في مصر فقط
قبل ما ابداء كلامى باى حاجه
ده ميل جالى حبيبت اعرف رايكم فيه
مفيش مجال للتهريج
ليه احنا بس الى بنهين رحنا وبنهين بلدنا ونشرين غسلنا زى ما بنقول عندنا
ليه مندورش على الاجات الحلو وننشرها
ليه بندور على الفضايح
ولا هى عشان الفضايح اسرع فى النشر
ليه ممكن حد يقلى ليه البلاوى الى احنا حطين روحنا فيها دى
هنضحك وهيجى غيرنا يضحك علينا وعلى الكلام ده ليه؟ليه نسمح باهانتننا
ليه نسمح بتشويه سمعتنا ونشر فضائحنا
ليـــــــــــــــــــــــ ـــــــــــــــــــــــــ ـــه؟حاجات كتير بتتميز بيها بلدنا .. منها اللي يزعل ومنها اللي يقهر .. ومنها اللي يشرح
القلب .. وتشتاقله لو روحت فين ..
زي طبق الفوووول المعمر اللي لازم أي بلد يحل فيها المصريين .. يحل معهم هذا الحارس الخاص وهذا المضاد الحيوي لضيق ذات اليد .. وتفتح المحلات والمطاعم لتلبية طلب المصريين للفول .. في لندن والسعودية وأمريكا وبلاد الفرنجة فرنسا حاليا ..
وإليكم بعض المشاهد الحصرية والتأملات فى الحاله المصريه.
* لم يذكر السجن في القران الكريم إلا في مصر (في سورة يوسف ) ....تنبؤ مبكر كيف تحكم مصر ويشكم المصريون
*في مصر فقط .. الأموات ينفقون علي الأحياء 'الفراعنة والكرنك والأهرامات والذي منه'
*في مصر فقط .. تجد شخصا أقل منك في المستوي العلمي وحصل علي 50% فقط في الثانوية العامة .. ولكنه يتنطط علي اهلك أو بالبلدي يركبك ويدلل رجليه لأنه ببساطة دخل بيهم شرطة .. اللي في خدمة قفا الشعب.
*في مصر فقط .. ينمو نبات البردي وورد النيل والحصير والليف - حتة ثقافة -
*في مصر فقط .. توجد السلعوة وهي 'مسخ لم يسجل فى اى موسوعه عالميه' ناتج عن تزاوج الكلاب الضالة في جو ضواحى العاصمة الملوث - حتة بيوجيولوجيا -
*في مصر فقط .. تأكل الحواوشي والشكشوكة والكشك الأسيوطي والملوخية بالأرانب والملوخيه بام الخلول والمسقعة والكشري بالعدس الأسود والكشرى الرشيدى بالعدس الأصفر ومحشي الكرنب
ومحشى الطماطم وطاجن العكاوي والكبدة الاسكندراني .. آه نسيت .. والفووووووووووووووووول اللي مش سوداني اما مدمس سادهب الزيت اوبزيت الزيتون او بالزيت الحار او بالسمن البلدى او بالطحينه او بالثوم النىء او بالصلصه والثوم المحمر او معمر بالبيض او بالبسطرمه او بالسجق او كفلافل ساده او محشيه توابل او محشيه بيضه مسلوقه او مطبوخ بصاره او نابت اواخضربلدى مطبوخ باللحم اواخضر حراتى مع الجبنه القريش او مع الرز فوليه حمراء بالطماطم او فوليه خضراء بالسلق ...ولو حبيت تحلى... يبقى الفول المقيلى وتلاقيه عند بتوع الترمس.......شوف قد ايه متغلغل فى جيناتنا.
*في مصر فقط .. تعبر الكلاب الشوارع بطريقة أشبه بالتي يعبر بها الآدميون .. تقف الكلاب علي جانب الطريق تنظر يمينا ويسارا حتى تعبر في أمان .. وليت البشر عندنا يعبرون بالطريقة نفسها لينجوا مثل الكلاب .. ولكن المواطن المصري والمصري فقط يجب أن يعبر الشارع كطائر البطريق أو البط البلدي.
