طباخ الريس, هو هو كدا فعلاً؟!:-/
:-/:-/الريس عاوز يشوف البلد علي حقيقتها, لأ وينزل الشارع من غير حراسه ووسط الناس
طبعاً المساعدين مش ممكن يسمحوا ان الريس ينزل مع الناس كدا, وبرده مايفنعش يكسرو للريس امر
قام العباقرة اقترحوا "نقول ان اليوم ده هايبقي فيه كسوف للشمس والاشعة هاتبقي ضارة"
الناس سمعت الكلام, وبرده الريس نزل, فجأة نزل الريس مالقاش ال 75 ميون مصري
"الشعب فين يا حازم, 75 مليون مش لاقي منهم ولا واحد"
وبعدين الريس يتعرف علي متولي اللي عنده عربية "طواجن" في الشارع, ومن خلاله بيتعرف علي احوال البلد وبيحل كل حاجه وحشه بيسمع عنها
طيب,
مش عاوزين نخبط في ال....
ماعلينا, ماعلينا
بس هي البلد فيها كام متولي ممكن يتكلمو عن احوال البلد؟
وبرده فيها كام واحد زي حازم؟
هو احنا اللي مش عارفين نوصل صوتنا للريس؟
ولا حازم وامثاله هما اللي مانعنا نوصله؟
ولا هو هو اللي مش عاوزنا نوصله؟
ماهو يا جماعه ماتولدش ريس, ماهو اتولد زينا ونشأ زينا
والله العظيم أنا حبيت الريس اللي جابوه في الفيلم
حتي لو هايجدد طول العمر
وحتي لو جه بعده 100 ريس, كلهم ولاده
بس عاوز حد يقرب مننا, يحس بينا, يكون قائد بجد
مش في مثل بيقول "اذا كان رب البيت بالدف ضارب, فشيمة أهل البيت الرقص"
أنا مش عاوزنا نرقص,
نفسي الغلبان يبقاله ضهر, نفسي المريض يلاقي حد حنين عليه, نفسي كل الجعان يشبع, وكل العريان يتغطي
بس نفسي قبل كل ده
تكون عندنا رؤية لمستقبلنا, وأهداف كبيرة نسعي لتحقيقها, وادارة واعية بتمشي بينا للمستقبل اللي احلي من حاضرنا
أنا عندي أمل يجي اليوم اللي الواحد اول ماينادي فيه علي حد من البشر يقول زي ماقالت امرءة من ايام الدوله العباسية,
عاوز اقول " وا رئيسااااااااااااااااااااا اااااه"
والله لسه عندي أمل
علي فكرة, أسوء ما في الفيلم,,,,,, انه طلع في النهاية "حلـــــــــــــم"
ملحوظه:
لو غبت عنكم اكتر من 3 ايام, ابوس ايديكو اسألو عني http://us.i1.yimg.com/us.yimg.com/i/...mileys2/17.gif
و أدعوليييييييييييي
.
رد: طباخ الريس, هو هو كدا فعلاً؟!:-/
انتى مش عاوزة دعوات انتى حاتبقى عاوزة حد يطلعك من بدروم لاظوغلى بتاع امن الدولة للى مش عارف يعنى ايه لاظوغلى دى
بصى يا ستى موضوع طباخ الريس دا الهدف منه اقناع الناس ان المعارضة دى ناس عميلة و خونة و انهم بيقولوا ان الريس السبب فى كل حاجه و انه مش عارف حاجة و ان اللى حواليه بيصدروا له صورة ان الشعب مبسوط و كويس و ان كله تمام معقول الرئيس مش بيقرأ صحف معارضة طيب بلاش يمكن ما بيقراش الصحف الاجنبية مش بيشوف تليفزيون مش بيشوف الدش (يمكن الريس مش معاه فلوش يجيب دش) ولا يمكن اللى حواليه قفلوا كل القنوات الاخبارية و فتحوا له قنوات الس.... بس مش عارف اقول ايه بصراحة دا لو واحد اتكلم معاه واحد و بيقوله على حاجه و كرر الموضوع معاه الواحد بيشك فى نفسه و بيراجع نفسه طيب هو ما زهقش من الحكم فى سنة 1981 اول ما مسك مبارك الحكم قال ان فترة واحدة كفاية و انه مش حايرشح نفسه فى الحكم ولا عاوز يحكم مصر و بسم الله ما شاء الله داخلين معاه فى فترة سودة سادسة لا و كمان عاوزنا نكمل مع ابنه ما شافش موريتانيا عملت ايه ما شافش امريكا اللى بياخد منها الاوامر فيه كام رئيس عدى عليه و هو فى الحكم مش عارف اقول ايه بس عموما فى النهاية باضم صوتى لصوتك و باطلب من الناس الدعوة ليا بالرحمة لو ما دخلتش المنتدى تلاتة ايام ورا بعض لان ساعتها مش حاتنفعنى اى دعوات تانية مشكورة سارة و انا باكون مبسوط جدا لما بالاقى بنت مهتمة بالسياسة
رد: طباخ الريس, هو هو كدا فعلاً؟!:-/
يا بنتى انا ماحولتش اتفرج على الفيلم
بس عرفت قصته ..
