دعوه للحوار ... لتطوير منتدانا ((تعالو يا اعضاء ويا مشرفين نتناقش فى موضوع مهم ))
http://www.3sam.cc/image/Warning.png
السلام عليكم ورحمه الله وبركاته
ازيكم يا احلى اعضاء وعضوات فى الدنيا
يارب تكونو بخير دايما
______________________________
_____________________________
بصو يا جماعه انا جاتلى الفكره دى وحاسس ان الاعضاء حيتفهموها
انا شفت فى الفتره اللى فاتت اعتراضات كتير من الاعضاء بسبب عدم النظام فى الاقسام
بمعنى ايه :-/:-/
حقول دلوقتى ......
بمعنى اننا ممكن نلاقى عضو عامل 3 او 4 مواضيع فى نفس القسم فى يوم واحد
طب كده حضرتك حتعمل حاله من عدم النظام فى القسم ده
ومش حتدى فرصه لزملائك فى المنتدى عمل مواضيع
بصو يا جماعه معايا ثوانى على الصوره دى كده
http://up.hawaaworld.com/get-a9r0xp4...t-a9r0xp43.jpg
ها ؟؟؟؟؟؟؟؟؟؟؟؟؟؟؟؟؟؟؟؟
ايه اللى فهمتوه من الصوره دى ؟؟؟
طب ايه اللى ملاحظينه ؟
بصو يا جماعه كده على الاوضه دى
شوفو ازاى منظمه وكل حاجه فيها منظمه
ينفع انا اجيب كل الهدوم والقمصان والانتريه وكل حاجه فى الاوضه
واجى احطها فى ركن معين
واسيب باقى الاوضه فاضى ؟؟؟
ها ؟؟ فهمتو انا عاوز اقولكم ايه من الصوره دى :-/:-/
اعتقد الفكره وصلتلكم
يا جماعه اللى احنا بنعمله ده ليه اضرار كتير منها :
1- حضرتك كده مش حتدى فرصه لغيرك من الاعضاء يشاركو
2- مش حتبقى عارف تتابع مواضيعك ولا تشوف المواضيع الجديده
وتقيم انهى احسن وده وده وده
3-القسم ذات نفسه حنحس انه مش منظم
________________________
لكن لما يبقى لكل عضو موضوع او 2 بالكتيييير اوى فى قسم واحد فى نفس اليوم
يبقى حنلاقى وقت نتابع مواضيعنا ونرد ونشارك ونقول رأينا فى مواضيع اخرى بتاعه الاعضاء
وحنقدر نعمل مواضيع فى اقسام مختلفه
يبقى ننظم نفسنا
حنلاقى كل اقسام المنتدى بقت نشيطه
يعنى مثلا العضو اللى دائما مواضيعه فى القسم العام
لا ... حاول تغير
خليى ليك موضوع فى القسم العام و خمسه فرفشه
ومكتبه مصراوى كافيه
كده يعنى خليك متنوع
بجد يا جماعه المنتدى حيكون احسن ....
ولو كل واحد دور على الجديد والحصرى والمتميز
وجابه لمنتدانا وبذل مجهود عشان المنتدى ده يكون احسن
بجد حنكون احسن منتدى
دى دعوه للحوار
يا جماعه مش لازم قرار من الاداره
احنا نقرر
احنا مش اطفال فى حضانه مستنيين حد يجى يقول اعملو ده واعملو ده
ومتعملوش ده
يبقى احنا ننظم نفسنا ونطور كل الاقسام
الرياضيه و العامه والادبيه .... الخ
ياريت بجد تكونو فهمتونى
وبجد عاوز اشوف تفااااااااااااعل من ناااااااار
