حب النت بين الحقيقه والسراب

http://vb.fokakmena.com/mwaextraedit2/frames/tr8.gifhttp://vb.fokakmena.com/mwaextraedit2/frames/tl8.gif

حب النت بين الحقيقة و السراب

كثيرا مننا لم يجرب حب النت و كثيرا مننا لا يؤمن بانه يوجد حب فى النت و هذا لأنك لاتشاهد الشخص الذى تكلمه ولا تعرف اذا كان يكذب عليك ام لا فهؤلاء يفكرون بعقولهم قبل قلوبهم فيقدرون على التفرقة بين الحب الصادق و الحب الخادع فلا يحبون من على النت ابدا لأنهم يعتقدون انه لايوجد شئ اسمه حب النت و يفعلون هذا بحجة الحفاظ على قلوبهم بدون اى جرح..

لكن على الجانب الآخر هناك من يؤمن بحب النت و لكنهم قليلون فهم يمشون وراء قلبهم ليس اكثر و لا يفكرون فيما قد يحدث بعد ذلك و غالبا ما يكونوا يعرفون ان هذا الحب لن يستمر و انه ليس صادقا و لكنهم يستمرون فيه فقط من اجل الحب و بحجة انهم لا يستطيعون العيش بدون حب..

فما آرائكم فى ذلك ؟؟ هل انتم مع حب النت ام ضده ؟؟ و هل يوجد مايسمى بحب النت فى عالمنا هذا ؟؟

الموضوع مفتوح للمنقشة الجادة
منتظرة آرائكمـ

بصى حب النت موجودبس مش فى كل الاحيان بيكون حقيقة
يعنى ازاى هتحبى شخص من خلال كلامة وممكن يكون كاذب
انتى مش شايفة هو بيعمل اية يعنى سهل جدا يكذب عليكى
يعنى لو انتو اتكلمتو بالكتابة بس ازاى هتحبى الشخص دا
لكن ممكن يكون فى اعجاب والاعجاب من طريقة الكتابة
عادى جدا وموجود بس علشان تقدرى تحبى لازم تقابلى الشخص دا
وتعرفى عنة حاجات كتير وحاجات اكتر هتشوفيها بعينك يعنى
ممكن تكونو عرفتو بعض عن طريق النت ماشى عادى واية المشكلة
بس تتقابلو وتعرفوا بعض اكتر علشان تقدروا تحبوا بعض
وعلشان يكون دا حب حقيقى مش مبنى على سراب ولا وهم
لانك ممكن تكلمى واحد ويقولك انا شاب وعندى عشرين سنة وعاذب
ويطلع فى الاخر راجل متجوز وخلف وكبير فى السن
بس قدر يقنعك بكلامة علشان انتو مشفتوش بعض دا مجرد كلام
سهل انو يكتب كلام كذب وسهل انك تصدقى
اتمنى اكون قدمتلك الافادة

انا رايى ان موجود فعلا حب عن طريق النت.بس لازم الاول تعرف الشخص ده اولا وتقابله وتكلمه وتعرف ازاى بيفكر.ولازم علشان يكون حب صح لازم يكون مبنى اولا على الثقه بين الطرفين والصدق وعدم الخداع.وانا اعرف ناس كتير ارتبطه واتجوزه عن طريق النت

شكرا لكى ياقمر
انا بطرح الموضوع لانه انتشر جدا الايام دى

شكرا ع مرورك العطر
وجهه نظر تحترم

موضوع حلو اوى وانا هتكلم عن تجربتى انا جربت حب النت ونجح الحمد لله وحاليا مخطوبه وهو من بلد وانا من بلد تانيه وانا وهو متفاهمين جدا الحمد لله بس بردو مش معنى كده ان حب النت بينجح دايما لا قليل اوى لما بيكون فى حد كويس بجد بتتعرفى عليه عن طريق النت بس انا مقتنعه بحاجه ان زى ما بنقابل فى حياتنا كل يوم ناس كويسين وناس مش كويسين اكيد بردو هنقابل على النت ناس كويسين وناس مش كويسين يعنى النت ده بيكون وسيله مش اكتر ولو الطرفين صادقين مع بعض بيبقى احتمال كبير اوى انه يكمل وينجح بعد توفيق ربنا طبعا وياريت بقى تدعولى كلكم علشان انا بمتحن حاليا

شكرا ليكى ياقمر على رايك
اتمنى لكى التوفيق
بس رد فعل الاهل كان ايه؟
وافقوا ازاى؟
موضوع الثقه؟