بالظبط زى ما انتى قولتى حلم
حتى الفيلم طلع حلم
تفتكرى يعنى الريس بجد مايعرفش حاجه ؟؟
هو مش بيتفرج على تلفزيون ولا ايه ؟؟ :D
دا اخبار طوابير العيش بقيت اكتر من قتل الاسرائيلين للفلسطنين ..
يا جماعه لو غبت عنكو تلت تيام اسالو عنى
ههههههههه
رد: طباخ الريس, هو هو كدا فعلاً؟!:-/
نفسي الغلبان يبقاله ضهر, نفسي المريض يلاقي حد حنين عليه, نفسي كل الجعان يشبع, وكل العريان يتغطي
بس نفسي قبل كل ده
تكون عندنا رؤية لمستقبلنا, وأهداف كبيرة نسعي لتحقيقها, وادارة واعية بتمشي بينا للمستقبل اللي احلي من حاضرنا
=D>=D>=D>=D>=D>
تعليق روعه سارة
وكل الشعوب العربيه لها نفس الحلم
مشكورة جدااااااا
موضوع جميل جدا
رد: طباخ الريس, هو هو كدا فعلاً؟!:-/
اقتباس:
المشاركة الأصلية كتبت بواسطة احمد التيتى
انتى مش عاوزة دعوات انتى حاتبقى عاوزة حد يطلعك من بدروم لاظوغلى بتاع امن الدولة للى مش عارف يعنى ايه لاظوغلى دى
بصى يا ستى موضوع طباخ الريس دا الهدف منه اقناع الناس ان المعارضة دى ناس عميلة و خونة و انهم بيقولوا ان الريس السبب فى كل حاجه و انه مش عارف حاجة و ان اللى حواليه بيصدروا له صورة ان الشعب مبسوط و كويس و ان كله تمام معقول الرئيس مش بيقرأ صحف معارضة طيب بلاش يمكن ما بيقراش الصحف الاجنبية مش بيشوف تليفزيون مش بيشوف الدش (يمكن الريس مش معاه فلوش يجيب دش) ولا يمكن اللى حواليه قفلوا كل القنوات الاخبارية و فتحوا له قنوات الس.... بس مش عارف اقول ايه بصراحة دا لو واحد اتكلم معاه واحد و بيقوله على حاجه و كرر الموضوع معاه الواحد بيشك فى نفسه و بيراجع نفسه طيب هو ما زهقش من الحكم فى سنة 1981 اول ما مسك مبارك الحكم قال ان فترة واحدة كفاية و انه مش حايرشح نفسه فى الحكم ولا عاوز يحكم مصر و بسم الله ما شاء الله داخلين معاه فى فترة سودة سادسة لا و كمان عاوزنا نكمل مع ابنه ما شافش موريتانيا عملت ايه ما شافش امريكا اللى بياخد منها الاوامر فيه كام رئيس عدى عليه و هو فى الحكم مش عارف اقول ايه بس عموما فى النهاية باضم صوتى لصوتك و باطلب من الناس الدعوة ليا بالرحمة لو ما دخلتش المنتدى تلاتة ايام ورا بعض لان ساعتها مش حاتنفعنى اى دعوات تانية مشكورة سارة و انا باكون مبسوط جدا لما بالاقى بنت مهتمة بالسياسة
ميرسى لمرورك بس فيه بنات كتير مهتمة بالسياسة وهيكونو معانا قريب ان شاء الله
رد: طباخ الريس, هو هو كدا فعلاً؟!:-/
اقتباس:
المشاركة الأصلية كتبت بواسطة طيف عابر
نفسي الغلبان يبقاله ضهر, نفسي المريض يلاقي حد حنين عليه, نفسي كل الجعان يشبع, وكل العريان يتغطي
بس نفسي قبل كل ده
تكون عندنا رؤية لمستقبلنا, وأهداف كبيرة نسعي لتحقيقها, وادارة واعية بتمشي بينا للمستقبل اللي احلي من حاضرنا
=D>=D>=D>=D>=D>
تعليق روعه سارة
وكل الشعوب العربيه لها نفس الحلم
مشكورة جدااااااا
موضوع جميل جدا
