لمن ستصوت فى انتخابات الرئاسه 2011

من تراه الافضل لقيادة مصر
من2011

1-محمد حسنى مبارك(رئيس الجمهوريه)
http://www.masreat.com/wp-content/up...t1-253x300.jpg

2-عمر سليمان(رجل المخابرات المصريه)
http://www.masreat.com/wp-content/up...oliman-879.jpg

3-محمد البرادعى(الرئيس السابق للوكاله الدوليه للطاقه الذريه)

http://www.masreat.com/wp-content/up...3y-300x238.jpg

4-احمد زويل(الحاصل على جائزة نوبل)
http://www.masreat.com/wp-content/up...22-300x157.jpg

5-رفعت السعيد(رئيس حزب التجمع)
http://www.masreat.com/wp-content/up...LSA3EED924.jpg

6-جمال مبارك(امين السياسات فى الحزب الوطنى)
http://www.masreat.com/wp-content/up...83-300x253.jpg

7-ممدوح رمزى(اول مرشح قبطى لرئاسة مصر)

http://www.masreat.com/wp-content/up...y1-300x252.jpg


8-ايمن نور(رئيس حزب الغد السابق)

http://www.masreat.com/wp-content/up...n-noor7129.jpg


9-ممدوح اباظه(رئيس حزب الوفد الجديد)
http://www.masreat.com/wp-content/up...-abaza1336.jpg

10-سامح عاشور(نقيب المحامين السابق)
http://www.masreat.com/wp-content/up...29-300x200.jpg


هاه تنتخبو مين؟؟؟؟؟؟؟؟؟؟


ارجو التثبيت

أستميحكم عذرا فربما لايحق لي التصويت
لأني لا أحمل الجنسية المصرية
لكن وبكل تواضع أعشق البرادعي

انا لو حبيت ارشح هرشح افقر واحد في مصر
عارفين ليه لاني الفقير هو الوحيد الي هيحس بظروف البلد
وهيصلح فيها كتيير
مش تجبونا واحد كان عالم عاوزينا نرشحوه ده عمره ماهيعمل حاجة في البلد دي
عارفين ليه لانه ماحسش بالناس الفقيرة عايشة ازاي

تقبلوا وجهة نظري

وشكرا

انا عن نفسى وبتكلم بكل صدق
هرشح الريس حسنى مبارك
لاسباب كثيره جدا
اولها لأن مصر بعد الريس هيحصل فيها مالا يحمد عقباه
بجد مش هزار
انا عايش برا مصر
انتوا مش عارفين الناس برا مصر متربصه لينا ازاى
لو الريس ربنا يطول فى عمره مات
هتشوفوا الانقسام والتفرق اللى هيحصل فى مصر
وبعدين المرشح التانى اللى ممكن اختاره هيكون
اللواء : عمر سليمان
رجل المخابرات لانه ببساطه يعرف ما يدور فى المطبخ السياسى وكمان هو رجل عسكرى
انا بأيد ان اللى يتولى منصب الرئاسة يكون رجل عسكرى
تعالوا شوفوا من برا مصر ايه اللى بيدبر لمصر
والله الكثير من دول العالم نفسها تحقق مطامعها وتبسط سيطرتها على العالم الاسلامى والعربى ودا مش هيقدروا عملوه الا بعد سيطرتهم على مصر
يا رب طول فى عمر الريس الى ان يأتى من هو اصلح منه
اما باقى المرشحين فهم عرائس تحركهم ايادى خارجية ودا بكل صدق

انا خلاص صوت للبرادعى
وليه لان عندى امل للتغيير معاه
بس سؤال بس لعمر البرديسى
"هوانت فكرت فى حال الغلابه اللى فى مصر مش المليون اللى بره لا ال80 مليون اللى جوه؟؟؟
ولا داعى للزعل

امممممممممممم
حلو التوبيك دا ع الاقل نشوف الناس هنا بتفكر ازاى
بس انا عندى استفسار...........
اولا على اساس هختار ؟
لازم الاول نعرف برنامج كل واحد من المرشحين دول وكماننعرف كل حاجة عنه ونكون واثقين منه جدا
كمان لازم احنا كشعب نتغير مانبقاش مستسلمين ونسيب كل حاجة للريس اللى يقوله يمشي وبس؟....لا طبعا لازم يكون لينا صوت مش بس ايام الانتخابات وخلاص
كمان الدنيا لازم تتغير تغيير كلى نعرف اللى هيرأسنا دا هيودينا لفين ؟
اسمحلى مش هقدر ادى صوتى لحد .......... الا لما اعرف هيعمل ايه بصوتى دا