بص هى المشكله فعلا كانت فى الاهل الناس القريبين منى بس هم اللى عرفوا انه عن طريق النت لكن لما جه يتقدم عملنا حدوته صغيره كده لانهم طبعا هيسالوه هو شافنى ازاى اما بالنسبه لموضوع الثقه ده فالحمد لله الثقه بينى وبينه متبادله انا بثق فيه جدا وهو كمان بيثق فيا جدا والموضوع ده بقى يعنى بيتثبت من خلال المواقف اللى بتحصل بينى وبينه كل يوم

كذبة مفيش حاجة اسمها حب من على النت اكبر خداع لازم تشوفة وتتعرف علية والقدر فوق الجميع

شكرا على وجهه نظرك ومرورك العطر

بصراحة انا مش بؤمن بية ميرسى على التوبك

انا وحسب تجربتى
من الممكن حب شخص ولدرجة العشق وانت لم تراه
لان الحب ليس له حدود
ولكن قانون الحب وحسب رايي ان يكون حب شريف وصادق
لان الصدق في الحب من اهم مقومات هاذا الحب واعمدته
ولذلك اذا كان الحب صادق وشريف وبريء من نوعه , اذاً من الممكن عشق شخص لم تراه ابداً في حياتك الشخصية ومن الممكن انك تعرفت عليه من خلال الانترنت وتعرفت عليه من خلال اسلوبه في الكلام معك ومن خلال افكاره المستقبلية ونظرته للحياة
ولكن اهم شيء الصدق المتبادل لكي ينجح ذلك الحب
والعاشق الصادق لا يحتاج الى دلائل من المحبوب لان قلبه سوف يدله على الحقيقة والطريق الصواب بالحب العذري الصادق

crazy sara

انا بس هقولك حاجه اللى بيبتدى بكذب نهايته وحشه
وانا مش بقتنع بحب النت خاااااااااااالص

موضوع مهم ....
وظاهرة ابتدت تنتشر ..
فعلا فى المجتمعات ..
لكن ..أنا كنت عاوز أقول حاجة ..
الأمر مش منطقى بالمرة ...
إزاى أنا ممكن أرتبط بشخص ..
أنا معرفش عن حاجة ...
مش أكتر من مجرد كلام ..
ومتضمنيهوش إذا مان صادق ولا .._____
يا شباب ..
المشاعر دى حاجة غالية ..
مينفعش نقعد نوزع فيها ..
ومينفعش نسيبها تسوقنا و تمشينا وراها ..
من غير ضوابط ....
فعلشان كده ..كان في ..العقل .....
باكرر السؤال اللى سألته من شويه ؟؟
هل من المنطقى ..أنى أحب شخص ..وأرتبط بيه ..
من خلال كلام مكتوب ..لا أعلن مدى صدقه ....؟؟
دورها فى دماغك ....
دوريها فى دماغك ..

انا راي ان مفيش حاجة كدا بس لو في المفروض علي الاقل قبل ما يتقدم هيطلب رقم الموبيل واكيد هيطلب يشوفها ولو راحت قبلتوا كدا هتبقي بتغضب ربنا وممكن تفتحلوا الكاميرا بس هي هيها بتغضب ربنا تقبلي مروري

خلينى معاكى
طيب الحب فى الجامعة او اى مكان مش بيغضب ربنا:-/:-/:-/؟؟؟؟؟؟؟؟؟؟؟؟؟؟؟؟؟
شكرا ليكى

اكيد بيغضب ربنا وممكن بردك يكون حب شريف

بس علي الاقل اللي في الجامعةزميل ليك وبيبان احترامو

انا شايف انه عادى جدا ومنطقى

النت هو وسيله التعارف والاعجاب

اما الحب مينفعش من بعيد لبعيد

التعارف ع النت زى التليفون والكليات بل والعمل والصدف

وهو بدايه الاعجاب اما الحب ياروحى عليه ياروحى عليه ..........

بصي ياقمر يا عسل يا سكر انا بغتقد ان مافيش حب علي النت ولا في الحقيقة كلة يا قمر كدب وخداع ووهم بس حب النت البعض بينجح لما بيكون في صراحة وهو بيختبارها في مواقف وهى كمان وبيشوفوا بس صعب ياعنى لو في نسبة واحد بينجح بيبقي عشرة كذب

انا مش مع حب النت وليس مع حب غير النت انا مش بعرف امشى بعقلى قبل قلبى وبردة مش بعرف العكس فانا متوسطة فى كل شئ وموضع متميز ميرسى

انا مش عارفه اقول ايه لاني في الموقف ده وقبلتوا وهوه انسان كويس جدااااااااا وفي حاجات كتير جداااااااا قريبن من بعد فيها بس مش عارفه اخرتها ايه وخايف جددددددددددددا من حاجه وحده بس ان انجرح والموضوع ينتهي بكل بساطه بس ارجع واقول ان التعارف تعارف سواء كان عن طريق النت او الموبيل او المصدفه اوي اي شيئ ويااما تكمل يااما تفشل كل حسب النصيب بس في غيرنا بيعتبروها بتفرق وخصوص لما تكون من علي النت
وناااااااااااااايس علي التوبك الجميل ده وتقبلي مروري

