بسم الله الرحمن الرحيم
أنا قولت قبل كده أيه اللى البنات
بتعملوه وبتقلد بيه الأولاد؟
ودلوقتى جاء دور الأولاد اللى بيقلدوا
البنات اه بيقلدو البنات مستغربين ليه
فعلاً هما دلوقتى بيقلدو البنات
وأنا ها قول لكم بيقلدوهم إزاى؟
مثلاً لما الولد يلبس سلسله وإنسيال وخاتم
كده يبقى مش بيقلد البنت؟
لما يفضل قاعد فى البيت مش عايز يشتغل
ويفضل قاعد بس للتلفزيون والكمبيوتر
كده يبقى مش بيقلد البنت؟
لما تلاقى ولد بيكلم راجل وهو بيمضغ
فى اللبان ومش عارف يكلم منها
كده يبقى مش بيقلد البنت؟
لما كمان يطول شعره
كده يبقى مش بيقلد البنت؟
ولما تقوله قصر شعرك يقولك ده
سُنه عن الرسول صلى الله عليه وسلم
طيب عايز تعمل أو تمشى على سُنة نبيك
يبقى كمان سيب لحيتك تطول
ولا دى مش تبع السُنة
لما يحاول يتكلم بصوت رقيق ويحاول يقلد
فيه صوت البنات بالظبط يبقى أيه
يبقى كده مش بيقلد البنت؟
لما أمه تقوله روح هات ليا حاجه
من السوق يقول لها مكسوف أروح أشترى
حاجه من السوق كسوف أيه ده اللى أنت
بتقول عنه طيب با لله عليك لو بنت تانيه
هى اللى قالت لك روح السوق أو تعال معايا
السوق من عير تفكير على طول هاتروح
يابنى ما ينغعش كده أنت راجل عارف يعنى أيه؟
يعنى ما ينفعش تعمل زينا دا المفروض أنت اللى
تقولنا ده صح وده غلط مش إحنا اللى نقولك
مبسوط وأنت لابس السلسله والأنسيال والخاتم!
لا وفاتح نص القميص علشان السلسله تبان
وماشى وأنت بتمضغ وتفرقع بى اللبان فى بؤقك
إحنا كُنا مفكرين إن البنات بس هى اللى بتتعلق
فى الهيافه بس البركه فيكم غيرتوا الفكره دى عندنا
وطلعتو أنتم كمان بتتعلقو فى الهيافه
مبسوط وأنت قاعد فى البيت كده من غير شغل
أيه غيران منناوعايز نقول عليك (راجل بيت)
زى ما بيقولوا عننا (ست بيت)لو عايز كده
قول علشان نعرف بس عال والله كده
مبسوط وأنت ماشى وشعرك من طوله بيطير وراك
طب ما تعمله فورمه أحسن بدل ما يطير كده يعنى
وبعدين للدرجه دى صوتنا حلو وعايز تقلده
بجد مرسى ليك على ذوقك الرفيع ده
يابنى البنات دلوقتى بقت تعلى صوتهاوتخشنه
ومتعرفش وهى بتتكلم أصلاً إنها بنت إلا من شكلها
من خشونة صوتها تقوم أنت وعايز ترفع صوتك زيها
وكمان من أمتى الكسوف ده كله ياختى كسوفه
لابجد بتكسف كسوف أيه يأبو الكسوف طب خلى
الكسوف ده من السلسله اللى أنت لابسها ولا من
شعرك الطويل ولا من القاعده فى البيت زى البنت
لكن مكسوف تروح تشترى حاجه لأمك والله عال العال
يسلم كسوفة أمه.طب مش مكسوف وأنت ماشى مع بنت
مش قريبتك خالص وبتلف معاها مش السوق بس
لا بتلف فى كل مكان معاها.أيه الرجاله حصلها
أيه فين رجالة زمان بجد بقيتوا تحزنوا القلب
ياريت رجالة زمان ترجع تانى
ياريت كل شاب يبص لنفسه شويه
فى المرايا يشوف وهو لابس السلسله
والخاتم والشعر الطويل كده راجل بجد
راضى يعنى كده عن نفسك بجد
بس كده أنا خلصت دلوقتى دوركم فى التعليق
سورى بجد على التطويل عليكم
بس هو أيه حصل فى البلد لكل ده
على رأى.......
الراجل طول عمره معروف بقوته وجبروته
