بسم الله الرحمن الرحيم
اعزائى المشاهدين والمستمعين فى كل مكااااااان
معكم معلقكم الرياضى عتريس حيث ننقل لكم احداث هذا اللقاء من الاستاد بتاعنا احنا وعلى الطماطم بتاعنا احنا فى متش واعر قوى وحساس
بين فرقة بلدنا والبلد اللى قدامنا
وزى ما احنا شايفين الاستاد مليان على اخره 90 الف متفرج مش فاهمين حاجه خالص فى الكورة
وبيتوسط المقصورة الرئيسية الحاج سيد ابو صداغ هو وحرمه اكبر تاجر شكاير اسمنت فاضيه وهو اللى هيسلم البلاص للفريق الفايز
حدانا المتش بيقعد 3 ايام بلياليهم بشتاهم بقرفهم مش 90 دقيقه زى الماتشات بتاعة العيال الفرافير
وكل سنه وانتوا طيبين
حدانا اهنيه الملعب معمول من الخرسانه المسلح مش من النجيله الترتر زى اللعيبه الفرفير يعنى اللى
هيقع مش هيقوم تانى
حدانا فرقتنا فيها 150 لاعب احتياطى قاعدين تحت الكبارى وعند المزلقانات وعلى الترعه مستنيين
حدانا فرقتنا بنعتمد عليها فى كل حاجه فى خناقات فى مسابقات سيجه فى بطولات طاوله فى كل حاجه
جايبين 3 حكام اجانب علشان يحكموا الماتش هم
(( هريدى عبد الصبور من روسيا
و متولى عسرانوف من يوغوسلافيا و أأه من اليابان ))
وكمان الجهاز الطبى عندينا بيتكون من 2 اطباء هم (( عليوه المقص حلاق الكفر والحاج ابراهيم توكل حانوتى المركز )) وانا لله وانا اليه راجعون
الاجوان مبنيه بالطوب الاحمر وفوق كل جون واقف 5 غفر ببنادق آلى عشان ميحصلش تسلل
جايبين قفص ملييييييان غربان نطيروهم رمز المحبه بين الفرقتين
وانا شايفا لعيبة الفريق بتاعنا نازلين ارض الملعب يدلعوا دليع لبسين الطقم الرسمى العمم البمبى والجلالايب البيضه المخططه لبنى بالطول والجزمة السودة المربوطه بفتله من قدام
والجزم دى مصممه مخصوص للعيبه بتوعنا يعنى اللعيب يجرى واللجزمه تطلع دخان
بيمثل فرقتنا النهارده لحراسة المرمى الكابتن عمار ابو خلف الله
خط الضهر من ورا الشامندى والجماوينى والكراك والدمرانى
على فكره الدمرانى ده اصغر لاعب فى
الملعب عنده 85 سنه وكان بيلعب فى فريق الاشبال تحت 70 سنة رقم فنلته 245 كان مسجون وهرب ياريت الكاميرا تجيبهولنا
خط الهجوم المهدى ودياب والتنح وصميده وابو سروال
وانا شايف الحكم بيعمل القرعه بغطاء حله
وبيضرب ايده فى جيبه ويطلع المنبه بتاعه علشان يزبط الوقت
ويطلع الحكم زمارة مش صفاره اصل اللعيبة سمعهم تقيل شوية ويزمر الحكم معلنا عن بداية المعركة ؟
الكرة مع شامندى يديها للتنح يباصيها للكراك يغمزها للدمرانى
وانا شايف الدمرانى واقع على الارض لان التنح ضرب الدمرانى على قفاه حد يقول للدمرانى ان التنح بيلعب معانا فى نفس الفرقه
وشايف الحكم الروسى هريدى علبد الصبور بيجرى على التنح وبيديله 3 كروت حمر
وشايف الجهاز الطبى نازل ارض الملعب بقفه مليانه قطن و4 حقن بنسلين بيحطوها فى عين الدمرانى مطرح الاصابه
وشايف الحكم بيقول اعملوا حيطه
حالا فرقتنا جابت الطوب والاسمنت والخرسانه وعملت الحيطه الدمرانى داخل يشوطه لكن اللعيبه معترضه بيقولوا
الحيطه لسه طريه شويه..............وناسف للعطل الفنى ونلتقى فى المباراه الجايه ان شاء الله
كان معكم
معلقكم الرياضى عتريس ابن الحج وهدان من امام الكشك بتاع الواد عوضين ابن بهانه
