لكل أحبتي في الله
بناتي وأولادي واخواتي
روزي حببتي شكرا على الهدية بس لو كانت بجد كانت هتبأى أجمل:D
بحبك يا بوي
التورته تجنن الحمد لله انها صورة
وبعديين كنت هكلها ازاي والورد معمول بالروعة دي
كنت هموت من الجوع وأنا بتفرج عليها:-SS
شكرا يا ساندرا
والله من قلبي
أحلى ما في التورته بتاعتك
عدد الشمع اللي فيها
8 سنيين كويسين قوي
بس كنتي زودي خمس شمعات
يعني أكون عديت ابتدائي :D
عامة هو أنا النهارده عندي خمستاشر سنة الا سبع سنيين:))
العوامي جزاك الله خيرا على الدعوة الجميلة
شوكرا على الهدية ولو اني مش عارفه فيها ايه
والتورته حلوة
بس مين دول اللى طالعين للتورتة
انته جايبها بالناس اللي هياكلوها:D
شكرا ليك يا ياسمين
بس قوليلي عملتي القلب ده ازاي
أنا بألي ساعة بحاول أعرف عملتيه ازاي:-SS
جزاك الله خيرا يا أحمد عمروبارك الله فيك
شكرا يا ورقة
ربنا يبارك فيك
بس مليون سنة ليه
مش كتير شوية
دنا كده هبأى تحفة أثرية @-)
عارفين يوم ميلاد الانسان لأول مرة
بيكون فعلا عيد
لأنه بيكون أبيض زي الزهور البرية
لكن كل مابيعدي يوم ورا يوم
بيتحول العيد
ليوم حساب
الغريب اننا بنحتفل بسنة فاتت مش بسنة جديدة
اليوم ده بالنسبة لي
يوم صعب جدا
مش عشان سنة عدت من عمري
لكن عشان سنة عدت ومش هأدر أرجع منها لحظة أغير فيها شئ ندمت عليه
أو حزنت بسببه
اللحظة بتعدي أولها ملكنا
وآخرها سيف على رقبة كل انسان
حقيقي عيد الميلاد الوحيد اللي حاسة انه عيد
والاحتفال بيه واجب
هو مولد سيدنا محمد صلى الله عليه وسلم
ده عيد ميلادنا احنا المسلمين
جزاكم الله خيرا وبارك فيكم
كان نفسي أرد على كل واحد أكرمني بتواجده هنا
بمشاركة خاصة
لكن اعذروني
الموضوع عندي تقيل جدا
يظهر بسبب ملفات الفيديو الكتيرة
حقيقي ماكنتش أعرف اني غالية عند طيف كده ربنا يبارك فيها:)