انا بكل صراحة محتارة بين راي هند واى عمر
الاثنين عندهم حق

انا انتخب اللى يقدر يصلح حال البلد للأحسن
ويخليها بلد احسن من كده بكتييير

مشكور على الموضوع

اقتباس:

---

المشاركة الأصلية كتبت بواسطة اسلامى حياتى

انا خلاص صوت للبرادعى

وليه لان عندى امل للتغيير معاه
بس سؤال بس لعمر البرديسى
"هوانت فكرت فى حال الغلابه اللى فى مصر مش المليون اللى بره لا ال80 مليون اللى جوه؟؟؟
ولا داعى للزعل

---

اولا : اختى فى الله اسلامى انا مزعلتش
ثانيا : انا قبل ما اكون برا مصر فأنا كنت جوه مصر
واسمحيلى انا يمكن اكون اكتر منك معرفه بأحوال بعض الناس
لانى عشت فى الصعيد اللى الكل ناسية مفيش اى نوع من انواع الخدمات .
وعموما انا مش برشح الريس مبارك علشان هو بيصلح فى البلد
انا عندى نموت من الجوع واتسرق عينى عينك احسن ما نتفرق عن بعض
انتى عارفه بعد الريس لو جمال ممسكش الرياسه ايه اللى هيحصل فى مصر
هتلاقى الانقسامات والتفرق بمعنى انك مثلا هتلاقى الاخوان الكسلمين كونوا قوة لوحدهم هدفها السيطره على السلطه
والاقباط لوحدهم
وكل حزب من الاحزاب هتلاقيه بيعمل بطرق مشروعه وغير مشروعه للسيطرة على مجريات الامور فى البلد
دا غير الايادى الخارجية اللى انا اتكلمت عنها بس انتى للأسف مفهمتنيش الايادى دى بتتحرك فى الخفاء هدفهم خلق نوع من الفوضى علشان يقدروا هما يسيطروا على مصر
وعندك الدليل يعنى خلية حزب الله مين اللى بيمولها طبعا حزب الله ومن وراه ايران طبعا اللى عايزه تحقق المد الشيعى فى المنطقة عن طريق نقطة البدايه اللى هى مصر
من الاخر الكل هتلاقيه بيشتغل بطريقة (( فرق تسد )) الكل عايز يخلى الايد الواحده تبقى مليون ايد
وهتلاقينا فى الاخر عاملين والعياذ بالله زى العراق
اصل احنا شعب معندوش اى وعى سياسى وغلابه وبيضحك علينا بكلمتين واللى يطلع يشتم امريكا نطلع نهلله ونطبله ونصفقله ونقوله (( انت انت الحياة وانت انت الامل والنجاه ))
ارجو التفكير بموضوعية اكتر
انا عندى اموت من الجوع واتسرق عينى عينك احسن ما نتفرق وييجى اللى يسودنا من برا (( لأن يربنى رجل من قريش احب الى من ان يربنى رجل من هوازن ))

انا مختلف مع البرديسى على مبارك اختلاف كليا

ولاكن فعلا انا متفق مع كلامه ان مصر هتكون بهدله مع اى حد هيجى بعد مبارك اى كان هو مين اللى جاى

بس لازم نفهم ان فى ناس مهمتها بتنتهى عند الوصول الى ترشيح للراسه والناس دى هى اكتر

ناس تعبت من اجل التغير فى بلدنا الحبيب طبعا على راسهم ايمن نور الراجل عمل كل حاجه

فى ذمن لم يكن لاحد ان يفعل ما فعله ولاكن للرجل الرئاسه مواصفات اخرى

يمكن ان نضع نور فى مكان رئيس وزراء يعلم بحاجه الشعب ومنهم وايضا البردعى لايملك عصى

موسى ليحول مصر الى دول العالم الاول ولا التانى واعترف بعلاقاته الخارجيه وهو افضل من

يحمل اسم مصر فى العلاقات الخارجيه لازم اللى يمسك الرياسه يكون ملم بهموم الشعب

وعارف ايه اللى مطلوب منه رجل يعلم ما يدور فى سراديب القصر وخارجه والمهم يا نااااااااااس

الحاجه الوحيده اللى بنرفع رسنا بيها جيش مصر من يعرف منهم عن الجيش اى شىء مش

هطول اكتر من كده وهقول انى هدى صوتى
لعمر سليمان هو الرجل الشامل الملم بما يحتاجه الداخل وبمن شحذوا سيوفهم استعداد لتقطيع الغنيمه ادعوا الله ان تمر تلك الايام علينا بسلام