قوله تعالى : { ويسألونك عن الروح قل الروح من أمر ربي

لحب ليس له مكان محدد ولا وقت محدد وكما ان الروح لانعلم عنها الكثير فهي من امرالله عزوجل كذلك الحب فهو ممايتعلق باالروح لذلك يكون الحب بلاسبب احيانا ولا مناسبة

اردت بهذه المقدمة البسيطة عن الحب ان اخرج الى صلب الموضوع وهو هل يكون حب عن طريق النت اي المنتديات والشات ونحو ذلك ؟

اذاكان كماهو معروف قد يكون الحب من مجرد نظرة عابرة فكيف لايكون حب عن طريق النت خصوصا ان ذلك اكثر من مجرد نظرة

لكن هناك فرق احبتي بين الحب والإعجاب وكثيرين اليوم لا يفرقو بين الإثنين

فمثلاً لكل شخص منا ميول معينه فاإذا رأى شخص آخر يحمل نفس هذه الميول فلا شك انه سيشعر بإعجاب ناحيته قد يفسره بأنه حب ولكن هذا غير صحيح إلا اذا تطور الى مرحلة اخرى بعد وقت

والكتابة بشكل عام عن طريق المنتديات او غيرها تظهر شخصية الكاتب اذا كان جادا او مرحا , صادقا او كاذبا , يتحمل المسئولية او لا بل اكثر من ذلك حيث تظهر لنا الكتب معتقدات مؤليفيها ومذاهبهم المختلفة

اذا عرفنا ذلك عرفنا سر من اسرار الإعجاب عن طريق المنتديات او الشات اي عن طريق النت فعندماترى موضوع معين تؤمن به وتدافع عنه ثم ترى غيرك يطرح نفس طرحك ويرى ماتراه او قريب منه فلا شك انك ستعجب بدايتا بطرحه ثم قد يتطور هذا الإعجاب وقد يبقى كماهو

آسف على الإطالة فا الموضوع جدا مهم ولا زال هناك اكثر من نقطة لم اعلق عليها ولن اخوض فيها لكي لاتملو

يعطيك العافيه

هو الحب مش يتعمل له تصنيف

حب نت حب الجامعة حب العمل

حب صدفـة الحب حب بلا أماكن وتصنيفات له

بإعتقادي التفرقة في الحب ليست بالمكان

ولكن بالمحتوى مدى إحساس القلب المشاعر

أنه تروح لشخص ما مش لها توقيت أو زمان أو مكان أو مناسبــة

لأنه المشاعر خاصة بالحس الداخلي ود اغير مرتبط بالمكان

يبئ نتكلم عن الحب نفسه الشعوردا ومدى مصداقيته

وأد إيه بينجح أد إيه بيفشل

في نماذج كثير العين بتشوفها من نجاح وفشل في الحب

واحياناً تبئا خايفة من فكرة الحب نفســه لانه مش عارفة النهاية لفين

وأحياناً بينجح الحب دة بينهم ويتحول لزواج وفيه حبه بيكتمل بعد الزواج ويستمر

وفيه حبــه بيضيع بعد الزواج نتيجة لإهمال أحد طرفي العلأقـة فبيحس أد إيه

هو فشل فشل زريـــع برغم أنه أودام كل الناس نجح حبـــه وأتزوج

بأعتقد مش نسأل عن مكان الحب نسأل نفسنــأ كويس أوي

مين بنحب ويا ترى هو دا الانسان الصح من خلال التعامل المواقف

وندرسه دراسة عميقة مش بس نحبه وقتها ينجح الحب ويستمر

وكل شيء بالنهايـــة نصيب

دي وجهة نظري وبأعتقد فيه نوع من الصحه

ممكن يكون فى حب من على النت بس بيبقى كله مخاوف اصلا ازاى تامنى لواحد عمرك ما شفتيه وكل علاقتك بيه عن طريق الكلام اللى ممكن وبسهوله جدا يخدعك عن طريقه

والله يا جماعة الحب ملوش وقت وملوش ميعاد

من على الانت او من اى طريقة تانية لان دى كلها وسائل مش اكتر

بس بردو ارجع واقول ان لازم يتقابلوا عشان على الاقل يحسوا ببعض الاول ويتاكدوا من مشاعرهم بجد

لان المشاعر ممكن تتغير بجد فى ثانية واحدة

يارب التوفيق للجميع

تقبلوا مرورى

معالى المستشار