موضوع للمناقشة..........ارجو التفاعل

السلام عليكم ورحمة الله وبركاته
ازيكم اعضاء وعضوات الكافيه

ادخل في الموضوع على طول.............

من وجهة نظرك كشاب او كرجل...........

مارأيك بالمرأة بوجه عام؟ وماذا تمثل لك؟
وكيف تنظر لها؟
ومالمقاييس التر تحكم بها عليها كامرأة صالحة او غير صالحة؟
مالانتقادات التى توجهها لها كامرأة عصرية؟
ومالفرق بينها وبين امك او اختك؟
والصفات التى تفضل وجودها بها؟
ومالذى يبعدك عنها؟ ومالذي يقربك منها؟
هل ترى ان خروجها واندماجها بالمجتمع اثر على كونها انثي؟
كيف تريدها ان تتعامل؟ هل تفضلها عقلية ام عاطفية؟

وانتى كفتاة مارأيك ارجو المشاركة.........

بما ترينه مناسب لكى وماترينه من قهر او ظلم او تعدى عليكى؟
مالذى تريدينه من الرجل؟
مالذى تريدينه ان يتغير؟

وياريت لو كل واحد يتكلم بطلاقة وبصراحة الموضوع مفتوح يعنى مش لازم تلتزم بما اقترحت انا من اسئلة يعنى لو عندك اى اضافة اتفضل قولها وياريت ياجماعة بلاش المثالية في الحوار يعنى نتكلم عن واقع ملموس

ومادور المجتمع بما نحن عليه من افكار.........وكيف اثر علينا ........وكيف تعاملنا معه بما فيه من سلبيات وايجابيات؟

• تقبلو تحياتى
• ياسمين

شوفى يا سمسمه

انا حتكلم بصفه عامه وبرضه حلمس الواقع مش حروح لبعيد ... الرجل والمرأه كل واحد فيهم اتخلق علشان يكون له دور فى الحيااه معروف ومتفق عليه من قديم الأذل وما ينفعش ابدا ان يحصل تبادل فى الأدوار ... مع الأخذ فى الأعتبار ان كل واحد يجب عليه ان يحترم الأخر ... الرجل من اهم واجباته انه يكون راجل بمعنى الكلمه فى كل شئ .. يعنى رجل موقف ويكون على قد المسؤليه .. وما ينفعش يقول كلمه ويرجع فيهاا .. ولازم يتخد قراراته بعد تفكير عميق لأنها لو أثرت بالسلب مش حتأثر عليه لوحدة لالا حتأثر على بيته وزوجته وأولادة ... لازم يكون عارف حدود دينه كويس ويراعى ربنا فى زوجته واولادة .. ويصل رحمه ولا يعوق والديه ... هو دة الراجل الحقيقى .. وفى نفس الوقت يعامل زوجته على انها جوهرة ما يصحش ابدا انها تتبهدل والا تتمرمط فى اى مكان ... يعنى من الأخر ما تخرجش للشغل الا لو كانت الضرورة تستدعى كدة ومن باب المساعدة .. وطالما هى خرجت للعمل يبقى لازم هو يساعدها فى شغل البيت وما يكونش كل الهم فوق راسها .. ولازم يعرف أن عملها فى البيت دة تفضل منها وليس فرض .. تفضل طلعنا عرفناه من امهاتنا واجدادنا .. لذلك يجب عليه احترامها ويتقى الله فيها وكفايه انها ممكن تكون بتخدم كتيبه من غير ملل او كلل



المرأه بقى مطلوب منها انها تركز فى حياتها وتسيبها من نغمه الصراع اللى بينها وبين الراجل ومطالبتها بحقوقها على الفاضى والمليان لحد ما قربت تنسى هى ايه حقوقها اللى بتطالب بيهااا أصلا .. ولازم نعترف ان المرأة فى احيان كتيرة لا تستحق الحريه اللى بتطالب بيهاااا .. ونخلينا واقعيين وبلاش ناخد المواضيع بتحدى لأن شكلنا بيكون وحش وبحس كدة ان فى عدم ثقه فى نفسنااا ..... حقوق ايه اللى بنطالب بيهااا وأحنا دينا الاسلامى أقر لينا حقوق بنتمتع بيهاااا عن شعوب غيرنا كتير ... بس مع الأسف احنا بنفتح ودانا لكل ما يأتى لنا من الغرب وبنقلد تقليد اعمى وخلاص .. المرأة لازم تكون انسانه صالحه فى بيتها وفى عملها وام ناجحه وتتقى الله فى كل تصرف .. ولو حصل لا قدر الله اى خلاف بينها وبين زوجها يبقى يتحل بالحوار والتفاهم والنقاش الهااادئ ......... بشويه ذكاااء ممكن كل شئ يكون لصالح المرأة .. بس مع الأسف انا بحس دلوقتى أن لهجه الأندفاع هى اللى بتكون مسيطرة على اوضاع كتيرة


ميرسى ليكى جدااا ولموضوعك وبعتذر للأطاله

خالص شكرى وتقديرى

أول حاجه بشكرك على الموضوع الجميل دا
....

