عرض للطباعة
حبيت واحدة وعشنا حياة تنفع قصة حب رهيبة احسن من قصة ( روميو وجوليت ) واتجوزنا وربنا رزقنا ببنوتين توئم زى القمر وتوفت واحدة وبقت بنوتة واحدة وبعد اربع سنين جواز تقولى انا عايزة اطلاق ومننفعش لبعض وبكل هدوء بتهد البيت علينا من غير رحمة .
واللة العظيم انا بقالى سنة منفصلين ومش عارف اشوف بنتى خالص وكمان ( انا لغاية دلوقتى مش عارف هي طلبت كدة منى لية وتفتكرو اية السبب الجامد اللى يخليها تهدم البيت وتحرم اب من بنتة ) وهو دة السؤال مش لاقى لية ايجابة خالص .. وشكرااااا جدا
والحمد الله على كل شئ
انا لغاية دلوقتى مش عارف هي طلبت كدة منى لية وتفتكرو اية السبب الجامد اللى يخليها تهدم البيت وتحرم اب من بنتة ) وهو دة السؤال مش لاقى لية ايجابة خالص ..
طيب وانت مش سألتها عن السبب ليه؟؟؟؟؟؟؟؟؟
مش لازم تعرف منها هى السبب
ازيك يا احمد
هو انت طيب ماحولتش تتكلم معاها او مع حد من اهلها ما انت لازم تفهم ومن حقك حتى
لو هى سابتك لسبب قوى حقك انك تشوف بنتك وسنة كتير اوى
وبعدين اكيد فى حاجة حصلت منك هى اللى خالتها تاخد القرار دة
ربنا معاك يا احمد
اناسألتها كتير وكانت بتتهرب من الايجابة
أصدق الحزن إبتسامة في عيون دامعه
لا تشكو للناس جرحاً أنت صاحبه لا يعرف الجرح إلا من به ألم
اما بنسبا للشكواة لانى الحيرة والتفكير اكبر عزاب ممكن الانسان يقع فية ومتشكر على ردك واهتمامك متشكر جدااااااااا
للا سف كل الى بيدخل فى الموضوع مبيوصلش لحل معاها ومتشكر على الرد يا سمر
طب انت لية ملجاتش للمحكمة مثلا دة حقك انك تففهم وتعرف تشوف بنتك
ممكن اقدر ارد عليك بقصيدة لفارس العامية احمد الشربيني
بتقول هزم الكلام الصمت
هزم الكلام الصمت
فى صميم..جدار الخوف,
خلق القلق.. طاقه,
قلبى ارتجف.. سهمت,
واحترت بين أمرين..
هزم الكلام.. الصمت.
أصفر ياوش القمر,
وطريقى متخفى,
بطّل أنين ياليل..
د القلب مستكفى,
خايف أدوس ع الشوك..
أصل القدم حافى,
وانا حملى أصله تقيل..
بيزل ف كتافى!
مجروح ومتعافى,
لو انخ زى الجمل,
يمكن ساعتها ارتاح!
لكن بصيح الأمل,
لمحلى بالمحتمل,
ورجعت أتساند!
محتار مابين أمرين.
لاجرئ, ولا خايف!
أجرى وأجرى و كأنى..
من دهر فات واقف..
جوه حدود ضيقه,
تعصر شرايينى.
تمحى ملامحى العتيقه,
تنهك..ضيا عينى
تهتك براح طللتلى,
تعكس مسار رؤيتى,
تخنق وليد التجللى,
توئد.. تفانينى.
وأتوه مابين أمرين
بين الخطأ.. والصح!
وعجيبه يامسأله..
الجمع قبل الطرح!
و الجمع مين يقسمه..
من غير مايخلق جرح؟!
والحل مين يفهمه..
من غير دخول فى الشرح؟!
وأتوه مابين أمرين
بين الخطأ.. والصح!
وعجيبه يامسأله..
الجمع قبل الطرح!
و الجمع مين يقسمه..
من غير مايخلق جرح؟!