رائى والسلام

بص يا عمر مع احترامى ليك وعلى الرغم من ان كلامك موضوعى
انت اه عشت فى الصعيد وفاهم انا بردو مش بنت ذوات احنا قريه اصلا ابتدينا من الصفر ويمكن اقل من الصفر
وشفت حجات كتير اوى واتعلمت منها كتير وفهمت وعرفت وناقشت يعنى عندى خبره شويه
وانا فاهمه كلامك بس معلش يعنى انا عندى اموت ومقبلش الاهانه
طيب مانا بدل ما اهلل واشجب واحيي انا اللى ابنى وطن هادى مش غيرى اللى يخطط وانا انفذ
وعلى فكره انا مش بهلل لحزب الله ولا مقتنعه بيهم اساسا دول كيان بدعوه اليهود
ودا مش جديد
ولا بردو برشح للبرادعى حب فيه لا امل وميمنعش انه لو غلط اقول لا لو هو غلط

بس لدلوقتى هو مغلطش ومبدا ان اللى ييجى هيهد العلاقه بين مسلمين ومسيحيين مين قال كده
مش مبارك اللى مهدى المسيحيين لا دا البابا هو عباره عن حاكم للكنيسه يعنى ماسك الكنيسه سياسيا مش مبارك
وانا لا مع مبارك
ولا البرادعى لو ظلم
ومش كل من قال كلمه وحشه عن امريكا او اسرائيل اهلله لا دا احترس منه
مع احترامى لرايك
اسفه على الاطاله

بصو يا شباب
اولا شكرا لكل الى شاركوا وتفاعلو مع الموضوع
وكل واحد اكيد خايف من الايام الجايه
اكيد فى مشاكل كتير هتحصل
بس اخر حاجه ممكن الواحد يخاف منها هى الفرقه او الانقسام
لان سيدنا محمد عليه افضل الصلاة والسلام قال
( إذا فتح الله عليكم مصر فاتخذوا فيها جندا كثيفا ، فذلك الجند خير أجناد الأرض . فقال له أبو بكر : ولم ذلك يا رسول الله ؟ قال : لأنهم في رباط إلى يوم القيامة )
وهنلاقى فى اغلب الدول العربيه صراعات داخليه وبين مسلمين ومسلمين
ولكن هنا فى مصر الحمد لله
المسلمين والاقباط عايشين حياتهم بسلام ومفيش مشاكل
رغم المحاولات الخراجيه فى اثارة الفتنه بينهم
ولما يكون فى بدايه فتنه
تقرا فى الجرايد وفى نفس الوقت
ان فى واحد مسلم مات وهو بينقذ جاره قبطى من حريق
وانا فى اربعه من الاقباط ماتو وهم بينقذوا واحد مصرى مش فاكر من ايه
فطمنوا نفسكوا
واحمدو ربنا ان احنا مصريين
وعلى فكره انا اديت صوتى للبرادعى ومستبشر فيه خير ان شاء الله


واسف للاطاله

انا اصوت للبرادعي لانه يسعي الي التغيير الجاد

ومع احترامي للراي الاخ عمر البرديسي وتقديري لكلامه
احنا عمرنا ما سمعنا عن فتن بين المسيحين والمسلمين
غير في عهد الرئيس مبارك

والاعداء المتربصين هما خايفين من مبارك
لا دول خايفين من الجيش المصري

ومين اللي دخل الشيعه مصر
ومين اللي عمل للصوفيين نقابه ومكانه

مع احترامي لكل كلامك
الرئيس مبارك هو وصل مصر
الي دوله ليس لها مكانه
داخل الشرق الاوسط
وداخل الدول العربيه وداخل دول حوض النيل

وركب اسرائيل وامريكا علي اكتافنا

اشكرك اخي سيزار علي هذا الموضوع الجميل

مع احترامى لكلام الجميع وارائهم
لكن حرية الرأى مكفوله
انا ضد البرادعى صراحة
اقولكم اسبابى وياريت تفكروا فيها
اولا: البرادعى من سنة 1997 وحتى سنة 2009 وهو مدير عام الوكالة الدوليه للطاقة الزرية ودى طبعا منظمة دوليه احب اعرفكم ان الموظف الدولى يكون الولاء عنده للمنظمة مش للدوله اللى هو بينتمى اليها يعنى البرادعى قعد 12 سنة ولاءه للوكالة الدوليه للطاقه الزرية مش لمصر
ودا طبعا معروف عن اى موظف دولى مش البرادعى بس
ثانيا : البرادعى من 1984 وهو بيعمل دكتور بأحد الجامعات الامريكية
يعنى من 1984 لغاية 1997 وهو بيدرس فى جامعات امريكية بيدرس ارائهم وافكارهم بطريقتهم هما بيدرس اللى هما عايزينه وطبعا كلنا عارفين هما عايزين ايه
يعنى لو زى ما بيتقال عن الرئيس مبارك انه امريكا اللى بتمشيه على مزاجها ولو انا افترضت معاكم جدلا الكلام دا صح فأنا بقولكم ان الرئيس مبارك بقى بيمشى حسب كلام امريكا بعد ما تولى الرئاسة انما البرادعى عايش فى حضنهم وهما اللى بيمشوه من زمان على ارائهم وافكارهم
ثالثا : يعرف ايه البرادعى عن مصر من قبل 1984 وهو عايش فى امريكا يعرف ايه عن مصر ولا عن احوالها
ياريت نفكر بموضوعيه على الاقل مش مبارك بس واحد يكون عارف ايه عن مصر ولا عن شعب مصر
رجاء نفكر بموضوعية

