بسم الله الرحمن الرحيم
السلام عليكم ورحمة الله وبركاته
سؤال تانى
ليه دايما لو لاقيتى واحدة صاحبتك لبست النقاب بتلاقي نفسك تلقائيا بتقولى لها مبروووك؟؟؟؟؟
وممكن لو قالت لك عقبالك تقولى يارب!!
أنا بقول الكلام ده للبنات اللى بتروح لأختها المنتقبة تبارك لها مش تقولها ايه اللى انتى عملتيه في نفسك ده؟
ليه عملتى كده؟ أنتى لسه صغيرة؟ أنتى لسه صغيرة!!
فتشي بينك وبين نفسك أختى هتلاقى سبحان الله ميل غريزى إنك تبقي متسترة تبقي غالية مكنونة في حجابك وإلا ماكنتيش قلتى لها مبروك أو قلتى يارب يرزقنى زيها
حتى وأنتى صغيرة تلاقي نفسكِ بتتكسفي حد يبص عليكى
فده حياء فطري!
نقطة كمان بعض الاخوات بتبقي نفسها جدا تلبس النقاب ومقتنعة به وكل حاجة بس تيجى تلبسه تقول لا بعد مااتزوج.....واحنا اتفقنا إنه رزق!!
حتى أختى الغير محجبة برضه بتلاقي في نفسها نفس الميل للتستر وللحجاب مثلا تقولى لها نفسي اشوفك لابسة الحجاب
تقول لك ادعى لى إن ربنا يهدينى والبسه..!
يعنى هى مقتنعة وعايزة تلبسه !
بس الشيطان مانعها... مقيدها...مسلسل ايديها ورجليها إنها تنزل تشترى الحجاب اللى تستر به نفسها والقرآن الكريم بيحكى لنا خطة عمل الشيطان في إفساد الشعوب
"لِيُبْدِيَ لَهُمَا مَا وُورِيَ عَنْهُمَا مِن سَوْءَاتِهِمَا "
تخيلوا اللعين عايز العرى ينتشر !!
وكانت هى دى خطته من زمان>>> المحجبة يقول لها ده انتى بنت كده تمــــــام تمــــــام !!!
خلاص أنتِ عملتى اللى عليكى كفاية عليكى كده
انتى كده في ال O.K
فيفتنها ويصرف تفكيرها إنها تعدل في حجابها أو تمتنع عن أى شكل للتبرج
أو إن كان في زينة تبعد عنها.
وإن كان بنطلون ماتلبسوش
يقولها ده البنطلون عملى وكمان لما تيجى تركبي الميكروباص محدش يقدر يشوف منك حاجة!!!
والغير محجبة ينسيها (بالرغم من إنها بتشوف نفسها في المراية كل يوم وبتسرح شعرها الصبح )
ينسيها فرض الله ألا وهو الحجاب وتسأل عنه يوم القيامة تلاقي نفسها مش عارفة تقول ايه وتخيلى أختى من اللى بيسألك....الجبااار....سبحانه وتعالى!
أنا مش بخوفك أختى لكن بالله عليكِ ماتضيعيش فرض الله أنتِ مسئولة طول ما أنتِ بالغة ورشيدة ..مسئولة!
وفوايد الحجاب جمييييلة وكتيييييرة بس أنتِ انوى والبسيه
السلام عليكم ورحمة الله وبركاته
منقوووول