والحل مين يفهمه..
من غير دخول فى الشرح؟!
متشكر لكل مصراوى فى الكافية واضح ان المسألة صعب حلها متشكرررررررر جدا ياجماعة
متشكر جدا ياسمر سمورة وربنا يوفقك ونصيحة من اخ اكبر ( اوعى تخسرى حد بيحبك بجد )
الموضوع فيه غموض كبير انا مش قادرة افهم يعنى ايه فجأة كدة ومن غير مقدمات طلبت الطلاق ؟
وكمان حضرتك نفذت طلبها من غير ماتعرف السبب؟
طب فين الاهل في كل دا؟ وازاى وافقو على كدة؟
طب لما انتو كنتو بتحبو بعض اوى كدة ليه تحرمك من بنتك؟ ودا حقك المفروض بعيد عن اى اعتبارات اخرى..........
هنقول اللى حصل حصل بس الموضوع عدى عليه يمكن اكتر من سنة انت تحاول تقعد مع كبيرها المفروض ان لها كبير ابوها اخوها كدة يعنى وتشوف معاهم طريقة تقرب من بنتك وهى دى الاهم دلوقت اما الست دى بقا الله يسهلها حاول تنساها بجد اللى ينساك انساه وحاول تشوف حد يملى حياتك من جديد ويعوضك عن اللى فات وتركز في شغلك
تقبل تحياتى
اه نسيت اقولك نورت الكافيه ويارب مشكلتك تتحل بسرعة
حاول انك تقابل حد من اهلها باباها او خاوها او خالها اى حد تقدر تتفاهم معاه وتحكيلو اللى حصل بينكو
الحاجات اللى زى دى البنت لما بتطلب الطلاق بيبقى فيه سبب كبير جدا قولها ادينى فرصه ادافع عن نفسي متديش انتى الحكم علتول كده حاول تقابلها هى واهلها واهلك واتفاهمو وانشاء الله ربنا هيصلح بينكو
احسن رد هو رد ايمو
ربنا معاك يارب
أخي الفاضل أحمد أنا عايز اقولك حاجه بس حاول تراجع نفسك فيها لأن السبب الوحيد اللي ممكن يعمل دا (الفراش) لان ديما لو العلاقه بينكم كويسه أكيد ح تتغاضو عن حاجات كتير جد لان فيه حاجات حلوه بتمحيها لكن لو العلاقة غير كدا فأكيد إثارة المشاكل ح تتخلق على اتفه الأسباب ومش ح تلاقي حد يفهم الكلام ده الا انت وهي حاول تشوف الخطأ فين وابدأ بجذور المشكلهاقتباس:
المشاركة الأصلية كتبت بواسطة احمد..دش
هذا مجرد رأي ولكني أعلم تماما أنك أنت الوحيد الذي تملك الحقيقة الغائبة عن الأنظار والمختفية بين سطور رسالتك
تقبل مروري
والله ياجماعة كل الاراء دى انا عملت بيها بس انا مش لاقى حد يدخل لان الكلمة كلمة حماتى حسبى اللة ونعم الوكيل فيها مبتكبرش لاى راجل يدخل فى الموضوع وابوها او اخوها ايدك والارض مالهومش لازمة .
ومتشكر جدا ياجماعة على مروركو متشكر جدا
الحب عمره ما يضيع إلا إذا ضيعته القلوب بإديها
اكيد مش معقول تطلب الانفصال كدة إلا إذا كان
في حاجة تعباها وضاغطة عليها أكيد
يمكن أنت مبقتش تحسسها حبك
أو مش بتهتم بيها بالشكل الكافي
أو بتعاملها بقســوة
فبئا عندها فراغ عاطفي وضاع الحب من جواها
لازم يكون في سبب عشان يحصل كدة أكيد وإلايبئا جنون
مش ممكن حد يسيب دفا قلبه إلا لو حاسس برد
وبالنسبة لبنتك اكيد لازم تشوفها وتطلب دة ومش تسكت
ربنا يوفقك