عرض للطباعة
بسم الله الرحمن الرحيم
=((=((=((=((=((
بصوا يا جماعة الفكرة دى جتلى من ردودك
لقيت فى ناس كتير مجروحة انا عملت الموضوع دا
علشان يدخل فية المجروح =((هيكتب جرحة ويحكى كل
الى فى قلبة والى هيدخا بعدة هيقول رأية كل جرح
هيتكتب هيعقد معنا يوم كامل تانى يوم يدخل مجروح
تانى ويقول جرحة ممكن لما الانسان يحكى ويفضفض
يرتاح من هموم كتير ومحدش هيتحرج يحكى لان محدش
فينا يعرف التانى ولا حد بيشوف التانى يعنى هتحكى وانت مطمن ومرتاح وهتلاقى الى يسمع شكوتك ويرد عليك
:(:(:(=((=((=((
يارب الفكرة تعجبكم وتستفيدوا منها
فكره جميلة اوى بس مش جديد عليك ياقمر دائما مواضيعك جميلة
ويارب تعجب باقى الشباب دمتى متميز وربنا يحميكى ياقمر
دمتى بحفظ الله :x
اقتباس:
المشاركة الأصلية كتبت بواسطة الارض
مشكورة يا ريم يا قمر انتى الوحيدة الى عجبتك الفكرة
نورتى التوبيك
حلوه الفوكيره دى
بس الحمد لله انا مش مجروح
بس لو حد مجروح دخل الموضوع و فضفض إن شاء الله أشاركه جرحه و أرد عليه
تحياتى
الموضوع جميل فعلا
بس انا الحمدلله مش مجروحه
لان الواحد لازم ميعطيش الفرسه لاي حدانه يجرجه
تقبلي مروري
اقتباس:
المشاركة الأصلية كتبت بواسطة مرهف الاحساس
مشكور يا وليد على مرورك الجميل
وممكن لو انت مش مجوح تشارك بجرح حد قريب منك اوى
وقتها هتعرف حل لجرحة وهتقدر تخفف كتيرررر
نورت التوبيك
اقتباس:
المشاركة الأصلية كتبت بواسطة هبةالله
عندك حق يا هبة لازم الانسان ميديش فرصة لحد
علشان يجرحة بس الانسان لما بيحب مش بيفكر
بعقلة بيفكر بقلبة بس ولما بيصاحب حد بجد
ويكون دا اعز صديق لية مش بيفكر انة ممكن
يجرحة بالعكس بيقول دا الوحيد الى مستحيل يجرحنى
علشان كدة غصب عنة بيتجرح
مشكورة على مرورك الجميل يا هبة نورتى التوبيك
ودمتى بحفظ الله
بصوا يا جماعة انا هشارك بأول جرح جرحتة ليا اعز واقرب صديقة ليا
كنا اصحاب اوى مكناش بنبعد لحظة عن بعد فضلنا اصحاب 5 سنين
كنا اعز صحاب وفجأة حسيت انها مش هى الى انا كنت اعرفها
اتغيرت اوى كل حاجة فيها اتغيرت حسيت ان دى انسانة غريبة عنى
بعد ما كانت هى كل حاجة ليا كنا علطول فاكرين ذكريتنا مع بعض
بس هى نست مبقتش صحبتى بتاعت زمان واتعرفت على ناس تانية
كانت ناس غلط هيودوها فى سكة غلط نصحتها وقولتلها بلاش دول
دول مش اصحاب بجد زعلت منى وافتكرت انى بقولها كدة علشان
عيزاها تكون صحبتى انا بس ونست كل ذكريتنا الحلوة وبعدت عنى
وراحت للناس التانية ولما واحدة فيهم زعلتها رجعتلى تانى وبتقولى
انا اسفة طبعا قولتلها خلاص انتى معتيش صحبتى ولا ليكى معايا
مكان ومقدرتش تبعد عنهم شوية ورجعتلهم
وراحت الصداقة
لو انتوا مكانى كنتوا هتعملوا فيها اية
اية يا جماعة هى الفكرة وحشة اوى كدة
حبيبتى آيه انا لو مكانك مش هسيبها لانها ندمت وراجعت ودى كنت فرصتى علشان اعرفها انى على حق
ولانها كويسة بس الحياة سرقتها شوية منك كان لازم امسك فيه اسامح على طول لانك مش
من السهل الاقى حد زيه تانى او هقدر ابنى صداقة عمرها 5 سنين تانى وبجد ربنا معاكى
لان خسارة الصديق حاجه صعب اوى وربنا يحفظك ويبارك بعمرك
ده راى ويارب يحميك ودمتى متميزة
اقتباس:
المشاركة الأصلية كتبت بواسطة الارض
رايك جميل اوى يا ريم بس انا حولت كتير وسمحتها اكتر
ولكن كل مرة ترجع شوية وبعد كدة تروح للناس دى
تانى مكنش عندى حل تانى وهى اصلا دلوقتى لما
بتقابلنى فى الشارع بتغمل نفسها مش شايفانى
لو لسة عايزانى كانت كلمتنى
منورانى يا قمر