بعد ما لبس عبايته بعد وجبة الفطار
قال لزوجته انه يمكن يرجع آخر النهار
وودع حماته وراح السوق اللى قبل المطار
هناك جاتلو اغماءة وظنوا انه فى احتضار
لكن السبب الحقيقى وبكل امانة واختصار
وهو ماشى شاف محل متعلق فيه ساطور
بس المحل فاضى وما فى امامه طابور
وفيه كهربا داخلة مفرما عشان الماتور
فافتكر جريمة اراها مرة بين السطور
ان فيه جزار بيدبح الحمار على انه تور
طبعا بعيد عن المجازر وعيون الدكتور
فقال خلاص حماره اللى باعه جه عليه الدور
************
لكن فجأة سمع صوت الحمار
قلبه رفرف ومن الفرحة طار
ووجه نور وراح منه الاصفرار
لانه بيحبه كأنه صاحبه كأنه جار
وعمل يافطه شكلها احلى من الفانوس
عليها حمارى غير البقروغير الجاموس
اللى يدبحه هيلاقى السم فى العرقسوس
وقعد يبكى ويدعى بصلاح النفوس
************
كلمات م/ عماد الدين محمد
للامانة
عندما قرأت هذا الخبر منذ شهور كان معه زجل جميل ربما يكون علق بالذاكرة بعض الكلمات دون قصد فلزم التنويه
فى الصين
تم الحكم بالاعدام على بعض المتورطين
فى قضية اللبن المغشوش
نأمل ان تصدر قوانين رادعة لمن يقدم
اغذية ضارة فى عالمنا العربى
دمتم جميعا بالف خير
