من صورتك الرمزية أقولك انته مين ؟
السلام عليكم ورحمة الله وبركاته
اللهم صلى على سيد الخلق وأكرمهم محمد سيد الأولين والآخرين
وعلى آله وصحبه والتابعين باحسان الى يوم الدين
ازيكم أخباركم ايه النهارده
بخير ؟
يارب دايما بخير
ندخل في الموضوع على طول من غير مقدمات كتير
من الحاجات الحلوة في المنتديات
اللي بتخلي للمنتدى طعم
لأنها عبارة عن بطاقة شخصية لكل عضو في المنتدى
الصورة الرمزية والتوقيع
ياترى أختوا بالكم من حكاية
البطاقة الشخصية (الهوية ) يعني
ياترى كل واحد فينا فكر كويس قبل مايختار الصورة الرمزية ليه
وتوقيعه
الصورة الرمزية بتعبر عن
انته مين؟
التوقيع بعبر عن
فكرك ايه ؟
كتير مننا بيختار الصورة الرمزية والتوقيع
حسب هواياته حاجات بيحبها
لكن نسي انها تعبير عن شخصيته
من صورتك الرمزية أقولك انته مين ؟
مثلا نلاقي عضو
حاطط صورة مطرب ولا بنت حلوة ولا شاب روش
ولا ولا
أنا شخصيا بهتم جدا بالصورة الرمزية لأي عضو
وتوقيعه لأنها دليل على شخصيته
بطاقتك الشخصية اللي في جيبك
مش انته اللي عملتها
حاجة مالناش ايد فيها مش باختيارنا
بطاقتنا في المنتديات باختيارنا الكامل
ياترى فيه وقت نرجع لفرشتنا ونعدل بطاقتنا
يا
مسلمين
كتبته
شمس الأصيل
رد: من صورتك الرمزية أقولك انته مين ؟
بارك الله فيكِ شمس
مشكورة جدا على التنبيه اللطيف
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة طيف عابر
بارك الله فيكِ شمس
مشكورة جدا على التنبيه اللطيف
وبارك فيك يا طيف
يارب بس يكون مصدر افادة
رد: من صورتك الرمزية أقولك انته مين ؟
اية الاحراج دة :-SS:-SS:-SS:-SS:-SS:-SS:-SS:-SS
رد: من صورتك الرمزية أقولك انته مين ؟
ولا احراج ولا حاجه يا شيخ البلد ..
بس هى عايزه تقول ان اللى يحط صوره تكون بتعبر عن حاجه ..
ومن الناحيه التانيه تكون محترمه ..
ولا انا مش فاهم صح ..
المهم ان الموضوع جميل جدا يا شمس وفعلا صورتكـ شخصيتكـ سواء كانت رمزيه او توقيع ..
واشكركـ مره اخرى على الفكره الجميله دى ..
وخصوصا ان الكل هنا بيهتم بالصوره الرمزيه والتوقيع بتاعوا ..
وانا بردوا زيكـ شمس بحب اشوف صورت كل واحد ..
وممكن انتقد واحد على توقيعه مثلا بس لو توقيعه غامض مش فاهم منوا حاجه ..
=D>=D>
رد: من صورتك الرمزية أقولك انته مين ؟
احسن يا شمس و الى الامام باذن الله
والله الموفق
=D>=D>=D>=D>
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة شيخ البلد
اية الاحراج دة :-SS:-SS:-SS:-SS:-SS:-SS:-SS:-SS
فين الاحراج ي اشيخ البلد
الصورة الرمزية اللي انته حاططها مميزة
صورة كاتب مصري قديم
كان همه العلم
وده معناه انك بتهتم بالعلم وبتقدره جدا
العلم
كلمة خطيرة وتقيلة وعظيمة
شفت بأه يا شيخ البلد صورتك الرمزية خطيرة ومميزة أد ايه
يعني مش صورة مش مفهومة ولا روشة
بس هو فيه ملحوظة صغيرة
انها صورة حجر
(صنم) يعني
على فكرة يا جماعة ده مش تشدد والله
لكن كل الحكاية ان الانسان المسلم تحديدا لازم يتأكد من كل حركة بيتحركها
علمنا سيد البشرية محمد صلى الله عليه وسلم تجنب مواطن الشبهات
بس ده كل الموضوع:)
أما بأه كونه من عصر ماقبل الميلاد وحاجة أثرية يعني
فده مش معناه ان فكر صاحب الصورة أثري
بس هو اسمه ايه الأخ ده :D
أصل بنتي روزي
بتدرس السنة دي العصر الفرعوني
والبنت اتعقدت من أساميهم
بصراحة الأسماء شبه بعض
ونصها اما آخره آتون اما تيتي
والنص التاني من شواذ الكلمات شبه قواعد الانجلش
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة عصام نت
ولا احراج ولا حاجه يا شيخ البلد ..
