►█◄ فلان وعلان بعد صلاة الفجر ►█◄
http://sphotos.ak.fbcdn.net/hphotos-..._8045877_n.jpg
بعد ما خلص فلان من صلاة الفجر في الجامع روح البيت ولاقى علان لسة نائم
فلان: انت لسه برضو نايم ياعلان!؟!
الشمس هتطلع والصلاه هتروح عليك
علان بيبص الى ساعته ويقول : لسه فاضل نصف ساعه عالصلاه
سبني انام
فلان : تنام ده بدل ما تقوم تصلي الفجر بالمسجد؟؟
اخص على الرجاله!!
يقوم علان لصلاه بكسل شديد يصلي ويرجع للنوم
علان : اطفي النور ...يافلان انا عايز انام
فلان : استنى لما اخلص سورة الكهف
علان : اقرأها بعدين انا عايز انام
فلان: ياأخي بدل ما تقوم تقرأها معايا؟!!
ده الرسول عليه الصلاة والسلام
قال من قرأ سورة الكهف من يوم الجمعه
كانت له نورا ما بين الجمعتين
علان : يووووووووووووووه مواعظ على الفجر!!!
فلان : لاحول ولا قوة الابالله
: علان راح في سابع نومة
وفلان بعد ما خلص قراءة سورة الكهف راح للاغتسال
صحي علان بعد ساعه وفتح الكمبيوتر وقعد
فلان: ياعلان انت بتعمل ايه؟؟؟
ده يوم الجمعه بالنسبة لك؟!!
حبيبك قالك لازم تغتسل وتبكر على المسجد
وانت قاعد على النت من صباحية ربنا!!!
علان ولا فارق معاه كلام فلان ابداااا
قال : طيب ....طيب انا حقوم
بس اما اخلص كم حاجه
انتهى فلان من تجهيز نفسه
للخروج وتعطر
: شاف علان لسة على
الجهاز
فلان : انت لسة قاعد!!! قوم يا عم
قام علان عالسريع ليرتدي ملابسه
قام فلان فقبل يد امه
وخرج وهو في طريقه للمسجد
فلان: اللهم صلي على سيدنا محمد
اللهم صلي على سيدنا محمد
قابله جارهم ابو احمد
وقال له: مالك يافلان
انت بتكلم نفسك؟!!
فلان: السلام عليكم يا عم ابو احمد
لا والله انا بصلي على النبي
ده النبي امرنا بالصلاه عليه
من يوم الجمعه
: ابو احمد : اللهم صلي وسلم على سيدنا محمد
وصل فلان الى المسجد وجلس في الصفوف الاولى
حسب وصية حبيبنا محمد صلى الله عليه وسلم
وصل علان الى المسجد وهو لابس ملابس النوم
وقعد في اخر الصفوف
فلان بينادي على علان
فلان: علان ياعلان تعال جنبي هنا
افضل صفوف الرجال اولها تعالى
قام علان وهو يتمتم : ياربييييييييييي
وعشان يوصل لفلان قام علان بتخطي رقاب المصلين
احد المصلين : يابني حاسب .....اي يا عم انت!!
فلان : اسف حضرتك والله معلش دة اخويا ... اعذره
يا علان انت ما تعرفش ان الرسول نهى
عن تخطي الرقاب ياعلان انت لازم تفوق لنفسك..مش كدة!!
جلس علان وهو مكسوف من اللي عمله
وبدأت خطبت الجمعه علان بيبص حواليه
فلان شوف الراجل اللي هناك دة..مش ده صحبك؟؟
فلان مش يرد على علان
لانه عارف ان الرسول نهى عن الكلام اثناء الخطبه
ولا حتى ان ينصح علان
علان : انت ما بتردش عليه ليه؟؟؟
انتهت خطبة الجمعه
وبدأت الصلاه
الامام : الله اكبر
فلان : الله اكبر الحمدلله رب العالمين الرحمن .............
علان : الله اكبر الحمدلله رب العالمين ....هو الراجل اللي هناك لابس كده ليه؟؟
الامام : الله اكبر
علان: سبحان ربي العظيم ...هو فلان لابس الشراب الاخضر؟؟
الامام : سمع الله لمن حمده
فلان : ربنا ولك الحمد......
علان : ربنا ولك الحمد الله اكبر... هو نحنا في انهي ركعه!!
: انا لازم اركز عشان فلان ما يفضحنيش لو اتلخبطت
الامام انهى الصلاه فلان قعد يقول اذكار مابعد الصلاة
اما علان خد بطرف جلابيته وبسرعة خرج من المسجد
فلان: رايح فين يا علان
علان : اما الحق اروح اغسل والبس
عندي النهارده خروجة مع الشلة
فلان: لا حول ولا قوة الا بالله
ياترى يوم الجمعه انت مين فيهم
فلان او علان ؟
