هل الشباب بقى بجح ؟؟؟؟؟
*********************
فى اكتر من مكان بيدل على إن الشباب بقى بجح
وأول الأماكن دى هو :
**السينما**
**************
تلاقى الواحد البجح من دول قاعد فى السينما وشايف يافطة اد كده (كبيرة يعنى)
مكتوب عليها
ممنوع التدخين
وهو ملهوش دعوة بأى حاجة وعمال يحرق فى سجاير وخلاص0
وحاسب بقى لو جت بت موزة فى الفيلم
اسمع بقى اقذر كلام منه
وتبقى قاعد مثلاً جمب اختك او امك او بنتك وانت مش عارف تعمل ايه ولا تقول ايه0
شباب بجحة والله
*************************************************
وتانى مكان هو:
**النت كافيه**
*****************
لما تدخل النت كافيه
تلاقي الواحد من دول داخل على الشات وعمال يشتم فى الناس اللى بيكلمهم
ويعلى صوته
ولا كأن فى بنى ادمين قاعدين معاة
ولما تعد تركز معاه تسمع احلى شتايم ولو مشتمش بلسانة هتلاقيه بيشتم بالكتابه0
وتلاقى واحد تانى قاعد بيتفرج على حاجات مش ولا بد
بدون الدخول فى تفاصيل وطبعاً هو مالوش اى دعوة بالناس اللى قاعده جامبه ومش مدى اى اعتبارات لأى حد
لأنه اساساً معندوش دم
وده طبعاً مش فى كل الكافيهات0
*************************************************
المهم بقى عشان بدأت اتخنق:
المكان التالت ألا وهو:
**المترو**
***********
زمان لما الشباب كان يحب يظبط اى بنت كان يطلع على الكورنيش
او على المقطم
وما ادراك ما المقطم
او يتنيل على عينه
ويدارى فى اى حته مستخبيه عشان محدش يشوفه0
اما دلوقتى فتلاقى الواد قاعد مع البنت فى المقاعد بتاعت المترو (ههههه حلوة مقاعد دى
ادام البنى ادمين كلها ومفيش اى مشاكل
وممكن تروح شغلك او جامعتك وترجع وتلاقيهم لسه قاعدين برضه
************************************************
على العموم الأدله على بجاحة الشباب كتيرة وانا مش هقدر اقولها كلها عشان تعبت خلاص0
يلا سمعونى رأيكم فى التوبيك ولو حد عنده دليل تانى على بجاحه الشباب يقولنا عليه0
وطبعاً مش كل الشباب كده لسه فى شباب ذى الفل والله-