بس هى عايزه تقول ان اللى يحط صوره تكون بتعبر عن حاجه ..
ومن الناحيه التانيه تكون محترمه ..
ولا انا مش فاهم صح ..
المهم ان الموضوع جميل جدا يا شمس وفعلا صورتكـ شخصيتكـ سواء كانت رمزيه او توقيع ..
واشكركـ مره اخرى على الفكره الجميله دى ..
وخصوصا ان الكل هنا بيهتم بالصوره الرمزيه والتوقيع بتاعوا ..
وانا بردوا زيكـ شمس بحب اشوف صورت كل واحد ..
وممكن انتقد واحد على توقيعه مثلا بس لو توقيعه غامض مش فاهم منوا حاجه ..
=D>=D>
لأ صح يا عصام
وتحديدا
بتعبر عن شخصيته
لأنها بتسهل تعامل الأعضاء مع بعض وتكوين فكرة صح عن كل عضو
يعني ممكن أكون فكرة غلط عن عضو من خلال توقيعه أو صورته الرمزية
وفين وفين لما أكتشف انها مش بتمثل شخصيته
وده بيخلي بين الأعضاء وبعض لفترة كبيرة قلق في التعامل
مش كده؟
يعني انته مثلا
حاطط صورة قلب
وطبعا مفهوم اللي بيرمز ليه القلب
بص حقيقي أنا هشوف الصورة دي من ناحية تانية
غير كل اللي في سنك
كلكم شاغلكم موضوع الحب والرومانسية =((
شئ طبيعي طبعا
لكن بما اني ماما
فأنا حاسة انك غاوي تفك وتركب
ربنا يستر :-SS
أعرف ناس غاويين الموضوع ده
والنتيجة ان كل أجهزة البيت مش في الصيانة
لاقدر الله
لأ كلها عند بتاع الروبابيكيا:D
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة BlAckPhAnToM
احسن يا شمس و الى الامام باذن الله
والله الموفق
=D>=D>=D>=D>
لأ أحسن ايه بأه:-SS:-SS
الصورة الرمزية بتاعتك مش ماشية مع التوقيع خالص
التوقيع حاجة كده مليانه راحة نفسية =D>
وأمل والواحد يدخل بيتهم في الضلمة من غير قلق
ومن غير حتى مايولع نور السلم
مفيش مشاكل:)
لكن الصورة الرمزية
عكس كده خالص
يعني الناس تمشي في الشارع وكل عمدان النور منورة
وده طبعا مجازا يعني
نتخيل ان اللمبات كلها شغالة
ولاحتى والشمس طالعة
ممكن كده الواحد قلبه يقف@-)
مش كفاية الصورة اللي حاطنها في كل ميادين محافظات مصر
تبأى خارج من بيتك متفائل
تتخض وتكتئب لما تلاقي دي في وشك
التوقيع بتاعك بجد رائع جدا
عقبال الصورة الرمزية:)
رد: من صورتك الرمزية أقولك انته مين ؟
جزاكم الله خيراً اختي وانا شاب استغرب تلك الصور التي تضعها بعض الفتيات
فهي تعطي فكرة عن شخصيتها ولا اقول الا هداكم الله واتقو الله في تواقيعكم
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة عمر المختار
جزاكم الله خيراً اختي وانا شاب استغرب تلك الصور التي تضعها بعض الفتيات
فهي تعطي فكرة عن شخصيتها ولا اقول الا هداكم الله واتقو الله في تواقيعكم
بارك الله فيكم أخي الكريم
للأسف الفتيات والفتيان على السواء
فبالفعل خطا المرء تدل على شخصيته
بالمناسبة
توقيعك رائع أحييك
=D>=D>=D>=D>
رد: من صورتك الرمزية أقولك انته مين ؟
فعلا انا من اول الحاجات اللى بتلفت انتباهى وجدا الرمز الشخصى والوقيع لانى بعتقد انهم فعلا بيعبروا بطريقه واضحه وصريحه عن شخصيته كل عضو ...