ميرسى لمرورك ياجميل ويارب يبقالنا ضهر فى البلد ديه
رد: طباخ الريس, هو هو كدا فعلاً؟!:-/
انا اتفرجت علي الفيلم
وبجد ملاحظ حاجه غريبه قوي في الافلام اللي فيها نزعه سياسيه
مثل فيلم جواز بقرار جمهوري وظاظا رئيس جمهوريه واخيرا صباخ الريس
كل هذه الافلام تحاول ان ترسم صوره تكاد تكون موحده عن الرئيس وخاصه فيلمي ظاظا وصباخ الريس ايه هي بقي الصوره .............؟
الصوره هي انها ترسم الرئيس الشخص الجميل الحنون الذي يحب ان يضحي من اجل شعبه و الحاشيه التي بجانبه تاحول ان ترسم له صوره جميله عن الشعب وعن احوال الشعب اي صوره كاذبه وللاسف يصدقها الرئيس
طيب لو الكلام ده صح تفتكروا ان مثل هذا الشخص الذي لابعرف اي شيء عن شعب تعداده 75 مليون نسمه علي اقل تقدير ان يصبح رءيس لهذا الدوله
اين هو من مقوله عمر بن الخطاب الذي قال والله اخشي ان تتعثر بغله في العراق فيسالني الله لماذا لا تصلح لها الطريق يا عمر
اما الان فملايين الاشخاص لا يعمل اي حساب
رد: طباخ الريس, هو هو كدا فعلاً؟!:-/
بيني وبينك يا ساره
الريس عارف كل حاجه بس عامل نفسه مش اخد باله امال ايه
انا بس مش عايزه اتكلم اوي لحد لما ابقي اولد بدل ماروح انا والبيبي في داهيه
تحياتي ليكي يا قمر
رد: طباخ الريس, هو هو كدا فعلاً؟!:-/
اقتباس:
المشاركة الأصلية كتبت بواسطة BA7IBAK YA BOY!
بيني وبينك يا ساره
الريس عارف كل حاجه بس عامل نفسه مش اخد باله امال ايه
انا بس مش عايزه اتكلم اوي لحد لما ابقي اولد بدل ماروح انا والبيبي في داهيه
تحياتي ليكي يا قمر
ميرسى لمرورك ياجميل ويارب تقوملنا بالف سلامة
رد: طباخ الريس, هو هو كدا فعلاً؟!:-/
رد: طباخ الريس, هو هو كدا فعلاً؟!:-/
روعه بكل المقاييس بجد
موهبه وينبغى انك تستغليها
انما بئه الموضوع فمش هزيد كتير عن اللى قاله الاعضاء قبلى
شكرا ليك:)
رد: طباخ الريس, هو هو كدا فعلاً؟!:-/
اقتباس:
روعه بكل المقاييس بجد
موهبه وينبغى انك تستغليها
انما بئه الموضوع فمش هزيد كتير عن اللى قاله الاعضاء قبلى
شكرا ليك:)
:)) انت خايف تتكلم بنفسكـ ولا ايه ياابو حميد ..
على العموم كلنا نتمنا اننا نعيش فى امن وسلام .. وراحة بال .. بس منين يجوا ..
رد: طباخ الريس, هو هو كدا فعلاً؟!:-/
اقتباس:
المشاركة الأصلية كتبت بواسطة سفير الاسلام
لو بطلنا نحلم نموت
اكيد هنحلم طول مافيه امل وحياة
رد: طباخ الريس, هو هو كدا فعلاً؟!:-/
اقتباس:
المشاركة الأصلية كتبت بواسطة عصام نت
:)) انت خايف تتكلم بنفسكـ ولا ايه ياابو حميد ..
على العموم كلنا نتمنا اننا نعيش فى امن وسلام .. وراحة بال .. بس منين يجوا ..
انا وطنى وبشجع اللعبه الحلوه اقصد الريس:D
رد: طباخ الريس, هو هو كدا فعلاً؟!:-/
اقتباس:
المشاركة الأصلية كتبت بواسطة أحمد عمر
انا وطنى وبشجع اللعبه الحلوه اقصد الريس:D
كلنا بنشجع العبة الحلوة ميرسى لمرورك