ميرسى جدا على التوبك بس انا مش حقدر لانى مش ليا فى السياسة

لو مكنش مبااااااااااااااااااااااا اااااااارك فصوتنا لجمال
وجمال على حق

عادى انا عن نفسى مليش فى السياسه بس انا شيفه ان جمال اولى بيها لان سنه صغير ولسه العمر ادامه

اجمل حاجه الواحد يصوت على مصر

يا مصر ايه بهدلك دا الشعب مستكفي
كفايه جاله الشلل والكل متوفي
ميت ومات الطريق تحت الخطى بكيلو
حرام عليكي يا بلد عُشر اللي فيه يكفي

تقبلو تحياتي

شكرا جدا علي الموضوع
انا اوافقك ياعمر الراي ولو مش مبارك يبقي جمال

اقتباس:

---

المشاركة الأصلية كتبت بواسطة ekrammegawer

اجمل حاجه الواحد يصوت على مصر

يا مصر ايه بهدلك دا الشعب مستكفي
كفايه جاله الشلل والكل متوفي
ميت ومات الطريق تحت الخطى بكيلو
حرام عليكي يا بلد عُشر اللي فيه يكفي

تقبلو تحياتي

---

بجد كلامك حلو خالص
وياريت تقبل ردى علىك

انا لو معايا بطاقه انتخابيه عمرى عمرى ما هنتخب الرئيس حسنى او جمال :(:(:(
انا انتخب الدكتور البرادعى او ايمن نور نفسى البلد تتغير بقا :D:D
تقبل مرورى

الأمل فى التغيير

نريد ان يولى الله علينا من يصلح و يتقى الله فينا

و لن يحدث ذلك إلا إذا تغيرت ثقافتنا و وعينا تغييرا كليا كشعب

علينا ان نصلح من أنفسنا فى شتى المجالات

و اعتقد أن أهم مجال هو التعليم

يجب ان يكون هناك إصلاح شامل للتعليم بكل مراحله حتى يخرج جيل يقدر العلم و يعرف قيمة العمل

جيل جديد يستطيع قيادة البلد نحو مستقبل أفضل فى شتى المجالات

فإذا انصلح التعليم فى مصر انصلحت كل المجالات

اما بخصوص التصويت

فأعتقد أن مصر بها من هم أفضل ممن ذكرت اخى سيزر بكثير و لكن للأسف لا احد يعلم عنهم شيئا و ذلك لإقصاءهم عن الإعلام

و لكن لو ترشح كل من ذكرتهم

فسأعطى صوتى إلى عمر سليمان

بالرغم من انه رجل مخابرات

و انا اكره ان نعود إلى الحياة المخابراتيه

إلى أنه أدرى و أعلم بشئون البلد الخارجيه و الداخليه و بحياة المواطنين و بالجيش

كما انه رجل ذو خبره و حنكة لا تتوفر فى غيره من المرشحين

بس ياريته يرشح نفسه ( أشك )

اما عن الرئيس مبارك فلن أعطى له صوتى (كفايه 30 سنه عاوز التغيير )

أما جمال مبارك فسوف يسير على نهج والده ( مفيش تغيير ) و ذلك بسبب من حوله من رجال الأعمال و من لهم مصالح شخصيه دون مراعاة لمصلحة البلد

اما عن البرادعى يشكر له قيامه بالشراره الأولى( مطالبه من أجل التغيير ) و جعلنا نفكر فيما ذكره من حقوق مهدره لكل مواطن مصرى
بالفعل هو شخصيه متميزه على صعيد العلاقات الخارجيه مع الدول

و لكن لى إقتراح

أتمنى أن يحكم مصر شخصيه مثل عمر سليمان
و عمل مجموعه من المستشارين ذوى الخبره فى شتى المجالات ( و هم كثيرون )