شكرا ليك شمس
وجزاكم الله خيرا:)
اقتباس:
المشاركة الأصلية كتبت بواسطة شيخ البلد
اية الاحراج دة :-SS:-SS:-SS:-SS:-SS:-SS:-SS:-SS
هو علشان الصنم دا يا يعنى هتفتكر يقولوا عليك وسنى =))
اعاذنا الله واياكم:)
عسل والله يا عمر بك:)
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة أحمد عمر
فعلا انا من اول الحاجات اللى بتلفت انتباهى وجدا الرمز الشخصى والوقيع لانى بعتقد انهم فعلا بيعبروا بطريقه واضحه وصريحه عن شخصيته كل عضو ...
شكرا ليك شمس
وجزاكم الله خيرا:)
هو علشان الصنم دا يا يعنى هتفتكر يقولوا عليك وسنى =))
اعاذنا الله واياكم:)
عسل والله يا عمر بك:)
بالتأكيد ماهو احنا على النت
واختيار الصورة له ألف معنى
وكل رواد المنتديات بيهتموا بأسماء بعض وصورهم الرمزية وتواقعهم
لأنها بطاقة التعارف بين الجميع
يعني مثلا لو شفت عضو حاطط في صورته الرمزية صابونة هفكر ألف مرة قبل ماأرد عليه
ياترى ده دليل على النظافة ولا بيفكر يزحلق الأعضاء التانيين :)
شكرا ياعلى المرور والتعليق
والتضامن في الرأي
رد: من صورتك الرمزية أقولك انته مين ؟
مشكوره بجد على التوبيك ده
وبالنسبه ليا التوقيع الى انا حاطه
صوره بحبها اوى اوى
لابعد الحدود بجد الصوره دى
حاجه تانيه بالنسبه ليا
وعندك حق فى كلامك
رد: من صورتك الرمزية أقولك انته مين ؟
موضوع جميل جدا
وحضرتك نقشتى كل عضو دخل الموضوع بكل صراحة وباسلوب مفيش بعد كدة
بصراحة حضرتك أكثر من رائعة - بارك الله فيكى وجزاكى الله كل خير
وجعله فى ميزان حسناتك ان شاء الله
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة ThE LoSt
مشكوره بجد على التوبيك ده
وبالنسبه ليا التوقيع الى انا حاطه
صوره بحبها اوى اوى
لابعد الحدود بجد الصوره دى
حاجه تانيه بالنسبه ليا
وعندك حق فى كلامك
أهلا يا لوست
أنا سعيدة جداااااااااااا بمشاركتك معايا :)
وردك ومرورك الكريم
بس حقيقي انته حيرتني جدا
طبعا انته شاب مش كده
طيب ليه حاطط صورة بنت
انته قلت ان الصورة الرمزية دي لها معزة خاصة عندك
وده في حد ذاته شئ جميل
انك تختار شئ ليه في نفسك قيمة
وده معناها تعبير عن شخصيتك
بس برضه ليه اخترت صورة بنت؟!
