راح عليا سنتين من عمرى :-/ولا اكمل ويبقى معايا شهاده وخلاص؟!:-/
هو انا عامتآ ان شاء الله ربنا يوفقنى وأكمل وأحاول أجيب التقدير الى ماما وبابا عايزينه وربنا يسهل ونتيجة الترم الاول تطلع (ربنا يستر)
ومتهيألى انه المشكله ديه بيمر بيها ناس كتير مش أنا بس:-S

والسؤال الان
ماذا تفعل حين تشعر انك أسأت الاختيار؟:-?:-/

انا أسفه على الأطاله بس مجد مشكله كبيره بالنسبالى
تقبل مرورى

يارا ولا يهمك .. ان شاء الله مشكلتك تتحل
في مصر هنــا .. مفيش حد بيختار اللي هو عايزه .. و اللي بيختار بيكره نفسه عشان اختارها
اختارتي طريق .. تبقي كملي لغاية الاخر .. محدش يعرف الخير فين
و ما دام هي بقي شهادة و خلاص .. يبقي خدي الشهادة أحسن
بدل ما تضيعي سنين من عمرك و تدخلي كلية تانية و بكدا عمرك هوا اللي اتسرق مش حلمك
عموما انا من رأيي .. ان الانسان لو عايز يعمل حاجة حيعملها
خديها تحدي بينك و بين نفسك و خدي الشهادة
و بعدين خدي تحدي بينك و بين نفسك و كملي بشهادتك
و أهو لعل و عسي

:: دي وجهه نظري للموضوع، ممكن تكون فيه وجهات نظر كتير ::
عموما ميرسي يا يارا علي الفضفضة دي

فعلا كلام جميل ورد احمد على مشكلتك يارا حلو ومشجع انك تستمري وتتحدي نفسك

نيجي للموضوع
فعلا الحياة لما تكون ماشيه فوضى من غير اهداف بتكون حتى مش ممعته
وبتحسسك بالاحباط
وانك تقضيها تراقب فلان وغيره وتتكلم على فلان ووووووووو
هاد شيء ممل ومحبط
اهم شيء تقرر فعلا هدفك وتحاول بكل الطرق تحققه وما تسلم نفسك للفشل

الموضوع مناسب لتطوير الذات جدا احمد
انا بشكرك كتير عليه لاهميته

استخدم كل طاقتك عشان توصل لهدفك في إنك تحقق نجاحك،و تسعد نفسك و بعدين تسعد الناس التانية، و إنك تحاول تتقبل الناس اللي حواليك أكتر زي ما هما، مش زي ما انت عايز، هوا دا اللي حيحقق النجاح الحقيقي ليك، و ممكن وقتها تقول ( أنا عندي رسالة في الحياة ).

اقتباس:

---

المشاركة الأصلية كتبت بواسطة AhMeD El-Za3eEm

يارا ولا يهمك .. ان شاء الله مشكلتك تتحل

في مصر هنــا .. مفيش حد بيختار اللي هو عايزه .. و اللي بيختار بيكره نفسه عشان اختارها
اختارتي طريق .. تبقي كملي لغاية الاخر .. محدش يعرف الخير فين
و ما دام هي بقي شهادة و خلاص .. يبقي خدي الشهادة أحسن
بدل ما تضيعي سنين من عمرك و تدخلي كلية تانية و بكدا عمرك هوا اللي اتسرق مش حلمك
عموما انا من رأيي .. ان الانسان لو عايز يعمل حاجة حيعملها
خديها تحدي بينك و بين نفسك و خدي الشهادة
و بعدين خدي تحدي بينك و بين نفسك و كملي بشهادتك
و أهو لعل و عسي

:: دي وجهه نظري للموضوع، ممكن تكون فيه وجهات نظر كتير ::

عموما ميرسي يا يارا علي الفضفضة دي

---

مشكور اخى زعيم على الرد والافاده=D>=D>
مشكوره اختى طيف وربنا يوفقنا جميعآ ان شاء الله
يجزيك الله خيرآ
ربنا يوفقك لما يخبه ويرضاه

ميرسي طيف علي كلامك و أتمني اننا كلنا نبقي مميزين
و نبقي ناجحيين دائما
و يارا أتمني أكون أفدتك و ربنا معاكي و شكرا علي مرورك الكريم