هو معني ان عضو اتوقفت عضويته ان مواضيعه كمان تتوقف؟؟؟؟؟؟

انا لاحظت حاجه غريبه جدا في كل المنتديات ان لما عضو يتوقف عضويته باقي الاعضاء بيبطلو يردو علي المواضيع الي هو كان عاملها قبل ما تتوقف عضويته مش دا برده نفس العضو الي كل واحد فينا ندهله باخي ومش هيا دي العضوه الي قلنالها يا اختي ؟؟؟؟؟؟؟؟؟؟؟

ياريت مش معني انهم غلطو مره اننا كمان نوقف مواضيعهم هما استفادو مننا وادولنا مواضيع قيمه واحنا استفادنا منهم حتي لو مش بمواضيع فيها معلومه علي الاقل بابتسامه وبيتهيقلي لو المواضيع دي مش مهمه كانت هتتحذف ولو العضو مبقاش مهم ليك يبقي اعرف انك هيجي اليوم وتتنسي انت كمان وتبقي مش مهم

اي عضو بتتوقف عضويته اكيد بيكون غلط بس مفيش بني ادم مبيغلطش وهو خد جزاءه بانه انطرد يبقي علي الاقل خليكو فاكرينه لانه في يوم كان انسان غالي عندكم ياريت دايما تفتكروله الخير

ياريت يا جماعه متنسوش اخواتكم الي انتو قلتوها في يوم انه اخوكي وانه اخوك وانها اختك وهيا الدنيا لقاء وفراق احنا اتعلقنا بيهم بس ان شاء الله مش هننساهم لان دول اخواتنا مهما حصل:):):):):)

عندك حق طبعا ..

بس انا ماعنديش تعليق تانى ..
[-(

ميرسي لمرورك ولردك يا ورقه بس انا نفسي افهم ازاي ننسي الي حبيناهم وكانو زي اخواتنا لعبنا معاهم وضحكنا معاهم ومنهم وفرحنالهم وزعلنا عشانهم وافدناهم واستفدنا منهم يلا فعلا كلنا هيجي اليوم ونتنسي وياريت يعني لو حد ناوي ينسي حد بعد لما يبطل يدخل او يحصل اي حاجه تخليه يفترق عننا ميقولهوش يا اخي وميقولهاش يا اختي عشان الكلمات دي معناها كبير جدا

نورتي الموضوع يا ورقه

فعلا عندك حق فى كل كلمة اتقالت
يمكن العضو ده ماضيعه كانت فى منتهى القمة ولكن سبب وقفه كان بسبب حاجة خارجة عنه
فليه نظلمه ونظلم مواضيعه

لا طبعا اكيد مش هننساهم ..

فى شخصيات بنعرفها كتييير و بتمر فى حياتنا كانها ماممرتش ..

و فى ناس نعرفها مده قليله بس مابتتساش ..

طبعا يا رولي ويا احمد وياريت دا ميكونش كلام وفعلا كلنا مننساش الي كانو في يوم اخواتنا

مين قال ان ممكن مشكله او اكتر من مشكله تخلينى انسى اخ لى طبعا مستحيل ..

كمان قال ان مشاركات العضو بعد نشرها بتكون ملك ليه ؟؟

كلام طبعا مش مظبوط ..
فكره اى موضوع بتكون ف راسى وساعتها بكون انا بس ملك ليها ولكن بمجرد وجدها هنا خلص اصبحت ملك للجميع بالنقد وابداء الاراء وع الكل احترمها..