مارأيك بالمرأة بوجه عام؟
(( إنما النـســـــــــــاء شقـــــــــــائق الرجـــــــــــــــــــــ ـال ))
المرأه إنسانه لها روح ومشاعر ولها حقوق وواجبات.


وماذا تمثل لك؟
الحب , الرقه , الدفئ , الحنيه , الطيبه , الرومانسيه , الجمال ,خفه الدم ,
الأخ , الأب , الأم , الصديق , الحبيب
الفرح , الحزن , البكاء , الغيره , العصبيه , الضعف , القوه
المرأه بالنسبه لى لاغنى عنها .


وكيف تنظر لها؟
أنظر إليها كما نظر إليها الاسلام لها حقوق لابد من الالتزام بها


ومالمقاييس التى تحكم بها عليها كامرأة صالحة او غير صالحة؟
1- لانى لما أتعامل معاه فالمظهر من خلال الملابس
2- الصلاه
3- تعاملها مع اصدقائها ووالديه وأخواتها


ما الانتقادات التى توجهها لها كامرأة عصرية؟
1- الحريه الزياده عن اللزوم وخصوصا فى اللبس إتحرر جدااااااا.
2- محاوله المساواه بالرجل ( أنا زيى زيك , بشتغل زيى , متعلمه زيك , .....)
3- العند
4- السذاجه (بنات كتير جدا بيضحك عليها بأتفه الكلام ومتزعلوش منى بس دى الحقيقه)
5- الهبل والعبط ( بس دا مش لكل البنات طبعا دى فئه صغيره بتاعه تامر حسنى وعمرو)

ومالفرق بينها وبين امك او اختك؟
بصراحه مش عارفه أٌقول أيه !!!


والصفات التى تفضل وجودها بها؟
التدين , الحياء , الصدق , الرقه , الطيبه , الذكاء , الاحساس , الجمال

ومالذى يبعدك عنها؟
الكدب , الخيانه


ومالذي يقربك منها؟
إهتمامها بيا " أكيد اى حد بيلاقى حد بيهتم بيه بيقربه منه غصب عنه "


هل ترى ان خروجها واندماجها بالمجتمع اثر على كونها انثي؟
طبعا غير حاجات كتير جدا

كيف تريدها ان تتعامل؟ هل تفضلها عقلية ام عاطفية؟
مينفعش حد يتعامل بقلبه بس او عقله بس
لازم تتعامل بالاتنين بس يكون عندها ذكاء لان كل موقف له تعامل معين


ياريت مكونش طولت عليكى وموضوعك جميل جدا ربنا يحفظك

موضوع جميل قوى ياسمين

وممكن نشارك فيه
دا لو ما عندكيش اعتراض
ههههههه

مارأيك بالمرأة بوجه عام؟ وماذا تمثل لك؟
بوجه عام لا بد من وجودها لتستمر دوره الحياه
تمثل لى /
تعطى الحياه بهجه وسرور
بمعنى انها كل شئ جميل فى الحياه

وكيف تنظر لها؟
انســانه لها حقوق وعليها واجبات
كالورده تهتم بها وتحافظ عليها
تعطيك رائحه زكيه

ومالمقاييس التى تحكم بها عليها كامرأة صالحة او غير صالحة؟
اتصالها بربها اهتمامها ببيتها معاملاتها مع اقربائها واصدقائها

مالانتقادات التى توجهها لها كامرأة عصرية؟
جريها ولهثها وراء كل ما هو جديد مفيد او غير مفيد
اهتمامها بالموضه اللتى جعلت منها
شئ اكثر منها انسانه
محاولاتها ان تثبت للرجل انها مثله
ويجب المساواه بينهم
الى ان اصبحت
شبيهه بالمرأه وليست مرأه
الا من رحم ربى
منه لله قاسم امين هو اللى عمل فيهم كده


ومالفرق بينها وبين امك او اختك؟
الفرق كبير جدااا
بس المشكله فى البيت اللى يسمح للمرأه
ان تتحول الى هذا الشئ اللذى نراه فى الشارع

