ليه بتشتم أمك؟وإنتى ليه بتشتمى أمك؟
بسم الله الرحمن الرحيم
مستغربين!من أيه؟
مش أنتم إللى بتشتموا!
أيوه إنتى وأنت !إزاى أقولكم!
لما واحد بتخانق مع صاحبه مش
بيقوله يابن......مكان النقط
طبعاً كلام كتير مهزق للأم وأكيد
أنتم عارفينه طيب لما أنت تقوله
كده هو مش هايسكت ولازم يرد الشتيمه
وهيردها زيك ويمكن أكتر ماهو الولد حمش
بقى وإزاى أنت تهزق أمه وهو لا يبقى كده
مش يبقى أنت اللى بتشتم أمك وهزتك من الأول
دا حتى البنات اللى المفروض المفروض بعنى
بيتقال عنهم مهذبين ومحترمين هما كمان دلوقتى كده
سواء بجد او بهزار مافيش أسهل من شتيمة الأم
على لسانهم على طول (أمشى يابنت........)
طب ليه! ليه بجد كده!
طب شفت خليك شاهد على نفسك إنك أنت اللى
شتمت أمك فى الأول محدش غيرك!
سؤال ليك بقى ياللى بتشتم أمك؟
ليه لما بتكون فى الجيش والقائد بتاعك
اوالمسئول عنك يعنى بشتمك بأمك بتقوم
الدنياوبتقعدها ولما حد يجى يقولك ليه كده!
تقوله ده بشتمنى بأمى ؟
وليه أصلاً القائد يشتمك بأمك عارف ليه
علشان عارف إن شتيمه الأم صعبه ومجرحه
وكمان مستفزه ليك علشان كده بشتمك بيها
لا وقال أيه البنت لما الأبله او الأستاذ بتاعها
يشتمها بأمها تقلب المدرسه عاليها واطيها
وتقولك ده شتم أمى ما أنتى طول الوقت بتشتميها
فى الرايحه والجايه وبعدين بما إنكم بتزعلوا قوى
كده من الشتيمه دى حاولوا تمنعوها خالص
حاولوا تعملوا كرامه لأمهاتكم وتحافظوا عليهم
مش برضه الرسول عليه السلام وصانا عليهم
حدثناأحمد بن يونس حدثنا إبراهيم بن سعد
عن أبيه عن حميد بن عبدالرجمن عند عبدالله
بن عمرو رضى الله عنهما قال:قال رسول الله
صلى الله عليه وسلم(إن من أكبر الكبائر أن
يلعن الرجل والديه.قيل يارسول الله وكيف
يلعن الرجل والديه.قال:يسب الرجل أبا الرجل
فيسب أباه ويسب أمه فيسب أمه)
رواه البخارى
يعنى بجد والله إخواتى وأخوانى الأعضاء
بجد موضوع شتيمة الأم ده بقى زى الوباء
السريع الأنتشار لدرجة إن حتى الأطفال
بقوا يرددو الشتيمه دى
فابجد كل واحد يحاول إن يعمل حاجه بجد ناحية
الموضوع ده ومتقوليش بقى الكلام المعتاد ده
يعنى إحنا اللى هانقدر نعمل حاجه
إحنا اللى هانغير الكون
الكل ماشى كده الكل بيقول كده
على الأقل حاول مع نفسك مع جيرانك أصحابك
إخواتك فى البيت بقولك حاول وأكيد لو
فيه عزيمه هاتقدر بجد
وربنا يحفظ لنا أمهتنا ويبارك لنا فيهم يارب
وسورى بجد على الرغى والأطاله أكيد صدعتم!
أختكم فى الله(مونه)(منى)
