بسم الله الرحمن الرحيم
أيوه ما تستغربوش
عارفين إحنا البنات بنعمل أيه؟
ما تفرحوش كده يا ريتكم بتعملوا
حاجه كويسه او نافعه بس للأسف أنتم
بتعملوا هيافه عارفين ليه هيافه؟
علشان بتقلدوا الصبيان فى كل حاجه
فى شربهم للسجاير.والشيشه.وقاعده على القهوه.
عايزه تانى تحت أمرك كده بس!
اللبس كمان بقيتى تلبسى مناطيل وقمصان زيهم
لا وكمان أيه بتنزل البنطلون زيه ما شاء الله
أنتى كده بنت يعنى فرحانه كده مبسوطه
لسه كمان فى حاجات تعالى وأسمعى وشوفى
كمان بقيتى تقصى شعرك زيهم بالظبط
وبتعلى صوتك فى البيت وبره البيت
لا وكمان بتقولى نفس الفاظهم؟
أيوه ما تقوليش لا إزاى أنا أقولك؟
بقيتى تقولى.(كبرى.نفضى.فكك.على الطاسه.)
وكلام من ده كتير بالله عليك عاجبك إسلوبك كده؟
فين حياؤك.فين خجلك.فين رقتك وأنتى بتعلى صوتك
فين مظهرك مظهر الفتاه المحترمه وأنتى لبسه البنطلون
فين حجابك وأنتى ماشيه بشعرك علشان يشوفوا
قصة الشعر الجديده حرام عليكى يا بنتى
حرام عليكى نفسك.وأهلك.ودينك.وحياؤك.
تقدرى تقولى أيه الفرق دلوقتى بينك وبين الولد؟
طبعاً مش عارفه هاتقولى أيه؟
بناطيل ولبستى.سجاير وشيشه وحاجات تانيه وشربتى.
صوت وعلتيه.شعر وقصرتيه.كلامهم كررتيه.لسه أيه؟
السهر متأخر بره؟دى كمان عملتيها.
بقت حاجه عاديهإنك تسهرى لوش الفجر وبعد كده
ترجعى البيت ها لسه حاجه تانيه عايزه تعمليها؟
طيب بالله عليكى كده لو إتخطبتى وخرجتى مع خطيبك كده
بمظهرك ده وإنتى لبسه البنطلون والقميص هايبقى أيه الفرق بينكم ولا حاجه هو ماشى مع واحد صاحبه
ما هى هاتبقى كده بالظبط لاوممكن هى اللى تمشيه
على مزاجها حب سيطره بقى علشان تكمل الحكايه
إرجعى لنفسك من تانى
أرجعى لحياؤك
أرجعى لعفتك
أرجعى لدينك
أرجعى البنت المسلمه الخجوله المعروفه
بأدبها وأخلاقها وعفتها وحجابها
أرجعى تبقى بنت بجد بمعنى الكلمه
وربنا يتوب علينا كلنا ويسترها معانا
وأنتم ياشباب عايزه رأيكم فى البنت اللى كده؟
بس خدو بالكم من التريقه
مش عايزه تريقه علينا
لأن أنتم لسه دوركم جاى فى الطريق
لأن أنتم كمان بتقلدونا
بس أصبروا شويه أكيد الدور
المره الجايه أنتم أبطاله
أختكم فى الله مونه(منى)
