السلام عليكم
حبيبي حازم
أكيد يا أخي انه راجل وراجل جدا جدا جدا
مش معني اني ما أمشيش علي هوا غيري يبقي كده أني مش راجل
بص أنا هحكيلك موقف حصلي فعلا والله
كنت مع صديق لي في مشوار وأصر أني أروح معاه فرح واحد قريبهم المهم رحت معاه واحنا قاعدين لقيت شباب قاعدين وبيشربوا مخدرات والأغرب أنهم عزموا عليا احم احم أنا بصراحة قعدت أضحك جدا جدا والله بهيستريا شديدة أنا بكتب الآن وأنا فاكر الموقف وعمال بضحك
أنا فكرت اني بحلم ولا حاجة المهم قلتلهم لأ شكرا أنا مش جعان ؟
رد واحد وصوته يا ستير يارب مش عارف أوصفه قالي هو انت مش راجل ؟
قلتله لأ؟
قالي لأ؟
قلتله أه والله أنا مش راجل أنا محمد
المهم الأخ ده قعد يبصلي كده باستغراب وشكلة كان عاوز يتخانق معايا
المهم أنا قمت مشيت طبعا علشان ما أضربوش يعني اوعي تكون فاكر غير كدة
الشاهد من قصتي مش معني ان حد يستفزني بكلمة اني مش راجل وانساق وراه واقول لازم أشرب أو أقتل أو أ و علشان أبقي راجل لا لا لا لا وألف لا
علشان كده يا شباب لا بد أن نختار الصديق بعناية صديق صالح يا شباب
جزاك ربي الجنة حبيبي حازم وأعتذر عن الاطالة
