طب وبعدين اخرتها ايه؟؟؟؟؟؟؟؟

بسم الله الرحمن الرحيم

في سؤال دايما بيخطر علي بالي لما بفكر في حال الاسلام والمسلمين

هو احنا فعلا هنقدر علي الكفار واعداء الاسلام ؟؟

هو احنا هنفضل كده علطول ؟؟ طب لحد امتي ؟؟

طب ايه اللي مخلينا كده ؟؟ وهنخرج ازاي من الوضع ده ؟؟

دي اسئلة بتيجي علي بالي علطول واكيد علي بال ناس كتير اوي

انا النهاردة حبيت ادي لنفسي ولكم امل لان لازم يكون عندنا امل ويقين في النصر عشان نقدي نفكر

ازاي نقدر نصنع النصر ده ونحول الاسلام من المكانة دي لاعلي مكانة

تعالو نشوف الاول الايات دي

سورة السجده :- وجعلنا منهم أءمة يهدون بامرنا لما صبروا وكانوا باياتنا يوقنون

سورة المجادلة : كتب الله لأغلبن انا ورسلي ان الله قوي عزيز

سورة الصافات : ولقد سبقت كلمتنا لعبادنا المرسلين انهم لهم المنصرون وان جندنا لهم الغالبون فتول عنهم حتي حين

سورة غافر: ان لننصر رسلنا والذين امنوا في الحياة الدنيا ويوم يقوم الاشهاد

السؤال المهم دلوقتي ليه الخوف والرتاجع والسلبية بعد الوعد ده ؟؟؟؟؟؟؟؟؟

تخيل انك تذهب للتقديم في عمل ومعك واسطة وقال لك اذهب وهتشتغل بالله عليك كيف تتصرف مع الرجل الذي يقابلك

كيف تكون من داخلك وانت ذاهب هل متفال ام خائف والله وعن تجربة تكون متفال جدا وكانك استلمت مفاتيح المكتب

فما بالكم يامسلمون ان كان هناك وعد من الله بالنصر فمما نخاف ؟

نحن نخاف من قلة الايمان وضعف اليقين بالله وليس من الاعداء

تعالو بقي نشوف ايه الحل مع بعضنا

و بعد ما عرفنا ان معانا وعد من الله بالنصروذلك ليس بأى وعد وانما هو اغلى واحق وعدفما يجب ان نفعله ؟؟
من غير خراب ولا حرق المصالح الحكوميه
من الاخر وبصراحه ايه الى المفروض ان احنا نقدمه لأولادنا علشان يلاقو وطن يحسو فيه بالأمان
وايه التضحيه الى ممكن نقدمها

هما مين الكفار هنقول مثلا اسرائيل لو جيتي تبصي لاسرائيل هتلاقيها اصلا ف الاصل كانت عصابه ودلوقتي حاكمين العالم هتقولي علي مين كفره نقول اليابان مثلا اتضربت وقنبله هيروشيما والقصه كلنا عارفينها ومكنش يخطر علي بال حد ان اليابان تقوم تاني وتبقي اكبر دوله اقتصاديه علي مستوي العالم

احسن حاجه لما تسالي المصري يقولك احنا حضاره سبع الاف سنه طب ودلوقتي انت فين وفين العرب اصلا احنا خدنا منهم الوحش ورجعنا وهما خدو مننا الكويس وطلعو لقدام

الفكره كلها ان احنا كمنظومه كشعب وحكومات محتاجين نراجع نفسنا شويه والحكومات بتاعتنا متبقاش مسلمه البطاقه امريكيه الهويه بس للاسف مقدامكيش غير كده عشان تحاسبي امريكا لازم تتفوقي عليها


