-
أول حلقــــة من .: مصــــــراوي اليـــــوم :. أول برنـــامج اخبــــاري
أهلا بيكم .. من كام يوم كدا قابلني واحد أعرفه من زمان أوي و كان ميعرفش يعني ايه حتي الكهرباء .. قابلني و سلم عليا و الكلام جاب بعضه و فجأة قالي تبقي تنورني علي المنتدي بتاعي اسمه (منتدي الغلاسة و الغلابة) قلتله ايه يا ابني الأسم دا .. قالي يا سيدي اهو كله مضيعة وقت .. دخلت أدور علي المنتدي الغريب دا لقيت كمية منتديات و أسامي و اشكال و ألوان و كله بقي بيعمل منتديات لدرجة و أنا نازل من كام يوم قابلني عم عبدة البواب قالي ما تيجي تخش في المنتدي بتاعي و حأخليك كمان مشرف عام !!!.
( المنتديات كترت بس نادرا ما تميز منها )
و بتجلنا أول SMS في البرنامج
العضو (شرفنطح) و ايه ..مش عارف خطه وحش أوي و بيسلم علينا و بيقولنا الفكرة لذيذة و نفسه يسمع اغنية "الكلام علي مين"
طيب يا سيدي ألف شكر علي الـ SMS و تبقي تسمع الأغنية في البرنامج اللي جي (لكي يا سيدتي)
و آدي معانا 2 SMS تانية .. بسرعة كدا
العضـو ( بكابوزا ) .. ايه الاسامي دي، بيباركلنا علي البرنامج و بيسأل ايه البطيخ اللي بيتقال دا ؟!!
اااه بطيخ .. بطيخ .. بتاعت احمد تقصد .. دى زى موز موز كدا بس انت عارف الدنيا بتتغير من حواليك يا بكابوزا و مش هتقف عند الموز .. لازم نغير
و كمان العضـو ( فتــوح) بيبارك لينا و بيقول عقبال ما نشوف الحلقة المليون .. و بيسلم علي حنان
حنان مين دي ؟!! .. يا اخت حنان .. الاخ حنوون اقصد فتوح بيسلم عليك فتحنها طلباتك ايه احنا ..
و احنا في انتظار المزيد من الـSMS نتكلم برضه في موضوع غريب أوي .. روحت من كام يوم للريف المصري ( ورقه ) (( انت بتروح اماكن كتير كدا ليه يا احمد .. )) بس يا تحفة .. أهو يعني أهو الواحد بيشوف بلده و بالمرة أماكن جديدة .. كان بقي في اعتقادي اني حأشوف مسلسل قدامي و لا حاجة .. روحت مع واحد صاحبي عند جده و عمامه في الريف و أنا ماشي و مستغرب جدا ألقي (سيبر) و (بلاي ستايشن) و ايه دا ؟!! دا (فرن عيش) ايه دا بقي، الله أومال فين الريف المصري .. ماشي كدا في العزبة دي مش مستوعب الوضع و أدور يمين و شمال مش لاقي ولا قطة .. الله هي القطط راحت فين؟!! صاحبي قالي : أصل كان فيه ترعة جنب العزبة و بعدين اتردمت و كان فيها فيران (فاميلي سايز) عقبال ما تشوف واحد كدا، و طلعت علي العزبة و كانت بتاكل كل حاجة القطط و الفراخ و البط و كله. ضحكت إفتكرته بيهزر، قام باصصلي و قالي علي فكرة الكلام دا بجد !!!!.
( صحيح الدنــيا بتتغير و مفيش حاجة بتفضل علي حالها )
و معانا 2 SMS
العضــو (مجهول) طيب يا سيدي .. بيقول البرنامج حلو جدا جدا و بيشكر كل القائمين عليه و مديني لينك منتدي كدا و بيقولي يا ريت تنورونا علي المنتدي دا
شكرا كتير علي كلام الحلو و حاضر يا مستر مجهول حأروح أشحن نفسي دلوقتي عشان أعرف أنور لما أروح المنتدي بتاعك
العضــو ( مش كاتب أسمه ) كاتب كلام خفيف زيه و دا بيدل علي انه شخص ظريف جدا و عايز ساندويتش لحمة و فراخ و شكرا
طيب يا مستر ياللي مش عارف اسمك الفراخ عندها انفلونزا و البقر عنده حمي قلاعية و مفيش ساندويتشات .. (( ليه يا احمد كدا الله انا جعانه و عايزة سندوتش همبوجر و بنطلون استريتش ))
استريتش .. لا يا عم انا مش حأكمل في البرنامج دا، اهدي شوية و إلا ..