والصفات التى تفضل وجودها بها؟
صفات كتييييييييييييير جدا بــس
ان عرفت المرأه ربها توافر فيها كل شئ يريده الرجل

ومالذى يبعدك عنها؟ ومالذي يقربك منها؟
عندما تسبق كلماتها تفكيرها
عندما يعلو صوتها
عندما تنسـى انها امرأه
لا بد من الابتعاد عنها

وعندما ترى حيائها وخجلها
عندما تبكى فى صمت
تظهر انوثتها ورقتها

هل ترى ان خروجها واندماجها بالمجتمع اثر على كونها انثي؟
اراه اثر على الكثيرمنها (وليس منهم)

كيف تريدها ان تتعامل؟ هل تفضلها عقلية ام عاطفية؟
العقل والعاطفه اساسيان
لكن العقل اهم من العاطفه
لان العاطفه وجودها فى اوقات معينه
لكن العقل وجوده دائم فى جميع المعاملات والتصرفات
اللتى تتعرض لها المرأه

مرسيه ياجماعة ع الرد والمشاركة
مرسيه قايد الريم على فكرة بحب اسم سمسمة دا اوى
كلامك كان فيه كتير صح وانا معاكى في معظم كلامك
مرسيه ليك سيد ومرسيه احمد السيد
نورتونى ويارب دايما

بسم الله الرحمن الرحيم ......... اولا بشكرك على الموضوع الرائع وفكرته حلوة

مارأيك بالمرأة بوجه عام؟ اكيد مينفعش الحياة من غير المرأة

وماذا تمثل لك؟هى امى واختى وجدتى وعمتى ..... كدة كفايه صح ؟

وكيف تنظر لها؟ هى النصف الاخر للحياة باختصار لا يمكن الاستغناء عنها

ومالمقاييس التر تحكم بها عليها كامرأة صالحة او غير صالحة؟ اظن فى طاعتها لزوجها اذا كان طبعا طاعتها لزوجها لا تختلف مع طاعتها لربنا سبحانه وتعالى وفى طاعتها لوالديها واخلاصها ووفائها وصبرها وتحملها للشدائد ....... ( وأكيد مفيش انسان كامل )

مالانتقادات التى توجهها لها كامرأة عصرية؟والله اكيد كل امرأة بيكون ليها عيوب ومميزات يعنى مش كله زى بعضه بس يمكن اهتمامها بالعمل زيادة

ومالفرق بينها وبين امك او اختك؟ ببساطه شديدة لا يوجد امرأتين متفقين مع بعض فى كل الاشياء وان كان فى تشابه كبير

والصفات التى تفضل وجودها بها؟ الاخلاص والوفاء ، قوة الشخصيه ، الطاعه ، الصبر ، تحمل الشدائد ، القوة ( اكيد مش القوة الجسديه ولكن القوة فى تحمل المسؤليه ) ، اهتمامها بنفسها ، اهتمامها بزوجها

ومالذى يبعدك عنها؟ ومالذي يقربك منها؟
اللى يبعدنى عنها عكس كل ما احبه فيها اظن انا قولته فوق اهو
واللى يقربنى منها الاشياء اللى بحبها فيها لو انطبقت فيها على العلم مرة اخرة بعدم تكامل الانسان

هل ترى ان خروجها واندماجها بالمجتمع اثر على كونها انثي؟ مش كله زى بعضه فى اة وفى لا

كيف تريدها ان تتعامل؟ هل تفضلها عقلية ام عاطفية؟
سؤال معمم تتعامل ازاى يعنى اكيد بالاختلاف مع كل شخص يعنى مع اخوها مش زى مع جارها ياريت لو تحديد السؤال اكتر

افضلها عاطفيه وعقلانيه ( الجمع بين الصفتين التفكير بالعاطفه والعقل )

مرسيه ع المشاركة والرد
بالنسبة للسؤال
كيف تريدها ان تتعامل؟ هل تفضلها عقلية ام عاطفية؟
اقصد بيه ازاى انت كشاب تحب ان البنت دى تتعامل معاك هل على طبيعتها ان كانت جريئة والا تحبها تكون هادية وخجولة مابتعرفش تتكلم والا ازاى........... معظمنا بيناشد بحقوق المرأة ويقول بحب البنت الجريئة ومعرفش ايه وفجأة لو اتعرض لموقف مع بنت جريئة وردت رد غير متوقع تبقي بنت غريبة عشان بس مش على هوانا
يعنى مثلا انت كشاب تحب ترتبط ببنت مش عادية؟ تحب الشغل والخروج مع طبعا عدم الاهمال في حقوقك كرجل؟
والا عاوزها ست بيت ماتعرفش غير في المطبخ وطبقك اليوم؟
هتقولى ممكن تكون ست بيت وبردو مش منعزلة عن العالم الخارجى
بس ياترى تحبها تتناقش معاك والا تقول سمعا وطاعة
اتمنى اكون قدرت اوصل وجهة نظرى

