انا بتعذب بجد

انا مش عرفة ابدا من اول فين بس انا عيزة احكيلكم على قصة حبى وتحكموا انتوا
انا كنت بحب شخص حب جامد جدا وهو بردة مثلى حبينا بعض
وكنت متعلقة بية جدا بدرجة انتم متتصورهاش
واعتقد هو كان كدة بردة انا مكنتش حبة احبوا غير لما يجى لاهلى وهو بالفعل جية لاهلى
بس قالى سنة وكدة ونبقا نتتفق على خطوبة او شئ مثل هذا انا وفقت
فى يوم كلمتوا وكنت مخنوقة جدا وتعبانة وقالى كلمة خنقتنى اكتر انا قولت مش هينفع كدة وعملت بكرامتى وفركشت الحكاية وانا بجد مخنوقة جدا من سعتها
بس انا بقول لو بيحبنى هيعمل اى شئ وانا مش عرفة لية هو مش معبرنى ولا حتى بكلمة اسف
وانا مش عيزة اكلموا بردة علشان انا بقول عيب انى انا الى روح اكلموا هو الولد

هقول اختيارات وانتوا تقولوا اى اختيار هو الصح
( انساة -ارجعلوا-ادخل حد بينا يصلبحنا)

بصى يا قمر هو اكيد انتى غلطانة فى الى عملتية
دا بس مش هينفع تروحى انتى وتعتذرى طالما هو مش
عبرك هو انتى تدخلى حد فى النص يكون قريب منكم انتو
الاتنين بس من غير ما يقول انك انتى الى مدخلاة فى الموضوع
ويعرف منه هو مش عبرك وان شاء الله المشكلة تتحل
ويارب اكون قدمتلك المساعدة
تقبلى مرورى

وانا راى من راى ايه

مهيا المشكلة انى معرفش حد قريب منا اهلى بس الى عرفين وشوية من اصحابى يعنى المشكلة معقدة

علي فكرة غلط انك تدخلى حد بينكم المشكلة لازم تتحل مبنكم انتو الايتنين واوعى تدخلي حد في الموضوع حتى لو حد انتى واثقة فية 100%اوعى شوفى انتى الي غلطى ولا هو ياعنى الكلمة تستاهل كل دة لو مش تستاهل وهو بيحبك بجد ابعتيلة رسالة وشوفي هيعمل اية لو بيحبك هيسامحك وهيكلمك ولو تستاهل يبقي انتى الي تزعلي ويبقي انك تفركشى دة الرد السليم ولو هو بيحبك هيجرى وراكى ومتهنيش نفسك ومتضعفيش نفسك عشان انتى بتضعفي عشانة هو بيقوى عليكى وليكى انتى باردة الاختيار وانتى شوفى حاسة باية

بجد بجد شكرا ليكى دمووووووع كلامك مظبوط
شكرا ليكى مرة ثانية

بصى ياكوين
انا كمان عملت اللى انتى عملتيه
وغلطت زيك
وعملت بالاختيارات بتاعتك
حاولت انساه معرفتش
ارجعله مكنش عندى الشجاعة انى اكلمه لسببين
ان انا كنت الغلطانة وكرامتى مقدرتش
ادخل حد بيننا استحالة زى ماقالت دموع الاقمر
انا قررت اسيبها لربنا
فمن ترك شئ لله عوضه الله خيرا منه
انا عارفة انه صعب عليكى
يمكن ده يكون الحل
اسفة طولت عليكى
ولكى حريه الاختيار
انا بس عرضت عليكى تجربة حصلت معايا
ربنا يقدم لك اللى فيه الخير
ان شاء الله
ربنا يكرمك

بلا نقااااااااااااااااااااااش

لو بتحبيه بجد ارجعيله

الحب مفيهوش لا كرامه ولا عيب

الحب مش محتاج انك تحطى حواجز تخنقك وتخنقه زى :

( الكرامه ، التردد ، انتظار رد الفعل ولو تأخر ، ...... الخ )

شكرا ليكى whyردك استفد منوا كتير كتير شكرا لك

لا طبعا انا بحس ان الحب لازما فية الكرامة هو ممكن يكون حاجز لكن لابد منوا امال هعيش ازاى بقا من غير كرامة لالا مش معقول

بصي ياكوين خلاصة الموضوع ان في واحد غلط في التاني فالقرار دلوقتي في إيدك انتي لأنك انتي لوحدك اللي تعرفي التفاصيل الصغيرة اللي حصلت فالمطلوب منك انك تراجعي حساباتك تاني وتشوفي؛ إذا كان هو الغلطان يبئى لازم هو اللي يرجعلك وإذا كنت انتي الغلطانة يبئى مش عيب انك ترجعي له وتعتذري ،الموضوع هنا مش موضوع ولد وبنت وعشان هو الولد يبئى لازم هو اللي يرجعلك ،الموضوع فيه مخطئ ومخطوء فيه(أو باللغة العربية فاعل ومفعول) والفاعل لازم يتحمل نتيجة فعلة .
وأنا بأيد رأيك في إن الحب لازم يكون فيه كرامة والحياة بصفة عامة لو مافيهاش كرامة يبئى ماتستاهلش اننا نعيشها ،بس الإنسان لما يعتذر على خطأ ارتكبه عمره ماتقل كرامته بالعكس دا بتزيد قيمته عند الناس وهو بيعمل حساب انه مايكررش الخطأ .

:x:xتقبلي مروري وآسف جدا لو طولت عليكي:x:x

اشكرك بجد indeeu85على مرورك العطر هذا وكلامك منطقى جدا

انا محبتش قبل كده بس اللى انا متكده منه ان مفيش حاجه اسمها كرامه فى الحب لان مينفعش تفضلى تضحى عشانه وفى الاخر تقوليلى انا كرمتى متسمحليش
بس اوعى اوعى اوعى تدخلى حد بينكوا انا من راى كلميه وهو اكيد هيرد عليكى بطريقه جميله اوى بس هو عيزك تتبدائ

اشكرك رفيدة جدا على نصيحة الغالية هذة:-*

من الاخر الحب مفيهوش كرامه و عشان الحياه تمشى لازم من وقت للتانى كل طرف بيضطر يقدم تنازلات عشان المركب تمشى كلميه و صدقينى هتكبرى فى نظره و هيقدر اد ايه انتى بتحبيه>:D<

بجد شكرا على رئيك افادنى كتيرررررررررررررررررررررر رر
ميرسى على مرورك

أنا باقول انسيــــه
او يعني حاول تتناسيــــه
هو طبعاً صعب على الإحساس
وهو لو بيحبك بحقيقي
هيجي تاني ولو حتى بعد سنين

انا من رايى انك متدخليش اى حد ما بينكو
ا ولا تحكى لحد اصلا ع اللى بيحصل
وانتى استنيه مدة معينه وشوفيه هيتصل او لا
ولو لا يبقى انتى كمليه
وقوليله ليه مكلمتنيش انت عايز تكمل ولا لا
بس مع مراعاه انك انتى اللى غلطانه

انا راي انك تستني اي مناسبه وتكلميه مثلا عيد ميلاده دلوقتي رمضان داخل كلميه وقوليله كل سنه وانت طيب ومتتكلميش في اي حاجه قديمه وشوفي رد فعله وبعد مترجعوا فهميه غلطه ولو كلامه معجبكيش ابعدي خالص ويبقي انتي عملتي اللي عليكي
اسفه عشان طولت وربنا يوفقك