الزعيم و ورقـة
يا بطيخه انتى سندوتش هموجر ايه بس .. دا مضر للصحه ..
مالكش دعوه انت بس ..
يا جماعة معايا واحدة جعانة و عايزة همبورجر .. فين عم محمد بتاع الفول يخصلنا دلوقتي
عم محمد .. أنا ....
و بكدا نوصل لآخر حلقتنا النهاردة .. أرجو إن الحلقة كانت خفيفة و فقراتها ممتعة
إن شاء الله من الحلقة اللي جاية .. الأخبار حتزيد أكتر و الفقرات حتزيد
تــابعونـا علي مصـــراوي كــافيه .. أول برنامج إخبــاري علي تاريخ المنتديات
:: الحلقة النهاردة كانت بسيطة و خفيفة عشان تعرفوا احنا حنعمل ايه بعد كدا ::
و الشغل الصح حيبدأ من الحلقة اللي جاية ان شاء الله
و معانــا المرة اللي جـــاية .. حــــوار مع شخص مهم جدا جدا
ايوا حوار مهم أوي أوي .. صدقوني
و اللي عايز يقرفنا قصدى يبعتلنا الاختراع اللى اسمه اس ام اس .. يا ريت يرد علينا و يكتب قبل جمله اس ام اس انها اس ام اس ما احنا مش هنجم بقى و نعرف انها اس ام اس لوحدنا ..
ايه اللي انتي قولتيه دا .. حد فهم حاجة ؟! اتكتمى خااالص
لو عايز تبعت SMS للبرنامج ابعت مسج خاصة لـ (مصـــراوي اليـــــوم) و اكتب في العنوان "SMS"
و الحلقة اللي بعديها حتلاقي كلامك في الحلقة
لو عندك أي تعليقات أو إضافات .. ابعت مسج خاصة لـ (مصـــراوي اليـــــوم) و اكتب في العنوان "تعليق"
و نوعدك ان كل كلمة حتقولها .. حتتاخد في الحسبان
شكر خاص لكل اللي ساندنا و ساعدنا في برنامجنـا
شكر خاص لعلي مدكور علي تشجيعنــا و مساعدتنا و شكر خاص لكل اللي تابعونــا
و بأقولكم استنونا الحلقة اللي جاية .. معانا فقرات جديدة و أخبار أجدد
استنى انت هتقفل ولا ايه .. ؟!
كان معكم ورقه و احمد من امام الكومبيوتر صفحه مصراوى اليوم .. !
إن شاء الله الحلقة اللي جاية ورقة مش حتبقي موجودة .. حأكرمشها و لا حأبلها و أنشرها
في ميعاد الحلقة .. عايزين نخلص .. نشوفكم الحلقة اللي جاية .. في أمان الله.
http://www.masrawycafe.net/upload/up...3d05512251.gif
برنامجنـــا حيبقي أسبوعي .. استنونا
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
كنا مستنين البرنامج من فترة ...
وفعلاً يا احمد البرنامج جامد جداً كما اتوقعت
وان شاء الله سيتم تطويره علي ايديكم ...
:)
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
=D>=D>=D>=D>=D>
روووووووووووووووووووووووو وووعه
بصراحة كلمة رائع قليله وما توفيه حقه
حلقه مميزة ما شاء الله
والفاصل حلو فكرته وجديدة
مشكور جدا احمد على التميز ومشكورة ورقه على التعاون في الحلقه
فعلا شيء جميل جدااااااااااا
انا والله ما توقعت انى اقرأ كل كلمة فيه
لكن لانه جدا ممتع فعلا قرأته كامل
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
هههههههههههههههه الله دا جامد جدا ومتابعه معاكم ان شاء الله
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
الله بجد جامد يا ابو حميد .. وجامده طبعاُ يا ورقه ..
فكره رائعه جدا .. وانا بصراحه اول مره اشوفها فعلا فى المنتديات ..