اتمني ان احنا نفوق ونرجع زي مكنا
شكرا عالموضوع تقبلي مروري

انا مع سكريم فى رايه

ربنا يهدى الجميع يارب

النصر له مقومات و أسباب لازم ناخد بيها

منها العمل و الاتقان و عدم التواكل

الأخذ بالأساليب العلميه فى مختلف المجالات

محاربة الفساد و الواسطه و المحسوبيه

اعطاء كل ذى حق حقه

تطبيق القانون و احترامه

العدل و المساواه بين الناس

و غيرها كتير و كتير

و بالطبع كل دى حاجات غايبه عن مجتمعاتنا

و وجودها عباره عن عنواين و شعارات فقط لاغير يعنى بدون تطبيق

لازم يكون فيه ثوره اصلاحيه فى شتى و مختلف المجالات حتى يرزقنا الله النصر

تسلمى يا توتى على طرحك للموضوع

دمت بود

بصى ياتوتى ربنا وعد عباده الصالحين من كانوا يضحون بحياتهم لنصره الدين ولكنه لم يوعد الجبناء والمستسلمين بالنصر
انتى سألتى نعمل ايه نعمل حاجات كتير واولها ناخد حقنا ونبعد الخوف عننا ووقتها بس نقدر نقف
قدام اى حد زمان ايام رسول الله (صلى الله عليه وسلم) كان المسلمين يتمنون الشهاده فى سبيل الله علشان كده ربنا كان بينصرهم دلوقتى كل مسلم بيخاف على نفسه اكتر ما بيخاف على دينه وكبير المسلمين دلوقتى الهتافات والمظاهرات بس وعدونا عرف كبيرنا ايه لازم يرجع تانى حب الاخره اكثر من حب الدنيا وقتها بس مش هنخاف من حد
شكرا توتى

اقتباس:

---

المشاركة الأصلية كتبت بواسطة SCREEM

هما مين الكفار هنقول مثلا اسرائيل لو جيتي تبصي لاسرائيل هتلاقيها اصلا ف الاصل كانت عصابه ودلوقتي حاكمين العالم هتقولي علي مين كفره نقول اليابان مثلا اتضربت وقنبله هيروشيما والقصه كلنا عارفينها ومكنش يخطر علي بال حد ان اليابان تقوم تاني وتبقي اكبر دوله اقتصاديه علي مستوي العالم

احسن حاجه لما تسالي المصري يقولك احنا حضاره سبع الاف سنه طب ودلوقتي انت فين وفين العرب اصلا احنا خدنا منهم الوحش ورجعنا وهما خدو مننا الكويس وطلعو لقدام

الفكره كلها ان احنا كمنظومه كشعب وحكومات محتاجين نراجع نفسنا شويه والحكومات بتاعتنا متبقاش مسلمه البطاقه امريكيه الهويه بس للاسف مقدامكيش غير كده عشان تحاسبي امريكا لازم تتفوقي عليها


اتمني ان احنا نفوق ونرجع زي مكنا
شكرا عالموضوع تقبلي مروري

---

ثانكس على المرور نورت التوبك
وهو فعلا احنا محتاجين نفوق شويه ونرجع بس ده عاوز مجهود عظيم
ياااااااااااااارب يكتبهالنا ياااااااااارب:(:(:(

اقتباس:

---

المشاركة الأصلية كتبت بواسطة ايسل

بصى ياتوتى ربنا وعد عباده الصالحين من كانوا يضحون بحياتهم لنصره الدين ولكنه لم يوعد الجبناء والمستسلمين بالنصر
انتى سألتى نعمل ايه نعمل حاجات كتير واولها ناخد حقنا ونبعد الخوف عننا ووقتها بس نقدر نقف
قدام اى حد زمان ايام رسول الله (صلى الله عليه وسلم) كان المسلمين يتمنون الشهاده فى سبيل الله علشان كده ربنا كان بينصرهم دلوقتى كل مسلم بيخاف على نفسه اكتر ما بيخاف على دينه وكبير المسلمين دلوقتى الهتافات والمظاهرات بس وعدونا عرف كبيرنا ايه لازم يرجع تانى حب الاخره اكثر من حب الدنيا وقتها بس مش هنخاف من حد
شكرا توتى

---

نورتى التوبك يا ايسل بجد
وعندك حق فعلا فى كل الى قولتيه بقينا بنموت على الدنيا
ثانكس ايسل:-*:-*:-*

