نبوس ايدك ارحمنا بقى؟؟؟؟؟؟؟؟؟؟!!!!!!!!

تعالوا شوفوا واحد مصرى راح يكلم جنابه وقاله ايه؟؟؟؟؟؟؟؟!!!!!

نظرًا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا فى جمايل
مستحيل حنردها
نستحلفك.......نسترحمك
نستعطفك......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا فى يومين شقا
عايزين نجرب الإضطهاد
ونعوم ونغرق فى الفساد
بينى وبينك حضرتك
دا شعب فقرى مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازُه" لإسرائيل
ويومين كمان ويمد النيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد "مستوطنة "
متسلطنة ومتسرطنة
إيه اللى خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض فى السليم
وعلى الصراط المستقيم

هو ده يا سيدنا اللى رايح تحكيهوله عايز تغيرنا بشعب تانى يرضى جنابه عليه العوض
عموما ايه يعنى هناخد بعض ونروح نعمر اى كوكب احسن لنا بس عارفين
انا عارفه اننا لو روحنا كوكب تانى بردوا هنختار واحد زيه يحكمنا ما احنا اتعودنا على اننا نعيش فى رعب وخوف ونرضا بأى حاجه ونقول اهى عيشه والسلام

طب سلالالالالالالالالامX-(

سلالالالالالالالالالامX-(

سلالالالالالالالالالالامX-(

ههههههههههههههه

شر البليه ما يضحك

ايسل يا عزيزتى

كل البلاد عباره عن شعب و بتطلع منه حكومه

إحنا بئه بلدنا عباره عن حكومه و طلع لها شعب

و بعدين مش عارف صراحه الكرسى ده مصنوع من إيه ؟ تحسى ان فيه ماده لازقه مالهاش حل ولا اللزقه الأمريكانى

و على رأيك العيب ف الشعب احنا نشوف بلد تانيه نعيش فيها

و هو يشوف شعب تانى يجيبه مكاننا

و يا دار ما دخلك شر

ههههههههههه

و ربنا هتودينا ف داهيه يا ايسل يا أختى

روحى يا شيخه

شكلى مش داخل لك اى موضوع من دولم او من ديكهوما ههههههههه

على ماعتقد ده كلام احمد فؤاد نجم؟

بس الغرض من ده التريقه مش اكتر

بس لو فكرتي شويه هاتلاقي اللي على الكرسي لو مشي هاييجي بعده اللالعن

تقبلي مروري

هتروح معايا مش هروح لواحدى هقولهمانت اللى مسلطنى
متقلقش
وشكرا لمرورك اخى الغالى وليد

ايوه هبه كلمات احمد فؤاد نجم معروفه للجميع كلماته!

اما ان نسكت على ما نراه علشان ميجيش العن منه اذا نحن نقبل
بالمهانه حتى لا نجرب وماله لو جه بعده واحد سئ بس هيبقى عارف اننا مش هنسيبه وهنغيره لحد منلاقى الافضل والعادل
الذى ينظر للفقراء ولا ينظر للاغنياء ورجال الاعمال نحن شعب مصر طردنا الانجليز والصهاينه لما نستسلم للظلم
وشكرا لمرورك هبه

طب انتي زعلانه ليه؟؟؟
انا اصلي سبت مصر وانا صغيره ومعرفش الكلام اللي فيها ده
ورغم اني بسمعه مش بصدقه

كلام جميل اختي ايسل
وانا شاء الله هيحصل التغيير وهيبقي تغيير للاحسن
علشان احنا زهقنه بجد
من ساعه ما اتولدنا ومش شايفين غير جنابه
ولازم نقف ونقول لا للظلم والفساد
ولا للتزوير ولا للتويث

وربنا يسترها عليكي يامصر في اللي جي
وربنا يرحم شعبك من الاضرابات والاحتجاجات

تقبل مروري

فعلا نبوس ايدك ارحمنا والله الاشخاص دووول لو بوسنا رجلهم هيفضلوا كما هم
يابنتي الكرسي ليه رونقه ولكل كرسي مقاس
وعشان كده هم متبتين اوي عشان لسه مالقوش مقاس الكراسي دي غيرهم
وحقا ارحموا من فى الارض يرحمك من فى السماء
ارجوا ان يكون وصل التمام
ونعيش تاني فى سلام
بعيد عن الشك والأوهام
ونوصل لحال احسن من حال
حتى وان كان التمن كسر الكرسي العدمان
ونشوف كرسي غيره من غير اسنان
حتى لا تمسك كل من يجلس عليها مع كل زمان
وعجبي
بوركتي ايسل على هذا الموضوع الطيب وفى انتظار جديدك رغم عتابي عليكي لأني لاأراكي فى مواضيعي;;)منتظرك