*في مصر فقط .. يمتلك المواطن بالوقت والممارسة مهارات خاصة في ركوب الأتوبيسات المسرعة والتسلل إلي العمق أو الوقوف بأطراف أصابع القدم علي أخر درجة في السلم 'اطلع من علي الباب يا فندي العربية فاضية أدام' .. طبعا ربنا ما يوريك بقى لو كانت مليانه.
* في مصر فقط .. تنشب الصداقة سريعا وفي اقل من ثوان في إشارة المرور أو في مصلحة حكومية أو في الأسانسير أو حتى في طابور العيش.
* في مصر فقط .. تجد منطقة سكنية بكاملها (سارقة كهربا ) مثل عزبة الهجانة - حتة تعداد سكاني -
* في مصر فقط .. ملك فرعوني بني لنفسه تمثالا ضخما لا تشرق الشمس علي وجهه إلا مرتين في السنة مرة يوم عيد تتويجه ملكا ومرة يوم عيد ميلاده هو شخصيا .. 'صبح .. صبح .. يا عم الحاج'
* في مصر فقط .. وزير ( يسرطن ) الشعب ثم يرشحه الحزب الحاكم في انتخابات مجلس الشعب .. بس مش أي شعب .. ده شعب على أبوه... يعنى خام ... زى فراخ الجمعيه مايكاكيش.
* في مصر فقط .. ينادي وزير التعليم المبصر بإلغاء مجانية التعليم التى ادخلها قبله ب 57 سنه طه حسين الكفيف.
* في مصر فقط .. يتم إنفاق ملايين الجنيهات من أجل الحصول علي 'صفر كبير' فى مونديال العالم .. كانوا خايفين ياخدوا درجة بالسالب .. بجد الصفر أرحم.كل واشكر.
* في مصر فقط .. يقدم الكشري ساخنا في أكياس بلاستيكية شفافة.مع ان تسخين البلاستيك ينتج غازات مسرطنه..خليها على الله.
* في مصر فقط .. ادفع وبعدين اشتكي - التحصيل أولا -لجيب الحكومه اللى مالوش قعر.
* في مصر فقط .. الاختيارات السياسية المتاحة أمام المواطن هي التصويت بـ 'نعم ' او 'نعم' اما 'لا' المطبوعه فهى فض مجالس.
* في مصر فقط .. تم القضاء نهائيا علي ظاهرة 'إدمان الهيروين' بعد أن أصبح 'البانجو' في متناول الجميع ..
ولم يعد لكوكو الضعيف (السجائر الغير محشية) الشعبية السابقة وجود بين معظم الناس.
* في مصر فقط .. رئيس حزب لازال مرتديا الطربوش حتى الآن.وكمان بيحضر ارواح وبيتجوز فى سن الثمانين.
*في مصر فقط .. لا يتم وضع الملصقات إلا تحت لافتة 'ممنوع لصق الإعلانات' غلاسه
* في مصر فقط .. لا يمتلك المواطنون زيا رسميا موحدا ويصعب أن تعرف المصري من مجرد ملابسه ( إلا لو كان لابس تي شيرت مكتوب عليه بالأخضر 'فكر جديد')
وهو الكساء المجانى الذى يوزعه حزب السلطه.
*في مصر فقط .. يوجد نوع من المسكنات علي هيئة مصطلحات يتم تقديمها للشعب بجرعات مكثفة مثل(الأمن الغذائى)و(الثوره الخضراء) و( الشفافية),( التمثيل المشرف) , ( إشادة البنك الدولي بمصر),( أهمية الدور الذي يلعبه شباب النيل .. جيل المستقبل)و( المحظوره).
يقابله على الجانب الآخر اشهر 'طظ فى مصر واللى جابوا مصر '
شوف الفوضى الخلاقه على راى خالتى كوندى اللى وشها يقطع الخميره من البيت
أخيرا فإن ما يوجد في مصر فقط وحصريا على أرض الواقع أكثر بكثير مما نستطيع حصره في مجرد سطور .. ولكننا نقولها وبكل شاعرية ودراماتيكية وحنية:
'عظيمة يا مصر يا أرض النعم'