بجد شغل فوق الرائع ..
بس انا كنت عايز اعرف حاجه يا زعيم انت وورقه ..
ابعت اس ام اس لمصراوى اليوم ازاى ..؟
عارف هقرفكم زى اللى بيبعتولكم اس ام اس ..
بس بجد حاجه جميله جدا وطريفه جداُ جداُ ..
احب اشكركم واشكر مهندس الصوت اللى وجع صوتكم ..
والاضاءه الجميله اللى انا شيفها ودا اكيد من نوركم ..
مع السلاموا عليكم ..
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
sms
البرنامج حلو جدا و مشوق لمعرفة باقى الاخبار
بس يا ريت توضحوا شوية انتو بتتكلموا على مين
وعلى فكرة انا هتابع البروجرم من على الستلايت
لانى قررت بعد ازنكم انى افتح قناة فضائية
وازيع البروجرم
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
حقاً انه عمل رائع متنوع جريء
واعطاء نبذة عن بداية نشأة المنتدى شيء جميل
حلقه متنوعه تجمع الطرافه والفائدة وتغطي اخبار المنتدى اول باول بصراحة تامة
بوركتم ووفقكم الله
الى الامام
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
sms
بصراحة برنامج رائع يازعيم انت وورقة
وجهد جبار
بالتوفيق ان شاء الله
=D>=D>
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
sms
بعد السلام
بهنيكم على البرنامج الحلو جدا والممتع
وان شاء الله من نجاح الى نجاح
واحب اهني المذيعين الى نوروا البلاتوه
وبتمنالكم الاستمرارية بادن الله
وفي النهاية بطلب اغنية سخبط لخبيط
بهديها لكل الاعضاء بدون استثناء:D
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
ايه الجمال ده بس يا زعيم
حلقة جميله اوى
و منتظرين الحلقة القادمه
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
و البرنامج بتاعنا حيبقي عن أخبار الكافيه و برضه من خلاله حناقش مواضيع كتير
طبعا نسبة الجد في البرنامج مش حتبقي قد نسبة الهزار .. احنا مش علي الفضائية يعني
و أهداف البرنامج أنه يغطي كل الأحداث اللي بتحصل في الكافيه و في نفس الوقت
الأحداث اللي بتحصل حولينــا .. و طبعا الترفيه هدف أساسي في البرنامج دا
والجميل فعلا انه البرنامج غطى كل الاهداف المعمول عشانهابرنامج مشوق جدا احمداتمنى فعلا الله يقدرك وتستمر فيه =D>
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
السلام عليكم ورحمة الله وبركاته
والله يا ابني انت واد كفاءة وبرنامج غاية في الحلاوة واللي بيقدموه اتنين مالهموش حل والله
تسلموا يا رجالة ع البرنامج
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
برنامج جميل فعلا وحلقه ممتازه=D>
قلتلى الحلقه اللى جايه حتتذاع امتى؟;;)
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
ميرسى يا زعيم على الحلقه الجامده
مستنيه الحلقه الجايه
موضوع جامد تسلم ايدك يا قمر
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
جامد خلاص والله ونتمني لكم مزيد من التقدم
ومتابعين انشاء الله
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
SmS
ازيكـ يا عم انتا وهيـَ
عاملين ايه ؟؟
كويسينـ ماشى الحمد لله
مبروك وألفـــــ مبروك ع البرنامجـ اللى مش جميلــ
ده تحفه مش جميلــ - ده اروع من الروعة نفسها
ايه ياورقة ده ايه يا زعيمنا ده - ايه الجمالـــ ده
بجد رائع وأكثر من رائــ ع - تسلمووووووووووووووو بجد
والله يباركلكمـ فـــ البروجــ - والحلقة الاولى تحفهـ
ومنظرين الحلقة الجاية اللى بتقولو ان الشغل هيكونـ فيها
كتيييييييييييير - لما نشوف - يامسهل - ربنا معاكمـ
ويوفقكم ان شاء الله - كفاية بقى كدة عشان طولت عليكمـ
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
مش عارف أرد عليكم و أقــــــول ايه .. بس الحمد لله ان الحلقة عجبتكم
شكـــرا علي مدكور كتير علي تدعيمك لينــا
طيف ميرسي كلامك الجميل و تشجيعك
ســـارة الحمد لله ان الموضوع عجبك
عصـام انت ممكن تبعت sms علي اليوز نايم الخاص بالموضوع
(مصـــراوي اليـــــوم) بنفس المسافات كدا
zazoaa هو ممكن أقولك حااضر .. بس نخليها كدا أحسن
عشان شعور الأعضاء بس
أستاذة ساجدة .. شكرا كتير و ردك شرف لينـــا
عــوامي .. شكرا كتير علي sms و استناها الحلقة اللي جايه