اقتباس:

---

المشاركة الأصلية كتبت بواسطة مرهف الاحساس

النصر له مقومات و أسباب لازم ناخد بيها

منها العمل و الاتقان و عدم التواكل

الأخذ بالأساليب العلميه فى مختلف المجالات

محاربة الفساد و الواسطه و المحسوبيه

اعطاء كل ذى حق حقه

تطبيق القانون و احترامه

العدل و المساواه بين الناس

و غيرها كتير و كتير

و بالطبع كل دى حاجات غايبه عن مجتمعاتنا

و وجودها عباره عن عنواين و شعارات فقط لاغير يعنى بدون تطبيق

لازم يكون فيه ثوره اصلاحيه فى شتى و مختلف المجالات حتى يرزقنا الله النصر

تسلمى يا توتى على طرحك للموضوع

دمت بود

---

بجد شويه مبادئ ميه ميه
ثانكس مرهف نورت التوبك

من الاخر وبصراحه ايه الى المفروض ان احنا نقدمه لأولادنا علشان يلاقو وطن يحسو فيه بالأمان
وايه التضحيه الى ممكن نقدمها

موضوع جميل جدا توتي

بصي اهم حاجه انه الشعب كلها يتفق ويقف يد واحده
يتفق انه الرئيس بتاعنا فاشل وفاسد
اما اذا دخل احد وقال الاختلاف في الراي لا يفسد للود قضيه
فهذه عباره خطا في وقتنا هذه لانه لابد من الاتفاق وليس الاختلاف
والوقوف يد واحده ان يكون في ثورة شعبيه من الشعب علي اكمل وجه
هذا هو الامان الداخلي في مصر

اما بالنسبه للصهاينه والامريكان
للاسف ياتوتي كل الدول العربيه بتكبر وبتمدح وبتتعون وبتقدم التنازلات للامريكان والصهاينه
ولا يصلح ان اكُبر وافٌخم في عدوي لانه وقته سيدب الخوف في قلبي
خوفا علي المصالح المشتركه
وخوفا منها وهو في الاصل اصغر منا بكثير

ولابد ان نعلم اولادنا الشجاعه
ولا تاتي الشجاعه الا من مواقفنا

اللهم جمع شمل الامه الاسلاميه تحت رايه التوحيد
بارك الله فيكي وحفظك توتي

سورى ياهشام اضطريت اقتبس الجملة دى منك اهم حاجه انه الشعب كلها يتفق ويقف يد واحده
يتفق انه الرئيس بتاعنا فاشل وفاسد

عجبتنى قوى الرئيس بتاعنا فاشل وفاسد يعنى مش حكومتنا ولا 40 حرامى بتوعك ولا زباينة الرئيس انت رائع حقا ويعلم ما لا تعلمون

بسم الله الرحمن الرحيم .. أولاا أشكرك Innocent وأحييك على الموضوع المتميز ده .. أما عن سؤالك أخرتها أيه ؟؟ فا أسمح لي أجاوبك على السؤال ده .. ولو أني طبعاا مش هجيب الديب من ديله.. شوف يا اخي >:D< >:D<

1. أخرتها 3 خطوات . بدونها يبقى الوضع على ما هو عليه .الخطوة الاولى :: نفوق لنفسنا ونتغير ونعرف ان الحريه لا تهدى وأنما تؤخذبالأصرار والعزيمة والتضحيه.. والدليل على الكلامة ده التاريخ. تاريخنا وتاريخ الشعوب والأمم اللي قدموا ثمن غالي من أرواحهم عشان يبقى مصيرهم وقرارهم في أيديهم مش في أيد غيرهم

