ضحكتك...اوعى تسيبها تموت

حاول كده تفتكر معايا ...امتى اخر مره قفشت نفسك فيها بتضحك من قلبك ... مش فاكر ؟!!! ...طب حاول تانى ... لسه مش فاكر ؟؟ّ!!!... لو مفتكرتش ياريت تجرى على اقرب مرايه وتبص لنفسك شويه وتركز ...يا ترى ملامحك فيها حاجه اتغيرت ؟بص فى عينيك ودقق فيهم ...هل لما بتبتسم عينيك كمان بتبتسم معاك ولا لاء ؟فقدت القدره على الضحك ولا لسه ؟ عد كده معايا كام مره فى اليوم بتضحك فيها مجامله او نفاق او علشان اللى حواليك بيضحكو او علشان او علشان تخلص مصلحه ليك عند حد او لانك مش لاقى حاجه تانيه تعملها او ..او.. ياااه كل دى ضحكات ميته ؟؟؟ يا ترى حسيت بالمشكله ولا لسه ؟؟ فكر وعيد حساباتك قبل ما قلبك يموت زى ما شفايفك ماتت وتيجى حاجه تضحكك من قلبك بجد بس متلاقيش شفايفك تترسم عليها ... الحق نفسك قبل متروح منك اهم حاجه بتميز انسانيتك ...واوعى تضحك على حاجه مش بتضحكك ..هيقولو عليك كشرى ومش مجامل ..ما يقولو اللى عاوزينه المهم انت ...خليك حقيقى وحب نفسك ..صون ضحكتك للى يستحقها ..بتسال ازاى ؟؟ الموضوع بسيط .....ارجع لايام زمان لما كنا اطفال بنضحك من قلوبنا ومحدش كان بيعرف يضحك علينا ...منعرفش يعنى اه مجامله ...افتكر كان ايه بيضحكك اوى ...اكيد كانت قصص ميكى وبطوط ..ز البوم صورك القديم ...الكرتون ... كلم واحد صاحبك دمه خفيف ...حاجات كتير اوى وبسيطه اوى كانت بتشد الضحكه من قلبك المهم انك تدور على ضحكتك قبل ما تهرب منك ويفوت الاوان

جميل موضوعك قوى بس عايزه اقولك ياريت
بجد ياريت نرجع نضحك زى زمان ايام ما كنا اطفال
ضحكه كانت بريئه وصافيه ومن القلب بس ازاى
مش عارفه حاسه انه صعب قوى من كل اللى موجود فى قلوبنا وعقولنا صعب تطلع الضحكه صافيه بس عارفه كلامك جميل وبقول فعلا ياريت نضحك من قلوبنا
شكرا عزيزتى لما كتبتى

تسلميلى يا ايسل يا قمر

على فكره الموضوع منقول مع التعديل من جريده الدستور

الضحكه ليها حساب

قليل اوى لما نضحك

تسلمى يا اسماء على موضوع الجميل ده

مشكورة على الموضوع بس للاسف فات الاوان

ماتت الضحكه ولن تبعث من جديد
تقبلى مرورى

إنتى كده بتقلبى على الناس المواجع
لأن معتدش حد بضحك من قلبه
بارك الله فيك سمسم
وجزاكى كل الخير

تسلميلى يا الحريه يا قمر بردو اسمك اه

ED GIEN

مين قال ان الضحكه ماتت لادى غايبه بس عن العيون وبكره ان شاء الله هنشوفها
ربنا يجعل ايامك سعاده وراحه بال

بكره ان شاى الله نضحك من قلبنا يا منى يا حبيبتى بس احنا نخلى فى امل فى ربنا اننا نرجع نبتسم

موضوع جميل جدا اسماء
احنا كنا احسن شعب الضحكه مرسومه علي وشه
بس للاسف مش عارف في ايه وايه اللي اتغير
النفوس اللي اتغيرت ولا ايه اللي اتتغير بالضبط

بس الحمد الله علي كل شئ
موضوع جميل اسماء بارك الله فيكي وحفظك

دى كام نكته عشان خاطر القمر اللى كاتب الموضوع يضحك من قلبه:

واحد اخنف واقع فى بير مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس عليا طيب مش مطنعك

بخيل جاله ضيوف قال لمراته انا بفكر ادبح البغبغان ونعمل شوربه وفته ونشوى الضلوع على الفحم والجناح نعمله هوايه ونعمل لحمة راس من المخ ونقلى الكبده والقوانص رد البغبغان : واحلبنى بالمره عشان تعمل رز باللبن ياروح امك

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم

مره كلب شوارع - مر بجانب كلب بوليسي - خبط على راسه قال : اخ لو اكمل تعليم !