زى بالظبط لما تكونى ف بيتك انت ملكه نفسك تصرفاتك وافعالك بتحدها قيمك ومبادئك وانت وحدك اللى بتحدديها ..
لكن لما تطلعى بره لازم تعرفى ان ف قوانين تانيه غير اللى انت وحدك بتعرفيها فلازم تكونى ملتزمه بيها ودا مش ليه علاقه بحد بقدر ما ليه علاقه بالكون والارض اللى عايشين فيها ..
وجودى ف المنتدى تحدده علاقاتى بالافراد والقوانيين المنظمه ليه -اقصد المنتدى-
والكل معرض للخطأ ودى طبيعه بشريه والكل ما دمت مسئول عن تصرفاتك فأنت لازم تتوقع ان انك مسئول برضه ع تبعيتها ..
بالقدر اللى تكون به حر باقدر اللى تكون بيه مسئول..
كل ما كان مكانتك ف قلوب الناس كبيره وتتمتع بحب ناس اكتر كل ما كانت مسئولياتك كبيره و حدود تصرفاتك اضيق واقوى لانك اصبحت تسير الامور مش بس هى اللى بتسيرك..
عندنا مشكله بعانى منها كمجتمع واهمها النظام وتداخل المصالح وعدم وضوح الرؤيه لينا ف تصرفاتنا واللى غالبنا بيكون الملك والسلطان فيها هو هوانا او تخليتنا واللى غالبنا بتكون بعيده عن الواقع ..
لازم نعرف ان المنتدى العام لطرح المواضيع والرد عليها ومناقشتها و و و و
وأنه وجه للمنتدى زى باب الشقه بالظبط بيدل ع اللى جوه ..
نبعد عنه اى مشكله او اراء ربما لا تعنى الا كاتبها واخر قادر ع الرد عليه وهو الادارى او المسئول ..
شويه نظام بس نكون اقوى ..
شويه هدوء ونفس عمنق وسيطره ع نفسنا نكون اكتر قدره ع اتخاذ قرارتنا..
دائما اامن بانى ع قدر ما انا حر ع قدر ما انا مسئول وليس من العيب ان اخطأ ولكن العيب ان لا اتعلم من نفس الخطأ..
مهما حصل فالجيمع اخوه رضينا او رفضنا شاركنا بعض ف الضحك واللعب والجد

بتمنى للجيمع السعاده :)

اقتباس:

---

المشاركة الأصلية كتبت بواسطة YOUNG DEVIL

طبعا يا رولي ويا احمد وياريت دا ميكونش كلام وفعلا كلنا مننساش الي كانو في يوم اخواتنا

---

فين نضارتك يا ساره دا محمد :D

معلش تاثير نوم شويه عايزه انام
هههههههههههههههههههههههه

يا ساره العضو بيطرد لاسلوبه او قال حاجه غلط فى حق ناس تانيه ..
هو احنا مش نسينهم ..
لكن اللى بيحصل ان التوقيع بتعهم مش موجود ..
فانتى بتفتكرى ان المواضيع اتشالت .. او اتحذفت ..

لان المنتدى ده للافاده .. والاستفاده ..
وانا جبتلكـ اللنكـ بتاع المواضيع بتعتهم ..

دى مواضيع .. Dr_Manoon
https://forum.masrawycafe.net/search.php?searchid=28869

ودى مواضيع .. freeman
https://forum.masrawycafe.net/search.php?searchid=28871

وشكراُ ليكى يا ساره .. وتاكدى دايما ان العضو اللى بيكون موجود .. ويطرد
ما بيتنسي لانوا بيون وسطينا بمواضيعه .. وردوده ..

تقبلى تحياتى ساره ..
وشكراُ ليكى على الاهتمام ..

علي فكرا انا مقصدتش ان الاداره بتوقف مواضيعه ولو اخدت بالك انا قلت ان لو مواضيعه مش مهم كانت الاداره حذفتها يعني ان المواضيع دي برده مهمه بس اللي اقصده ان المواضيع محدش بيدخل يرد عليها طلما العضو مش موجود وانا عارفه سبب الطرد لانه غلط او اتكلم باسلوب مش كويس بس خلاص هو اخد جزاءه وبقول علي الاقل نحاول نفضل فاكرينه

وانا مقصدتش منون وفري بس انا قصدت منون وفري وسياسي واي عضو كان وسطنا ومبقاش يدخل او انطرد

وميرسي لمرورك عصوم نورت الموضوع

مــــــوضــــوع جميـــــل يا ســــــارة و في محلــــــه
أولا تســـلم ايــــــدك علي ابـــــداء مشــــاعرك و وجهه نظـــــرك
ثانيــــــا بالنسبــــة للـــرد علي المــــواضيع .. هي طبـــعا حريـــــة شخصيــــة
و لكــــن لو اللي بيحصــــل دلــوفتي مثــــل ما أشــــرتي عليــــه
فأعتــــقد إن دا لا يصــــح إطــــــلاقـــا

أنــــا حأطلــع بـــره المـــوضوع شـــوية .. و أحـــب أضيـــف بس
كـــل (أخ/أخــت) ســـواء معانــــا في الكـــافيه أو بعدنـــا عننـــا لأسبـــاب
ففكــــرت إني أعمـــل مــــوضوع خــــاص بكـــل عضـــــو
اشتــرك في الكــــافيه و عمــــل فــرق في مرحلــــة من مــــراحل الكــــافيه
عمــــرو و منــــــون إن شــــاء الله فيـــــها
عشـــــان نفضــــل فاكرنهـــــم .. مهمـــــا حصــــل
فكلنــــــــا أســـــــــــرة

شكــــرا ســـارة
:)

السلام عليكم ورحمة الله

ايه اللي حصل ؟؟!!