ولــ مني جميل الشكر ــكي

محمد

اقتباس:

---

طب انتي زعلانه ليه؟؟؟
انا اصلي سبت مصر وانا صغيره ومعرفش الكلام اللي فيها ده
ورغم اني بسمعه مش بصدقه

---

انا ازعل منك يا قمرايه ليه بتقولى كده انا زعلانه على حالنا وبلدنا وانتى قولتى عايشه بره علشان كده مبتشوفيش الغلابه اللى مش لاقبن ياكلوا ودموعك تنزل عليهم يابختيكى ومنورانى على طول يا قمر تسلمى

فعلا هشام ربنا يستر عليكى يا مصر

شكرا لمرورك الكريم

اقتباس:

---

حتى وان كان التمن كسر الكرسي العدمان
ونشوف كرسي غيره من غير اسنان
حتى لا تمسك كل من يجلس عليها مع كل زمان

---

يا محمد نعمله عشر كراسى ياخدها ويبعد ويريحنا المهم الرحمه شكرا لمرورك وردك الرائع

يا أيسل .....
الحكومة ليس لها أى ذنب فيما تتهمونها به ....
المسألة مش حكم و قوانين و خلاص .....
إطلاقا ...
أحب أقول لحضرتك حاجة ....
أى حاجة بيعملها الأنسان ..مش بتكون بنفس الدرجة من الأتقان ..
فأنا مع حضرتك ..فى أن القوانين غلط ..
لكن ...إحنا برده لينا ذنب ....
و علشان تتأكدى ...
قال رسول الله صلى الله عليه وسلم: إن الله يقول: أنا الله لا إله إلا أنا مالك الملوك وملك الملوك، قلوب الملوك بيدي، وإن العباد إذا عصوني حولت قلوبهم عليهم بالسخط والنقمة فساموهم سوء العذاب، فلا تشغلوا أنفسكم بالدعاء على الملوك، ولكن اشغلوا أنفسكم بالذكر والتضرع أكفكم ملوككم.

فالأولى أن حنا نشوف الغلط اللى عندنا و نحاول نصلحه ...بيننا و بين نفسينا ...
و لكن أنى يكون هذاالكلام فى مجتمعات تعانى من انهيار فى لمعايير و الأخلاقيات ...
و بالتحديد معايير والصواب و الخطأ....

شكرا على ترك المساحة لإبداء الرأى ....
أتمنى أشوف مواضيعك باستمرار ....
دمت فى حفظ الرحمن

اقتباس:

---

فالأولى أن حنا نشوف الغلط اللى عندنا و نحاول نصلحه ...بيننا و بين نفسينا ...
و لكن أنى يكون هذاالكلام فى مجتمعات تعانى من انهيار فى لمعايير و الأخلاقيات ...
و بالتحديد معايير والصواب و الخطأ....

---

على كلامك لفت انتباهى كثيرا وقراته عدة مرات قبل ان ارد
انا معك فى ان الشعب كله اخطاء وتواكل وانتهازيه وعدم ضمير ايضا ولكن سألت نفسك لماذا يفعلون ذلك بسيطه اقولك وجهة نظرى مختصره بكلمتين
(اذا كان رب البيت بالدف ضاربوا فشيمت اهل البيت كلهم ال.......... كملها انت بقى
عرفت احنا ليه بنعمل اخطاء
وبجد على اشكرك لمرورك الطيب واحببت جدا ردك والنقاش معك نورتنى

السلام عليكم

تسلم ايدك ع الكلام الجميل دة

بس العيب مش ف الحكومة العيب ف الشعب فينا احنا احنا الي سكتنا عن حقنا وخفنا فانستاهل الي يجرلنا

تسلم ايدك مرة تنيا