..

اللى حصل يا هشام ان الناس هى اللى اتغيرت وبقت سلبيه
بس ياريت كل واحد يقف مع نفسه ويفكر شويه

والله يا احمد انت بجد زوق
بس على فكره انا الحمد لله لسه عندى قدره على الضحك وان كان ساعات بتوصل لقهقهه
بس حال الناس خلانى احاول اخليهم يفكو شويه ويبتسمو
وتسلم عالنكت السكر دى

دعوة جميلة يااسماء


مفيش احسن ولا احلى من انك تضحكى من قلبك



لان دة بحد ذاتو حتى منشط لعضلات القلب



لكن بجد هتيجى منين الضحكة اللى من القلب



ازا القلب مات خلاص



اعتقد انها هتكون ضحكة كدابة ملهاش اى معنى



وخالية من الروح


تسلمى لطرحك المفعم بالامل



ودى لكى

تسلم الأيادى



أمل

تفاؤل

ابتسام

هى زهور وعطر وريحان تعطر الايام

جزاكِ الله خيرا

هنضحك
بس هنضحك علي انفسنا
ونقول احنا عايشين
احنا احسن من غيرنا كثير
هنضحك لما نقف في طابور العيش
ولا لما نروح نشتري كيلو لحمه بـ 80 جنية
ولا ايه ولا ايه ؟ ؟ ؟ ؟ ؟
اتمني بجد نضحك
لان الواحد كاد ان ينسي معني الضحكه الصافيه
الضحكه بجد
مش ضحكه مجامله او ضحكه مصلحة
بارك الله فيك اختي اسماء
وعذرا للاطالة

اخى العزيز زيزو
لكل منا القدره على ان يفعل اى شئ يريده لكن لابد ان يقدم تنازلات
واذا لم تاتى الضحكه من جمال الحياه اجعلها تاتى من مقابله الله والوقوف امامه
ولا اعتقد ان هناك ضحكه وسعاده تعادل هذا الموقف
تفكر فيه وسترى الضحكه تغمر وجنتيك وتجعل ايامك مفعمه بالامل
تفكر انت فقط
اللهم اجعل البسمه لاتغادر شفتيه
لك منى كل احترام وتقدير

hadede

يارب يجعل ايامك سعاده وتفاؤل وراحه بال
دمت بود

ابو احمد
اه سعر اللحمه 80 جنيه
واه الغز مش لينا
اه علشان نجيب العيش بيموت مننا كتيييييير
واكتر من كده حاجات بتخلى الواحد ميعرفش يعنى اه ضحكه
بس الحمد لله ان عندنا رب بيحبنا ومدينا الاختبارات دى واللى احنا شايفينها جامده علينا بس مش يمكن ربنا عايز يخلص زنوبنا ويبدلها بحسنات وده دليل انه بيحبنا
تفتكر لو ربنا بيحبك متضحكش
ولو الرسول بكى شوق ليك ولينا منفرحش
لا دانت ممكن تفرح تبقى اسعد انسان وتقول للدنيا سلام
القى الضحكه فى الدار الاخره
واطاله اه دانا حاسه انى صدعتك
منورنى
ربنا يجعل الضحكه كتفارقش وجنتيك ولا اعين ابنائك
امين

عارفة هانضحك إمتى ياأسماء
لما نحرر بيت المقدس
لما يخرج أخر يهودى من فلسطين
لما نلاقى المسلمين أعزاء
لما نلاقى راية الإسلام عالية فى عنان السماء
لما نبطل نسمع فى الاخبار عن قتل وحرق وهدم للمسلمين فى كل مكان
عندها سوف نجد كل القلوب والعيون بتبتسم من جوة

جميل موضوعك جدا
وعلى فكرة
الناس تقدر تضحك من قلبها
بس ندور على اللى يفرحنا مش اللى يزعلنا
بس للاسف كله بيدور على الكابة
ولو انبسط شوية اوضحك من قلبة بجد
يقول اللهم اجعلة خير
زى مايكون انه ارتكب جريمة انه ضحك من قلبة بجد
وان فى حاجة هتحصل وحشة
يارب زيح الهموم عن الناس
موضوع رائع يا سمسم:)

وممكن نضحك ياماما نور لما الامل يملى قلوبنا
منورانى

didamonaيا قمر
فعلا لما بضحك بقول اكيد حاجه وحشه هتحصل
يمكن التربيه كانت كده الله اعلم عمما منورانى يا قمر