::: يوميات بنوتة فى سنة اولى::: متجدده
دي قصه جامده جدا وعجبتني اوي ويارب تعجبكم
وهقدمها علي حلقات ياريت تنصفوني
بس للأمانه هي طويله شويه بس بجد حلوه
المكان : كلية تجارة بأي جامعة في اي مكان في مصر
الوقت :اول يوم في الدراسة
الشخصيات:
احمد : "سقيط كبير" شاب في الثالثة والعشرين ولازال في السنة الثالثة بالكلية.
إنجي: فتاة في الثامنة عشر مدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.
شادي : صديق احمد بالسنة الرابعة وهو طبعا اصغر من احمد.
سالي : صديقة شادي واحمد ,بالسنة الثالثة , قريبة انجي من بعيد.
بوسى: صديقة انجي من الكلية فتاة محبوبة ومؤدبة.
********************
(الحلقه الأولي)
حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية
احمد وهو يلتفت بجسده وعينيه خلف فتاة تسير امامه نافثا دخان سيجارته
احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.
احمد: ايه السيرة الغم دي , النهاردة اول يوم , خليك خفيف كده عشان احبك.
شادي: يييييييه اهي سالي وصلت هخلع انا بقي عشان دي جايه كمان ومعاها واحدة صاحبتها.
كاد احمد ان "يخلع" مع شادي ولكنه رأي ان الفتاة التي مع مريم من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.
*********************
انجي:انا خايفة يا مريومة اني ميبقاليش اصحاب في الكلية.
سالي: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .
انجي: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......
مريم: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.
انجي: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده.
سالي بصوت خافت: انا قلت برضه انتي هتتعبيني.
ثم بصوت عالي : ايه ده شادي وايمو اهم .......هااااااي.
انجيتصيح وهي تحاول اللحاقسالي التي توجهت نحو الشابين : انتي رايحة فين؟ مش كنا هنجيب الجدول بتاعي؟.
*******************
اقتربت الفتاتان من احمدلان شاديكان قد غادر , عدل احمد من هندامه كما يفعل كلما قابل وجه جديد
ضربت سالي بكفها علي كف احمد وهي تقول:
سالي : ايمووو انت فين ياراجل
رد عليها برخامة: في الدنيا هكون فين يعني ؟
سالي :ايه الغلاسة دي وبعدين كريم ماله كده جري زي الي عليه فلوس لحد .
احمد: اصله افتكر واحد صاحبه كان مستنيه .
مريم : اه.
احمد بتسبيل : مش تعرفينا .
سالي : لا مش هعرفك ,مش سكتك خالص على فكرة .
شعرت انجيبالحرج من الكلام الذي يدور وحاولت ان ترد بأي شيء فصمتت
اخرجت مريم تليفونها المحمول وطلبت رقماً:
سالي : ايوه يا جزمه ..... جريت ليه اول ما شفتني ........يا راجل ...
ومدت برجليها بعيدا قليلا عن احمد وانجي
احمد: انتي بقي سنة اولي ؟
احمد في رأسه* اكيد والا كنت شفتك .
انجي بخجل :اه
انجي في رأسها *يوه يا سالي خلصي بقي.
احمد: معاكي الجدول ولا اجيبهولك .
انجي وقد ارتبكت : لا ... ماهي مريم هتيجي معايا... يعني ..هنشوفه .
احمد: طب استني خليكي هنا.
وانطلق كالصاروخ مغادرا اياها ,في نفس الوقت الذي انهت فيه مريم المكالمة
سالي:الله؟ فين الجزمه التاني؟
انجي : معرفش , قالي استني وجري , تعالي نمشي.
سالي: هوقال راجع ولا قال ايه؟
انجي: مقالش حاجة يلا نمشي بقي.
سالي : لا استني اهه, ماله بيجري كده ليه ؟
وصل احمد لاهثاً ومد يده بورقة الي انجي
احمد: اتفضلي يا ستي , جدول سنة اولي.
نزعت سالي الورقة من يده وهي تجذب يد انجي بعيدا
سالي: متشكرين يا سيدي , بس ريح نفسك , قلتلك مش سكتك .
اعترض طريقهم قبل ان تغادرا ا
احمد : ايه ايه , رايحين فين ؟
سالي : انت مش جبت الجدول , يلا باي بقي البنت جديدة وهلففها في الكلية.
تجاوزتاه وهو يتابعهما ببصره قائلا
احمد : اجي معاكو.
ساليتهتف وهي تجرانجي ورائها جراً
سالي : لا شكراً.
ظل احمد يتابعهما ببصرة وهو يقول في نفسه
*ودي مين دي يعني الي مريم خايفة عليها اوي كده؟؟؟ , هتكون تفرق ايه عن البنات التانية؟؟؟.
انجي وهي تكاد تركض خلف مريم , التي انطلقت وكأن كلب يجري خلفها
*ودا مين دا يعني الي سالي خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟
وانتظرووووووووووووونى
