أنا عايز أعرف ليه ‏"البنات لغز محير "

انا نفسي أعرف ليه البنات لغز محير
حقيقي البنات لعز محير متقدرش تفهمها ولا تقدر تعرف هي عايزة أيه
ولا تقدر ترضيها ولا تقدر تحتويها
ليه كدة مش فاهم بقت حاجه صعبه أنك تحب وتتحب إيه دا
دة زهد والله الواحد مش عارف يعمل أيه علشان يقدر يفهم اللي بيحبها يجليها كدة تجليك كدة
دي حيرةإيه والله اللي ما يحبش خالص أحسن له ولما يجي يتجوز يتجوز زواج تقليدي لا ما يتجوزش ويريح دماغه
وللاسف لو فكرت في كدة تلاقي نفسك بتحبها ومش قادر تسيبها يومين علي بعض وهي متصدق تلاقيك مدلوق تزيدها
ولو قعدت بعيد عنها يومين تقول
الندل ما صدق يبعد عني وتبقي ساعتها مش بتسأل فيها

‏"دا كان كلام واحد صاحبي في ساعه صفا لما سألته عن الحب والبنات

‏"طبعا أن قولت ليه ان البنت مش لغز ولا حاجه وان هي لو حبته بجد هتفتح له قلبها وهتبقي كتاب مفتوح بالنسبه ليه

يا تري يا بنات أنتم رأيكم أيه في الكلام دا

أنا ولد وممكن أرد
هو الحب عموما لو كان من طرف واحد هيكون الطرف التاني لغز محير بالنسبه ليه
لانه مش حساس بالحب تجاة اللي بيحب
وبالتالي مش هيقدر يفهمه
سواء بنت أو ولد

عندك حق يا الحلم الجميل
أنه فعلا الحب لو من طرف واحد مش هيعرف الطرف التاني يفهم اللي بيحبه هوعايزة أيه

البنات مش لغز محير بس عيزين حد يفهمهم وفعلا لو حبت حد هتكن له كتاب مفتوح زى مانت بتقول وشكرا على موضوعك نايس توبيك:):)>:D<

اقتباس:

---

المشاركة الأصلية كتبت بواسطة الحلم الجميل

أنا ولد وممكن أرد
هو الحب عموما لو كان من طرف واحد هيكون الطرف التاني لغز محير بالنسبه ليه
لانه مش حساس بالحب تجاة اللي بيحب
وبالتالي مش هيقدر يفهمه
سواء بنت أو ولد

---

انا بأيدك جدا ياحلم جميل لأن احنا كبنات بردو شايفين ان الولاد لغز محير وكل انسان بيحب ومش شايف رد فعل من حبيبه بيقول بينه وبين نفسه ياترى اعمل ايه عشان الفت نظره وبالتالي بيكبر في دماغه ان الشخصيه دي بقت لغز غامض ومحير ميغسي ياعمار ع الموضوع وتقبل رأيي

دا كان كلام واحد صاحبي في ساعه صفا لما سألته عن الحب والبنات
يابنى مالكش دعوه باصحابك وخليك وحب

شكرا جدا ليكو ياجماعه علي ردكم ومروركم اللي أسعدني

مفيش انسان فى الدنيا دى واضح وضوح كامل
و لكن مفيش جنس معين يتصف بصفه معينه ككل
و الحب بيزيل اى غموض

لو كل واحد م الطرفين بيحبوا بعض اكيد هيفهموا بعض وهيستحملوا بعض بكل عيوبهم.مفيش حد فيهم يحتاج يبرر للتانى مواقف ولا يعتذر ولا يعاتب مجرد انه يبقى معاه وعينه ف عينه خلاص هيفهموا بعض دا مش كلام دا بجد لو الاتنين بيحبوا بعض حب حقيقى

بأشكركم يا جماعه
وعلي مروركم اللي أسعدني

بجد موضوع متميز بص اكيد البنت بتتمنى حاجات معينه يمكن ده بيكون سبب انه بتكون لغز بالنسبة للانسان الا قدمها
ده طبعا لو لسه فى بداية قصة حب انما لم بيكون فيه بتتغير وبتكون زى ماانت قلت كتاب مفتوح
تقبل تحياتى على موضوعك المتميز

اقولك انا البنات عايزيين ايه البنات محتاجين من الراجل اللي قدامهم الحنيه والحب الحقيقي والاهتمام والسند والامان والاخلاص والتفاصفه م والتقدير والمعامله الحسنه والاحتواء وصدقني لو كل ده موجود هتلاقي مقابل غير عادي وتقدير وحب لا يمكن وصفه لان البنت لما بتحب بجد بتحب بكل حته فيها وبتدي بلا مقابل وبتخلص وبتصون وبتقدر بس للا سف البنت مابقاش عندها احساس بلامان مع الشاب اللي بتحبو ولا الجدعنه ولا الشهامه ولا الرجوله لان ده بقت صفات صعب اوي وجودها دلوقتي عشان كده البنت بتحاول تعامل الشاب اللي قدامها بمكر وبحذر للاسف الثقه بقت قليل اوي لما تلاقيها بين البنت والشاب وانا مش قصدي اني اهاجم الشباب وخلاص لان العكس صحيح بنسبلهم

لا والله ياعمار البنات مش لغز محير ولا حاجة اللي بتحب بجد بتحاول ترضي اللي بتحبه باي شكل من الاشكال وبتخاف علي زعله
غير كدة بقي ده يبقي اسمه دلع مش حب

بص البنات مش لغز ولا حاجة خالص وقت ما تديها قلبك وحنيتك واهتمامك بجد انت كده مسكت اكبر واعظم مفاتحها بس لغز فى حالة واحدة لو حست ان اللى قدمها بيلعبها سعتها ان كيدهن عظيم
على فكرة كل مواضيعك جامده جدااااااااااااااااا

اقولك ليه البنات لغز محير
يمكن علشان تفكرهم غريب
محدش يقدر يوصلهم الا اللي فهمهم
ولو الواحد فهمهم
مش هيكونوا لغز ولا حاجه

اول حاجه احب اني اوضحها
ان البنات مش لغز محير ولا حاجه دائما الشباب بيكون هما اللي فهمين غلط
وكمان لو كان الحب من طرف واحد عمرهم مابيحسو ببعض اصلا
وكمان الشباب لو بيحبو بجد لازم يضحو لان البنات لما بتحب بتحب بجد
ومن كل قلبها كمان