همســـة .. الأغنية دي في برنامج (الطفل و انتي)
شكرا كتير علي ردك اللذيذ
ســراج .. يا أستاذ يا أمين
نورت الموضوع بحاله و شرفتنا يا راجل
مرسال الغــد .. استنانا ان شاء الله
كل يوم ثلاثاء من كل أسبوع
ميشــو .. الحمد لله ان الفكرة عجبتك
و ان شاء الله مستنينك تتابعينا
تريكــة .. فرحت كتير بردك الجميل
و كله يستني الـ sms بتاعته في الحلقة اللي جاية
و تابعونا علي الفضائيات بعد كدا
شكرا كتير
و شكرا ورقة كتير لأنك ساعديني
:)
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
يلا ادينى بزكى عن صحتى و بساعدك .. :-P
يا رب تكــــــــــــون الحلقه عجبتكو .. و ان شاء الله فى حاجات كتيييييييير جديده هتلاقوها ..
و يا جماعه احمد عامل شغل بجد فظيييييع انا بس بحب اغلس عليه ..
;;)
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
السلام عليكم ورحمة الله وبركاته
برنامج ممتاز يا زعيم انته وورقة
بس لسه محتاج شغل
أقله محتاج مراسلين للأحداث من قلب الأقسام
ماهو مش معقول هتقدروا تجمعوا كل المعلومات عن الأقسام كلها لوحدكم
وبعدين ليه مختلفين عن بقية المذيعين
كلهم بيقولوا فاصل ونواصل
مش عارفه ليه
فيه اجماع على الكلمة دي من كل المذيعين في كل القنوات حتى قنوات الأطفال
زي ما تكون عدوى:|
في انتظار آخر الأخبار والمستجدات على الصعيد المصراوي
والصعيد الامصراوي
والحمد لله انه قناة مش متشفرة
الميزانية مش ناقصة:-SS
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
برافووووووووووووووو والله برنامج ممتاز ربنا يوفقكم واشاء الله المزيد والاكثرو بالتوفيق وحنتابعكم =D>
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
برنامج جميل والله ....
وحلو اانو كل تلات
هبقا ادخل ابص عليه
ميرسي يا زعيم ويا ورقة
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
برنامج كتير حلو وجديد ما عمرى شفت متلو
يعطيكم الف عافيه ويا رب يوفقكم اكتر وينجح اكتر
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
برنامج تحفة بجد
ميرسى اوى احمد وورقه
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
ان شاء الله الحلقه اللى جايه تعجبكو
و الاس ام اس كلها تنزل فى الحلقه اللى جايه
و مستنين بقيت الاس ام اس
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
طب انا عايزه اقول اس ام اس
انا عايزه اقول ان البرنامج تحفه يا ورقه ولو جبتي الساندويتش ابقي اعزمي واقول خبر كمان ان البنات ان شاء الله هيجيبو اجل الشباب في الحرب احنا عندنا اسلحه دمار شامل وهنفتح مجال النووي وبحب اشجع كل البنات الي واقفه معانا في الحرب
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
برنامج جميل جداا
وفكره رائعه
ربنا يوفقكم
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
لا بجد والله الفكره تحفه
والى بيقدموه كمان بجد
احمد و ورقه
اصحاب الدم الخفيف جدا
اشكركم بجد على البرنامج الهايل ده
ومتابع ان شاء الله
وفى تقدم دائما الى الامام
يا منتدانا الغالى
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
أحب أشكر كل الأعضاء اللي شاركونا بآرائهم و ردودهم الجميلة
و كل عضــو ضاف sms ان شاء الله حتنضاف للبرنامج و انتظروا الحلقة التانية
ميرسي أستاذة شمس .. و الفكرة قائمة الخاصة بالمراسلين بس لما البرنامج يكبر شوية
و سهر الحمد لله ان البرنامج عجبك و نتظرين متابعتك معانا
روزي طيب كويس انك حتبعينــا و ابقي ابعتيلنا sms
ساندي ميرسي كتير علي مشاركاتك اللذيذة و ردك الجميل
سيدرا شكرا كتير علي رأيك و نتمني تتابعي البرنامج علطول
سارة حتلاقي الـ sms بتاعتك في البرنامج ان شاء الله و شكرا علي كلامك الحلو
اسلام ميرسي يا جميل علي مرورك و منور الموضوع
لوست شكرا كتير علي رأيك و ان شاء الله الكافيه للأمام دائما
انتظروا الحلقة بكــره ان شاء الله
:)
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
والله يا احمد انا احلف ما ابعت ولا اس ام اس تاني
انا لحد الان باعت حوالي 1000000 اس ام اس وانت مش راضي تزيعه ...
