للنقاش الجاد جدا

السلام عليكم ورحمة الله وبركاته

ازيكوا يا احلى اعضاء


عايزين نتناقش في موضوع مهم جدا

وعايزة اعرف رأي البنات ورأي الشباب

بالنسبة للبنات
انتي لو مرتبطة او مخطوبة (تفرق في الحالتين)
لو عايزة تخرجي مع اهلك او اصحابك هيكون ايه موقفك مع حبيبك
هتقوليله بس من باب العلم بالشئ
ولا هتستأذنيه ولو قالك لأ يبقا لأ او تحاولي تقنعيه
وبصراحة انتي هترضي بايه
انه يتحكم في خروجك ودخولك ولا لأ
بس بصراحة

بالنسبة للشباب
انت لو مرتبط او خاطب (وبرضو تفرق في الحالتين)
وحبيبتك عايزة تخرج مع اهلها او اصحابها
هيكون موقفك ايه
هتحب انها تعمل اللي هي عايزاه مدام بتقولك
ولا لازم يكون لك رأي وصارم كمان لدرجة التحكم

اتمنى الاقي ردود ومشاركه

اختي الكريمه موحا موضوع جميل
هو عامه مفيش احسن من التفاهم
انه الشخص يكون متفاهم
ومش يحاول يصعب الامور او يعقد الامور علي خطيبته
لانه هي اصلا الحياه مش مستحمله تصعيب او عقد
بس لازم اكون علي علم طبعا

لو خارجه مع اهله بيكون عادي جدا
ام لو اصحابه فلازم اعرف اخلاق اصحابه دول اذا كانوا كويسين
خلاص مفيش مشكله

بارك الله فيكي وحفظك ورعاكي

اشكرك هشام على اهتمامك
وهي دي اخلاق الناس العاقلة المتفاهمة
بس ياترى انت بتطبق ده مع حبيبتك ولا
كلام نظري بس

مافيش برضو أحسن من الأتفاق بس لو إنتي مخطوبة المفروض تسمعي كلام خطيبك بس حاولي تقنعيه لو وافق كان بها لو ماوفقش يبقي المفروض تسمعي كلامه وياريت تتقبلي مني ردي وماتزعليش مني وردي عليا

بالنسبه ليه انا بقالي سنه خاطب
وخطيبتي بتقولي علي أي حاجه وبستأذني انها تروح مناسبه أوفرح حد من قرايبها وانا طبعا بوافق عادي مادام انا واثق فيها وشايف انها مش بتعمل حاجه غلط يبقي ليه انا أخنقها وأقولها لا متروحيش وكدة وبعدين خليها تعيشلها يومين وبعد كدة بيت وراجل واولاد وأيام سوادء جايه قدام

انا لما بكون رايحه مشوار مش خروجات مع اصحابى لان دى مش بتحصل ولكن مثلا لو رايحه مكان مع ماما او اخواتى او رايحه اشترى حاجه بقوله بحس انه احيانا مضايق دا بما انه بيغير عليا جدا ويفكر مثلا ان الناس هتشوفنى واكيد معاكسات وكده
لكن مش بيرفض
واحيانا بيرفض لكن بحاول اقنعه
لانى مش بحب اعمل حاجه تضايقه
موضوعك بجد جميل
تسلمى

الحمد لله اني ما جربتش الموضوع ده زوجتر عاقلة جدا أيام الخطوبه هي اللي كانت بترفض الخروج إلا إذا كان مع أخوها ودا طبعا ابن خالي وابن عمي واخويا غير كدا ممنوع ورأيها في ذلك (انا مش حابه حد يشوفني غيرك عايزه اكون بتاعتك لوحدك) طبعا من النوع ده قليل في العالم

تقبلي تحياتي
لك خالص ودي وتقديري واحترامي

المفروض انها تقولي رايحة فين ومع مين مش موضوع تحكم فيها وفي رغباتها لكن في حاجات معنة ماينفعش نتجاهلها وأبسط حاجة ان ممكن الحاجة اللي هتعملها يكون ليا وجهة نظر مختلفة فيها وفي الحالة دي إما أقنعتها أو أقنعتني، وفي حاجة كمان هي اننا بعد فترة هنعيش تحت سقف واحد يعني لازم تتعود من قبلها ان مفيش حاجة تستخبى ،وبعدين احنا في مجتمع شرقي يعني .... عفوا ........ الموضوع دا بيجرح الراااااجل


:x:x:x:xشكرا على الموضوع المتميز وتقبلي مروري :x:x:x:x:x

هي مش حكاية تحكم
بس هو لو في حب وتفاهم مش حتبئا في مشكلة
الحب بيخلي الإنسان من جواه بيخاف على زعل حبيبه
وبيتقبل ا الإستئذان الرأي والرفض بصدر رحب وبسعادة بده
تسلم ايدك عالموضوع الجميل

بصراحه انا مرتبطه وبقوله عشان بكون عليزة اعرف رد فعله هيقول اه بس رده دايما بيكون اوك اخرجي حتي ولو كان سفر وتفسيره لكلامه ده انه ولثق فيا وعارف اني مش بعمل حاجه غلط بس بردوا مش شرط اني قوله بس ده احترام ليه بس هو بردوا مش بيتحكم اما لما نكون مخطوبين ممكن يتحكم شويه لاني يعتبر مسئوله منه ده راي

اقتباس:

---

المشاركة الأصلية كتبت بواسطة هنو

مافيش برضو أحسن من الأتفاق بس لو إنتي مخطوبة المفروض تسمعي كلام خطيبك بس حاولي تقنعيه لو وافق كان بها لو ماوفقش يبقي المفروض تسمعي كلامه وياريت تتقبلي مني ردي وماتزعليش مني وردي عليا

---

انا مش زعلانة
واحنا بنتناقش
والمفروض ان محد يفرض رأيه على التاني
ويبقى في اتفاق واقتناع من الطرفين في اي حاجة

اسعدني مرورك

اقتباس:

---

المشاركة الأصلية كتبت بواسطة عمارطه2009

بالنسبه ليه انا بقالي سنه خاطب
وخطيبتي بتقولي علي أي حاجه وبستأذني انها تروح مناسبه أوفرح حد من قرايبها وانا طبعا بوافق عادي مادام انا واثق فيها وشايف انها مش بتعمل حاجه غلط يبقي ليه انا أخنقها وأقولها لا متروحيش وكدة وبعدين خليها تعيشلها يومين وبعد كدة بيت وراجل واولاد وأيام سوادء جايه قدام

---

طب وليه السواد ده
ليه متقولش انك هتخليها اسعد في بيتك
حتى مع كل الالتزامات دي
بس رأيك برضه يحترم

نورت التوبيك

اقتباس:

---

المشاركة الأصلية كتبت بواسطة اميره بلا وطن

انا لما بكون رايحه مشوار مش خروجات مع اصحابى لان دى مش بتحصل ولكن مثلا لو رايحه مكان مع ماما او اخواتى او رايحه اشترى حاجه بقوله بحس انه احيانا مضايق دا بما انه بيغير عليا جدا ويفكر مثلا ان الناس هتشوفنى واكيد معاكسات وكده
لكن مش بيرفض
واحيانا بيرفض لكن بحاول اقنعه
لانى مش بحب اعمل حاجه تضايقه
موضوعك بجد جميل
تسلمى

---

طب هو عشان انتي مخطوبة وهو بيغير عليكي
يبقى مش من حقك تخرجي مع اصحابك
هو ده اللي انا بتكلم فيه

اقتباس:

---

المشاركة الأصلية كتبت بواسطة thesniper_12007

الحمد لله اني ما جربتش الموضوع ده زوجتر عاقلة جدا أيام الخطوبه هي اللي كانت بترفض الخروج إلا إذا كان مع أخوها ودا طبعا ابن خالي وابن عمي واخويا غير كدا ممنوع ورأيها في ذلك (انا مش حابه حد يشوفني غيرك عايزه اكون بتاعتك لوحدك) طبعا من النوع ده قليل في العالم

تقبلي تحياتي
لك خالص ودي وتقديري واحترامي

---

طبعا زوجتك تحترم
ودي حاجة جت من عندها
بس ياترى لو مكانتش مقتنعة بكده
كنت هتعمل ايه

اقتباس:

---

المشاركة الأصلية كتبت بواسطة ineedu85

المفروض انها تقولي رايحة فين ومع مين مش موضوع تحكم فيها وفي رغباتها لكن في حاجات معنة ماينفعش نتجاهلها وأبسط حاجة ان ممكن الحاجة اللي هتعملها يكون ليا وجهة نظر مختلفة فيها وفي الحالة دي إما أقنعتها أو أقنعتني، وفي حاجة كمان هي اننا بعد فترة هنعيش تحت سقف واحد يعني لازم تتعود من قبلها ان مفيش حاجة تستخبى ،وبعدين احنا في مجتمع شرقي يعني .... عفوا ........ الموضوع دا بيجرح الراااااجل


:x:x:x:xشكرا على الموضوع المتميز وتقبلي مروري :x:x:x:x:x

---

انا مش بتكلم في انها تخبي او لا
لانه طبعا مينفعش تخبي
انا بتكلم ان هي لو نفسها تخرج
هترفض ولا هتتفاهموا ولا هتمنعها اصلا
وانا مش بحرج الراجل ابدا
لان الراجل راجل

اقتباس:

---

المشاركة الأصلية كتبت بواسطة هناا

هي مش حكاية تحكم
بس هو لو في حب وتفاهم مش حتبئا في مشكلة
الحب بيخلي الإنسان من جواه بيخاف على زعل حبيبه
وبيتقبل ا الإستئذان الرأي والرفض بصدر رحب وبسعادة بده
تسلم ايدك عالموضوع الجميل

---

اشكرك على مرورك
واحسن حاجة التفاهم
لان الحب بيتولد من التفاهم والتوافق

اقتباس:

---

المشاركة الأصلية كتبت بواسطة روكي

بصراحه انا مرتبطه وبقوله عشان بكون عليزة اعرف رد فعله هيقول اه بس رده دايما بيكون اوك اخرجي حتي ولو كان سفر وتفسيره لكلامه ده انه ولثق فيا وعارف اني مش بعمل حاجه غلط بس بردوا مش شرط اني قوله بس ده احترام ليه بس هو بردوا مش بيتحكم اما لما نكون مخطوبين ممكن يتحكم شويه لاني يعتبر مسئوله منه ده راي

---

هي فعلا حكاية احترام مش حكاية تحكم
نورتي التوبيك

انا من رايى ان البنت لو كانت مخطوبة
المفروض تحاول تعود نفسها من دلوقتى انها تقول له على كل مكان بتروحه واى حد بتكلمه
لان ده حقه
ده رايى بكل بساطة
اختك فى الله