>(امتحان للشعب المصرى)>...............؟
http://www.s3udy.net/pic/salam_kalam001_files/1.gif
جمهورية مصر العربية الاســــــــم /
الادارة التعليمية رقم الجلوس /
امتحان الشعب المصرى
**** السؤال الأول:
التعبير
اكتب ما لايقل عن 650 سطر فى أحد الموضوعات التالية :
- لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 7999 جنيه للطن.. اكتب ما يمليه عليك ضميرك على أن يبدأ موضوعك بعبارة
)) أنا بشتغل فى حديد عز ))
- بعد انتشار ظاهرة أكل لحم الكلاب والحمير..من وجهة نظرك كأنسان يمكن تكون اكلت منها تكلم عن هذه الظاهرة ومن المتسبب فيها وبدون غلط..الورق متراقب
http://www.sheekh-3arb.net/3atter/di...s/image005.gif
**** السؤال الثانى:
القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى
((ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى ))
اجب عن الاسئلة الاتية :
1- ما هى اللحمة؟ أو على الأقل حدد أقرب معنى خيالى لها ؟
2- مرادف معجزة فى اللغة االعربية ) تغيير وزارى – زيادة المرتبات – رغيف العيش) اختر يا مقلول البخت
3- لماذ ضربه الرجل بالجزمة وليس بالعصى مثلا؟؟
((أهو كسل لسة هيرفع العصاية - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى اختر
4- حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
http://www.sheekh-3arb.net/3atter/di...s/image005.gif
**** السؤال الثالث
القراءة
من موضوع ( الزعيم..والفنان.. والقدوة) اقرأ القطعة وأجب
(( وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة )) اجب عن الاسئلة الاتية :
1- فى رأيك هل يصلح عادل إمام لوزارة الثقافة أم لوزارة الصناعة ام لرئاسة الجمهورية باعتبار أنه صرح انه هو الزعيم مع التعليل ؟
2- دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزوم – طبيعى معزوم – وربنا معزوم..
http://www.sheekh-3arb.net/3atter/di...s/image005.gif
السؤال الرابع
النصوص
أجب عن أحد النصين الآتيين:
من نص ( ماشربتش من نيلها)..اقرأ ثم أجب
((ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها))
1- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونج يانج
2- أكمل الأبيات إلى آخر كحكة فى الكليب
3- قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
http://www.sheekh-3arb.net/3atter/di...s/image005.gif
من نص (حين ميسرة)..
أجب عن الآتى
1- اذكر اسم مصيبة واحدة محصلتش فى النص الأسود ده ؟
2- وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر (( كمبيوتر إرهابى بقى))
3- سبب وجود الشرطة كل خمس دقائق فى النص اختر من بين الاقواس
((موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص)) اختر
http://www.sheekh-3arb.net/3atter/di...s/image005.gif
السؤال الخامس
النحو
1- أعرب ما تحته خط.. لو مالقيتش القطعة أصلا ..اتصرف
2- ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب
3- كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
4- فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
http://www.sheekh-3arb.net/3atter/di...s/image005.gif
السؤال السادس
الخط
كوز المحبة انخرم..طرطش على كمى..ياحبيبى بطل جفا وارحم عذاب شعبى
http://www.sheekh-3arb.net/3atter/di...s/image005.gif
اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
اكمل العبارة السابقة من بين الاقواس الاتية :
(( بطل جفا وارحم عذاب شعبى – بطل جفا وارحم عذاب بدنى – بطل جفا وارحم وجع بطنى ))
(( انتهى الامتحان ))