بجد أنا حزينة حزينة جدا

لأني من يوم مادخلت منتديات مصراوي كافيه

وأنا حاسه ان الكل هنا عيلة واحدة

صعب جدا اني ألاقي د.منون وفري مان في نفس الوقت تم طردهم من المنتدى

طبعا أنا معرفش تفاصيل الموضوع

ومعرفش ايه اللي حصل ووصل الأمور لكده

لكن مش قادرة أتخيل ان الأمور وصلت للحد ده

أنا شخصيا وبالتحديد ما أقدرش أنسى لامنون ولا فري مان ولاأي عضو هنا

ممكن أكون عرفته وساب المنتدى

عشان رؤيتي أنا غير رؤيتكم بحكم السن بيني وبينكم

ورؤيتي للأمور

على فكرة قبل مابرد على أي عضو هنا بحاول أعرفه كويس من مشاركاته

وتقريبا كتير منكم عرفت بيفكر ازاي
دي عادة
اني لازم أفهم الشخص اللي بكلمه قدر المستطاع

من بين الحروف

طبعا أنا مش بعترض على قرار الادارة لأنها حاجة من صميم صلاحياتهم

وخارج نطاق معرفتي بالأمور كمجرد عضوة هنا

ومش هقدر أدي تعليق أكتر من كده

العفو يا زعيم بس هيا فعلا حريه شخصيه طب انا ممكن اقولك علي موضوع بسيط ان لما سياسي كان موجود بينا كان عامل لعبه بتاعت كرسي الاعتراف وفري عامل دفتر الحضور دلوقتي محدش بيدخل المواضيع دي اصلا والله اعلم السبب ايه بس بيهيقلي لو كانو وسطنا كانت الاعضاء هتدخل وتكمل لعب عادي الله اعلم بقي ايه الي كل عضو بيفكر فيه

ويا ماما شمس احنا فعلا عيله وكلنا بنحب بعض عشان كدا انا استغربت من الي بيحصل لما عضو ميبقاش معانا تاني انا بتمني اننا كلنا نفضل مع بعض دايما ولو حصل ظروف وحد مبقاش بيدخل يفضل وسطنا بمواضيعه

نورت الموضوع يا احمد ويا ماما شمس

بسم الله الرحمن الرحيم

تعرفوا ان انا اول مره اخش في منتدى واشوف حد بيطرد وبقيت الاعضاء يزعلوا عليه لان في المنتدى الاول بتاع علي تقريبا مفيش حد اتطرد وكان مؤثر يعني يعني باختصار كده كان داخل المنتدى علشان يعمل الموضوع الدنيء ده ويتطرد او ميتطردش دي حاجة متشغلهوش لكن لما يكون عضو داخل على منتدى وعامل حجم المشاركات دي اكيد في حاجة غلط ولو غلط اكيد غصب عنه لأنه اكيد بيحافظ على اصحابه اللي في المنتدى ومشاركاته اللي تعب فيها وزهق من كتابتها واكيد في منتدى زي ده في مجال للتسامح ارو من الbig boss يخش ويرد على كلامي ده ويوريني مدى غلطته لأني اتفاجأت بطردهم ومحاولتش ادور ورا السبب ده لأني في الاول والآخر زي ما انتوا قولتوا احنا اسرة مع بعطينا (سوري بعضينا)

استاذ مصطفي مفيش بني ادم مبيغلطش وكل اللي انطرد غلط ودا جزاء غلطته هو فعلا كل اللي انطرد قصر فينا كلنا لاننا حبيناهم كلهم وكانو اكتر من اخواتنا كمان واكيد نفسنا كلنا يرجعو معانا تاني بس الاداره شايفه انهم المفروض ينطردو لانهم اتكلمو باسلوب مش كويس وياريت برده كلنا نفضل فاكرينهم لانهم اخواتنا زي ما انت قلت بمشاركاتهم ومواضيعهم دخلو قلوب الجميع