وبجد برنامج هايل ...
وخد عندك اخر اس ام اس معايا لاني خلصت رصيد عليكم ...
اولا انا بحب اشكر البرنامج واسره البرنامج وانت خاصه وياريت تسمعوني اغنيه بحبك وحستيني للفنان الجسمي ..
سلامي ..
بس انا عاوزه اقول حاجه ممكن اعرف رقم تليفونك يا احمد ...
هههههههههههههههههه
موضوع هايل ... بالتوفيق ...
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
اقتباس:
المشاركة الأصلية كتبت بواسطة MagMan
والله يا احمد انا احلف ما ابعت ولا اس ام اس تاني
انا لحد الان باعت حوالي 1000000 اس ام اس وانت مش راضي تزيعه ...
وبجد برنامج هايل ...
وخد عندك اخر اس ام اس معايا لاني خلصت رصيد عليكم ...
اولا انا بحب اشكر البرنامج واسره البرنامج وانت خاصه وياريت تسمعوني اغنيه بحبك وحستيني للفنان الجسمي ..
سلامي ..
بس انا عاوزه اقول حاجه ممكن اعرف رقم تليفونك يا احمد ...
هههههههههههههههههه
موضوع هايل ... بالتوفيق ...
:))
:)) :))
أوي أوي خليك مع الكنترول و هما حيدوك نمرة التليفون
و استني الحلقة اللي جايه عشان تشوف الـ sms بتاعتك و حنرد عليك أكيد المرة دي
نورت البرنامج يا معلم
:D
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
نمره تليفون احمد
بس هو الصراحه مش شبكه من الشبكات احمد يختلف عن الاخرون
رقم تليفونه ..
اربع اصفاار
0 0 0 0
:D
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
والله حاجة جميلة جدا
الله ينور عليكم
واسف على التأخير بس أكيد السبب معروف
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
ولا يهمك يا جميــل .. أهم حاجة انك متابعنــا
بس حنتوقف فترة كدا عشان الامتحانات و المذاكرة و نرجع ان شاء الله بعد الامتحانات
بحلقات كتير .. و ان شاء الله تعجبك
:)
و يا ورقة ليه سيحتي علي نمرة تليفوني كدا
:D
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
:):):):)
بجد روعه وجميل جدآ جدآ جدأ
=D>=D>=D>=D>=D>
مشكورين(الزعيم-ورقه) على هذا الجهد
وانا عايزه ابعت sms واشكركم على البرنامج الجميل ده واطلب اغنية للمطرب شهاب تخنيق اقصد ايهاب توفيق اغنية هيا نقصاك انت كمان جاى وعايز منى حمام ييه اقصد حنان الواحد جعان علشان كده ياريت سندوتش همبرجر ليا بالمره زى ورقه
وانا اسفه على التأخير فى الرد بس والله الدراسه والامتحانات يلا ربنا يوفق الجميع
-
رد: أول حلقــــة من .: مصــــــراوي اليـــــوم :. أول برنـــامج اخبــــاري
ولا يهمك يا يارا و إستني الـ SMS بتاعتك الحلقة اللي جاية في يوم 10/6
و تابعينا بقي معانا مفاجآت في الحلقات الجديدة
و ربنا يوفقك في امتحاناتك و يوفنا جميعا في امتحاناتنا
:)
-