على سبيل المثال الاستعانه بكل من

فاروق الباز

أحمد زويل

البرادعى

عمرو موسى

الجنزورى

أبو الغار

و غيرهم الكثير

مشكور سيزر على إتاحتك الفرصه لإبداء الرأى

و عذرا للإطاله

يا شباب شكرا لكل الى دخل وشارك
وان شاء الله ربنا يختار الى يبقى خير لمصر وشعبها

اقتباس:

---

المشاركة الأصلية كتبت بواسطة مرهف الاحساس

الأمل فى التغيير

نريد ان يولى الله علينا من يصلح و يتقى الله فينا

و لن يحدث ذلك إلا إذا تغيرت ثقافتنا و وعينا تغييرا كليا كشعب

علينا ان نصلح من أنفسنا فى شتى المجالات

و اعتقد أن أهم مجال هو التعليم

يجب ان يكون هناك إصلاح شامل للتعليم بكل مراحله حتى يخرج جيل يقدر العلم و يعرف قيمة العمل

جيل جديد يستطيع قيادة البلد نحو مستقبل أفضل فى شتى المجالات

فإذا انصلح التعليم فى مصر انصلحت كل المجالات

اما بخصوص التصويت

فأعتقد أن مصر بها من هم أفضل ممن ذكرت اخى سيزر بكثير و لكن للأسف لا احد يعلم عنهم شيئا و ذلك لإقصاءهم عن الإعلام

و لكن لو ترشح كل من ذكرتهم

فسأعطى صوتى إلى عمر سليمان

بالرغم من انه رجل مخابرات

و انا اكره ان نعود إلى الحياة المخابراتيه

إلى أنه أدرى و أعلم بشئون البلد الخارجيه و الداخليه و بحياة المواطنين و بالجيش

كما انه رجل ذو خبره و حنكة لا تتوفر فى غيره من المرشحين

بس ياريته يرشح نفسه ( أشك )

اما عن الرئيس مبارك فلن أعطى له صوتى (كفايه 30 سنه عاوز التغيير )

أما جمال مبارك فسوف يسير على نهج والده ( مفيش تغيير ) و ذلك بسبب من حوله من رجال الأعمال و من لهم مصالح شخصيه دون مراعاة لمصلحة البلد

اما عن البرادعى يشكر له قيامه بالشراره الأولى( مطالبه من أجل التغيير ) و جعلنا نفكر فيما ذكره من حقوق مهدره لكل مواطن مصرى
بالفعل هو شخصيه متميزه على صعيد العلاقات الخارجيه مع الدول

و لكن لى إقتراح

أتمنى أن يحكم مصر شخصيه مثل عمر سليمان
و عمل مجموعه من المستشارين ذوى الخبره فى شتى المجالات ( و هم كثيرون )

على سبيل المثال الاستعانه بكل من

فاروق الباز

أحمد زويل

البرادعى

عمرو موسى

الجنزورى

أبو الغار

و غيرهم الكثير

مشكور سيزر على إتاحتك الفرصه لإبداء الرأى

و عذرا للإطاله

---

شكرا لمرورك
نورت الموضوع بنشاركتك
وعلى فكره الاسامى الى انا ذكرتها هم فعلا المرشحين للرئاسه
وبنسبة 99% لو كان عمرو موسى فى الانتخابات دى كان كان هيخدها
بس تقول ايه بقى الباشا بتاعنا عشان لقى ان هو بقى ليه شعبيه
فخاف على نفسه ومسكه رئاسة جامعه الدول العربيه

وان شاء الله ربنا هيختار الى فيه خير لمصر ولينا

اقتباس:

---

المشاركة الأصلية كتبت بواسطة roro_rawan

بجد كلامك حلو خالص
وياريت تقبل ردى علىك

---

طبعا اقبل يا روان وأشكرك جدا عل اهتمامك وكلامك الجميل لك خالص ودي وتقديري واحترامي

http://www.masreat.com/wp-content/up...3y-300x238.jpg
بصراحة انا مختارة الدكتور / محمد البرادعي لأنه عاوز يغير مصر للأحسن وللأفضل والواحد زهق والشعب زهق وكفاااااااااااااية بأه عاوزييييييين تغييييييير ده من حقنا وشكرا ليك وتقبل مروري المتواضع ده:):):)

انا صوت لحسني مبارك وان مكنش هو
هصوت لجمال مبارك
اللي نعرفه احسن من اللي منعرفوش:x

الريس الجديد ان شاء الله هو جمال مبارك
لاني اعرفه شخصيا وقلبه طيب قوي وما بيخاف حد