المصري هو اللي ........
المصري هو اللّي
بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض يا ورد
المصري هو اللّي
بيحط الريموت كونترول في كيس بلاستيك كعادة فرعونية
المصري هو اللّي
يقف يتكلم على الباب ساعة ونص بعد انتهاء الزيارة والسلام
المصري هو اللّي
لمّا تفتح نملية المطبخ هتلاقي عنده عشرين مليون برطمان مربى فاضي بقالهم سنين ومازال مُصِرّ على جمع المزيد
المصري هو اللّي
بيجي متأخر عن معاده بساعتين ويفتكر إن ده عادي
المصري هو اللّي
لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه
المصري هو اللّي
بيفتكر نفسه أحسن واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال!!
المصري هو اللّي
بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش
المصري هو اللّي
عنده صينية مكسرات متقسمة لتلات أو أربع أقسام لزوم المزاج وعمره ماستخدمها
المصري هو اللّي
ممكن يعدي التلاتين ولسه عايش مع أمه وأبوه وماعندهومش مشكلة
المصري هو اللّي
بيشتري قبل الفطار في رمضان مواد استهلاكية أصلاً موجود عنده في البيت وبرضه ماستخدمهاش
المصري هو اللّي
بيكون عنده شواية لزوم الرحلات أقصى استخدام لها كان مرة واحدة في العيد
المصري هو اللّي
بيشيل طابع البريد من على الظرف لو الختم ماكانش عليه
المصري هو اللّي
بيفتكر إن أي حد بيشتغل في الخليج بيغرف ويعبّي فلوس من غير حساب
المصري هو اللّي
بيكون مشغول بقيمة التيبس أو البقشيش طول العشا، ياترى ربع جنيه ولا نص جنيه
المصري هو اللّي
برضه بيتخانق ساعة دفع الحساب بحرارة شديدة على إنه هو اللي لازم يدفع
المصري هو اللّي
بيفرش ملاية سرير على طقم الأنتريه عشان يفضل نضيف وفي الآخر لما ييجي ضيوف مابيشيلهاش برضه
والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم، وساعتها بيفرش له الملاية
وأنا مصري على فكرة;);)