حعمل ايه بست بيت شاطرة ومش مهتميه بيا ؟؟ يبقى مبروك على البيت وربنا يعوض عليا انا اتمناها انها تكون مهتمه ببيتها ومهتمه بيا وطبعا احب تصرفها معايا على طبيعتها ومشكورة مرة اخرى على الموضوع الراااائع

الدنيا لسه بخير:D
ولسه فى شباب كتير كويسين:) بيتكلمو كويس عالمرأة:)
ميرسى قطقوطه عالموضوع الرائع:-*

اقتباس:

---

المشاركة الأصلية كتبت بواسطة أسوو

الدنيا لسه بخير:D
ولسه فى شباب كتير كويسين:) بيتكلمو كويس عالمرأة:)
ميرسى قطقوطه عالموضوع الرائع:-*

---

هههههههههههههههههههه
انا متابعاكى من فترة
بجد دمك زى السكر:x:x
بس فين دول؟ دلينى على واحد منهم :D:D
نورتينى ياقمراية ويارب دايماااااااا:-*:-*

انا اهو بتكلم على المرأة كويس بس المرأة الكويسه مش اللى متشوفهاش من ريحه البصل والتوم واكيد يعنى فى رجاله كتير رايحين فى داهيه زى ما فى ستات رايحين فى داهيه ودايما انا بقول :
( مفيش انسان كامل ) مع احترامى بجد لكل امرأة كويسه عارفه حقوقها وواجبتها

ادخلى هجوم ضد البنات وانتى تعررفى

اقتباس:

---

المشاركة الأصلية كتبت بواسطة أسوو

ادخلى هجوم ضد البنات وانتى تعررفى

---

ههههههههههههههههه
انا كنت هناك ورديت كمان وبجد توبيك مستفز اخر حاجة
مش دخلاه تانى:-/

اقتباس:

---

المشاركة الأصلية كتبت بواسطة ED GIEN

انا اهو بتكلم على المرأة كويس بس المرأة الكويسه مش اللى متشوفهاش من ريحه البصل والتوم واكيد يعنى فى رجاله كتير رايحين فى داهيه زى ما فى ستات رايحين فى داهيه ودايما انا بقول :
( مفيش انسان كامل ) مع احترامى بجد لكل امرأة كويسه عارفه حقوقها وواجبتها

---

الاعتراف بالحق فضيلة
اكيد طبعا مفيش انسان كامل
واكيد كمان مفيش حد طول الوقت كويس وواخد باله من نفسه ولابس كويس وبيتكلم كويس
وزى ماانت قلت في رجالة كمان رايحة في داهية:D:D
نورتنى ياجمييييييييييييييييل

هو عم محمود بيخلى الناس تزعل مننا ....... انا قولتله بس يا محمووووود بس هو راكب دماغه وراسه والف سيف يعمل الموضوع ويقولى ابدا حعمله يعنى حعمله انا لقيته راكب دماغه قولت خلاص بقا كل واحد حر فى مواضيعه

اقتباس:

---

المشاركة الأصلية كتبت بواسطة ED GIEN

هو عم محمود بيخلى الناس تزعل مننا ....... انا قولتله بس يا محمووووود بس هو راكب دماغه وراسه والف سيف يعمل الموضوع ويقولى ابدا حعمله يعنى حعمله انا لقيته راكب دماغه قولت خلاص بقا كل واحد حر فى مواضيعه

---

امممممممممممممممممممممم;);)
افهم من كدة انك بتهدى النفوس مثلااااااااااااااااااا:D:D

ايوة ايوة بهدى النفوس عشان انا حاسس انكم حتسيبو الدنيا وحتتلمو عليا انا ........ مع انى قولتلوووووو بس تقولى ايه بقا لنشوفيه الدماغ

اقتباس:

---

المشاركة الأصلية كتبت بواسطة ED GIEN

ايوة ايوة بهدى النفوس عشان انا حاسس انكم حتسيبو الدنيا وحتتلمو عليا انا ........ مع انى قولتلوووووو بس تقولى ايه بقا لنشوفيه الدماغ

---

ماشي ياعم
بس بردو مش هنديك الاماااااااااااااااااااان لحد ماتثبت حسن النية :D
بس في مبشرات للخير يعنى