على سبيل المثال الثورة الجزائريه عام 1954 عددالشهداء مليون ونص مليون .منهم 40 الف شهيد في يوم واحد لما قصف الطيران الفرنسي أستاد كرة قدم محتشد بالجماهير. الثورة الاسلاميه في ايران عام 1979عدد الشهداء 80 الف . منهم 4 الاف شهيد في يوم واحد بقصف للطائرات لحشود المتظاهرين اللي كانوا بيطالبو بتنحي شاه ايران وزوال الملكية وأقامة جمهوريه اسلاميه ..
نضال العراقيين ضد الظلم والأستبداد (في السبعينات : 50 الف معتقل لمجرد الاختلاف في الرأي - تم أعدامهم لاحقاا -
في عام 1987 أستشهاد 188 ألف في حملة عسكرية سميت بالانفال أستخدمت فيها الطائرات الأسلحه الكيميائيه ضد المدنيين الأكراد
في عام 1991 استشهاد 300 ألف في قمع ما أطلق عليه لاحقاا الانتفاضه الشعبانيه)
والقائمة تطول
الثورة الكوبية عام 1956
الثورة الروسيه او البلشفيه او الماركسيه عام 1917
الثورة الفرنسيه عام 1789
ولنا في التاريخ الاسلامي عبرة في الوقوف بوجه الظلم والأفساد على سبيل المثال ثورة حفيد رسول الله الأمام الحسين ..
فبعد كل ده أسألكم بالله هل وجدتم شعب في التاريخ حصل على حريته وأزاح الظلم والظالمين والأستبداد والمستبدين دون التضحيه من أجل حريته !!! :-/:-/
الخطوة الثانية :: نبطل نضحك على نفسنا وما ندفنش رؤسنا في التراب زي النعام . مش كل ما تحصل حاجه نجيبها في الوزير الفلاني ورئيس الوزراء الفلاني.. ونظيف وغير نظيف.. وما نتكلمش عن اللي معينهم ومن اعطاهم سلطتاهم . يعني نبطل تقديس الحاكم أو الملك ونقعد نلعن في الحاشيه والوزراء .. وعلى رأي الصحفي ألاستاذ أبراهيم عيسى :: مانقعدش نلعن في الحجاج ابن يوسف الثقفي ونقول مجرم قتل ناس كتير ومانتكلمش عن عبد الملك ابن مروان اللي أعطاه السلطه ووللاه على الناس . يعني المقصود محاسبة الظالمين والمفسدين
الخطوة الثالثة :: بمجرد التخلص من الظلم والاأستبداد والفساد الداخلي يبقى سهل الوقوف في وجه الأستكبار والعدو الخارجي لأن وقتها نقدر نبني أمة قويه................
بس تفتكروا الكلام ده قابل للتطبيق في بلدنا ؟؟؟ انا شخصياا لا أظن ... :(:( أسف ( مش قصدي تيأسو زيي بس على الأقل ده رأيي) ....لأن الشعب ده شرب القبول بالزل والهوان والسكوت على الظلم من زمان أوي من أيام الفراعنه كانوا يعذبوا في الناس يذبحوا أبنائهم ويستحيوا نسأئهم والناس تبني للفراعنه أهرامات حتى ولو ماتو ضحية بناء أهرام (قبور) للفراعنه
بسم الله الرحمن الرحيم #

وَإِذْ نَجَّيْنَاكُم مِّنْ آلِ فِرْعَوْنَ يَسُومُونَكُمْ سُوءَ الْعَذَابِ يُذَبِّحُونَ أَبْنَاءَكُمْ وَيَسْتَحْيُونَ نِسَاءكُمْ وَفِي ذَلِكُم بَلاء مِّن رَّبِّكُمْ عَظِيمٌ
#

وَإِذْ فَرَقْنَا بِكُمُ الْبَحْرَ فَأَنجَيْنَاكُمْ وَأَغْرَقْنَا آلَ فِرْعَوْنَ وَأَنتُمْ تَنظُرُونَ
#

وَإِذْ وَاعَدْنَا مُوسَى أَرْبَعِينَ لَيْلَةً ثُمَّ اتَّخَذْتُمُ الْعِجْلَ مِن بَعْدِهِ وَأَنتُمْ ظَالِمُونَ
صدق الله العظيم
وفي الختام ربنا قادر على كل شيء وهتنفرج ان شاء الله من وسع بس محتاجين شوية تفكير كتييييييييييييييييييييير :D