وبعدين بتفكرني بفيلم فاتن حمامة اللي كانت عيانة وناوية ترمي روحها في البحر
بتاع العروسة والدوامة
خلفية الصورة كئيبة الضوء فيها قليل والألوان الغامقة كتيرة جدا
والغيوم تحسسك انه وقت غروب العمر
ده الى جانب ان ملامح البنت مش واضحة
زي ماتكون دنيا ملامحها باهته
والغريب برضه انك مختار صورة بنت في توقيعك
ولو ان الجملة بتشرح الموضوع
تايه في متاهات العيون @-)
واضح انك دخلت متاهة من غير خريطة:)
معلش استحمل مناقشتي
أنا بكلم أخ بحترمه حقيقي
بس كمان بحب أناقشه وأفهم وجهة نظره
الحياة أمل مش ألوان غامقة وغيوم
ودنيا ملامحها ضايعه
ولا أنا فهمت الصورة غلط
ماهي وجهات نظر
ياترى انته شايفاها ازاي
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة treka777
موضوع جميل جدا
وحضرتك نقشتى كل عضو دخل الموضوع بكل صراحة وباسلوب مفيش بعد كدة
بصراحة حضرتك أكثر من رائعة - بارك الله فيكى وجزاكى الله كل خير
وجعله فى ميزان حسناتك ان شاء الله
الله يبارك فيك ياتريكا
يارب أكون اتوفأت فعلا في اللي نفسي أوصله
وطبعا ان بترد وضامن ماشاء الله
صورتك الرمزية نمرة واحدة
اعتزاز بالنفس
ولا والتوقيع كله
شغل
مش تضييع وقت
تنشيط لموضوعات المنتدى
يارب دايما نمرة واحد
رد: من صورتك الرمزية أقولك انته مين ؟
جزاكي الله خيراً ،،
وفي اغلب الاوقات فعلاً الصوة الرمزية والكلام والصور اللى في التوقيع بتغير من صورة العضو قدم الاعضاء التانين والإدارة ..
ممكن تجبر ان العضو يحترمك من خلال ردودك وصورتك الرمزية والتوقيع والعكس صحيح طبعاً...
جزاكي الله خيراً مرة أخري....
رد: من صورتك الرمزية أقولك انته مين ؟
جزاك الله كل خير شموسة موشوع كتير جميل بيشرفني اشترك فيه معكم
رد: من صورتك الرمزية أقولك انته مين ؟
اولا انا اسف انى اتاخرت فى الرد لكن اعزرينى
مشاغل الحياه
ثانيا انا الى فرحان جدااا بمناقشتك ليا بجد
يا امى
لكن معلش انا كان كلامى على الصوره الى فى
التوقيع
لانى فعلا بحب الصوره دى اوى
هاتسالى ليه
هاقول لحضرتك انى بلاقى فى ملامحها
حاجات كتيره اوى
وفى عنيها حاجات اكتر
انا مش هاقدر اقول لحضرتك الحاجات دى ايه
لكن انا حاسسها
وميرسى ليكى ولاهتمامك
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة علي مدكور
جزاكي الله خيراً ،،
وفي اغلب الاوقات فعلاً الصوة الرمزية والكلام والصور اللى في التوقيع بتغير من صورة العضو قدم الاعضاء التانين والإدارة ..
ممكن تجبر ان العضو يحترمك من خلال ردودك وصورتك الرمزية والتوقيع والعكس صحيح طبعاً...
جزاكي الله خيراً مرة أخري....
السلام عليكم ورحمة الله
بارك الله فيك وأحسن اليك وزادك من فيض حكمته
لخصت الموضوع كله في كلمتين
اكتساب الاحترام عايز شوية تعب في التفكير
مش تعب كتير لكنه انتباه واجب
رد: من صورتك الرمزية أقولك انته مين ؟
اقتباس:
المشاركة الأصلية كتبت بواسطة همسة ولاء
جزاك الله كل خير شموسة موضوع كتير جميل بيشرفني اشترك فيه معكم
شكرا يا هموسة على وجودك الجميل
سعيدة بوجودك جدااااااااااااااااااااااا
فيه ملحوظة مهمة يا هموسة
في توقيعك
ماينفعش أحط أي حاجة أو أي صورة أعلى من القرآن الكريم
كمان ماينفعش أجمع مابين ذكر الله وما يغضب الله
حببتي الغالية على قلبي
صور الأرواح غير مقبولة شرعا
ناهيك عن كونها غير محجبة
يعني ياتختاري صورة القرآن الكريم
ياصورة البنت
مستنياكي تردي عليا مااااااشي
يا أحلى البنات
