أنصار البرادعي وكفاية و6 أبريل.. خرجوا علي أداب شهر الصوم

كشف المشاركون في الوقفة الاحتجاجية لانصار البرادعي وكفاية و6 أبريل التي شهدها شارع فؤاد بالاسكندرية امام مبني ديوان عام المحافظة عن عدم احترامهم لأداب الصيام وروحانية الشهر الكريم.. تجمع 30 من انصار الحركات الثلاث علي الرصيف المقابل للمحافظة وظلوا يرددون عبارات سب وقذف لرموز الحكم بالدولة ورجال الشرطة دون مراعاة حرمة الصيام وادابه وهو ماأثار استياء الاهالي والمارة الذين أساءتهم هذه التعبيرات البذيئة.
هاجم المشاركون في الوقفة اللواء عادل لبيب محافظ الاسكندرية وطالبوا بالافراج عن سيارات اعضاء لجنة جمع التوقيعات للبرادعي الخمسة والتي تم ضبطها يوم الاربعاء الماضي بمدخل الاسكندرية امام مجمع كارفور. بعدما قاموا بزفة بالسيارات الملصق عليها صور البرادعي. وعطلوا حركة المرور وعرضوا حياة المارة للخطر نتيجة القيادة برعونة اثناء "الزفة" التي قادها هيثم الحريري نجل عضو مجلس الشعب السابق ابوالعز الحريري.

تسلم يا براكودا ع الخبر

بس تفتكر ان انصار البرادعى عملوا كل ده ؟

عرضوا حياة المواطنين للخطر

و تعطيل المرور

:-O:-O:-O

اكيد أنصار جمال مبارك مش بيعملوا كده ( تقريبا مش بشر دول ملايكه )

:D:D:D

رحمتك يااااااااااا رب

لا يا حج
انصار جمال مش محتاجين ينزلوا الشارع
باذن الله مش هتشوفهم غير يوم الانتخابات

نورت يا حج

طب وليه يا حاج بركودا
الامن مش بيوقف موكب رئيس الوزراء
اللي بيوقف وسط البلد والكباري في القاهره ب 3 ساعات
ولا هو لحد هنا وstop
ياعم بركودا القوانين في بلدنا مش بتطبق غير علي الناس البسيطه
والناس المعارضه للنظام

كل الامور دي بتخرج اي بني ادم عن شعوره

ايه مجربتش تطلع رخصه او تخلص مصلحه من عندهم من غير واسطه
الرخصه اللي مفروض اسبوعين او تلاته ممكن اقل حاجه شهر ونص او شهرين
ولو في رمضان وانت صايم كمان .... يبقي جرب وقول ليه ايه شعورك بس من غير واسطه
:-/:-/:-/:-/
تسلم يا حاج علي الموضوع
بارك الله فيك وحفظك ورعاك

والله انا جربت موضوع الرخصة ده
وخلصت في نفس اليوم
;)
:-*

اقتباس:

---

المشاركة الأصلية كتبت بواسطة براكودا

والله انا جربت موضوع الرخصة ده
وخلصت في نفس اليوم
;)
:-*

---

بس ياريت تقولي بواسطه ولا من غير واسطه
ولا في مصر ولا بلد غير مصر
:-/:-/:-/:-/:-/
ياراجل حراااااااااااااااااااااام
;););)
ده انا كان هيتلغي سفري ده
علشان الرخصه والمرور
والله ياجدع شهرين
ومش انا بس الناس كلها اللي معاي كانت كده

ياراجل ده فسااااااااد والله

اقتباس:

---

المشاركة الأصلية كتبت بواسطة هشام اللول1

بس ياريت تقولي بواسطه ولا من غير واسطه
ولا في مصر ولا بلد غير مصر
:-/:-/:-/:-/:-/
ياراجل حراااااااااااااااااااااام
;););)
ده انا كان هيتلغي سفري ده
علشان الرخصه والمرور
والله ياجدع شهرين
ومش انا بس الناس كلها اللي معاي كانت كده

ياراجل ده فسااااااااد والله

---

والله تقدر تقول ان الظابط كانت اعصابه رايقه :D

اقتباس:

---

والله تقدر تقول ان الظابط كانت اعصابه رايقه http://www.masrawycafe.com/images/smilies/4.gif

---

وربنا ما شوفت اروق من اعصابك
با لذيذ يارايق
:x:x
:-*

حبيبي
ياعمده

:-O:-O:-O:-O

ههههههههه
ماشي يا عم هشام
روق الـ دي
في الزمن ده لازم تروق اعصابك
روح اتسحر واشرب شوب ليمون وانتى تروق :D
:-*

انا عاوز اشرب ليمون اعملوا حساب معاكوا فى الطلب ده :D
يسلمووووو براكودا

هههههههههههههههههههههه حلو الاستفزاز ده جامد انا مش بحب الليمون وعايزه اقول كمان

ان العيال بتوع حملة البرادعى و6 ابرايل دول وحشين ووحشين قوى كمان ياى عليهم ازاى يعطلو المرور واحنا بلدنا منظمه والطرق سالكه وسريعه ومفيش زحام ازاى يعملو عطله كده وازاى يشتموا هما العيال دى مش عندهم حد يربيهم كده اتعلموا انهم يشتموا كبار البلد بجد حاجه تكسف ثم هما تعبين نفسهم ليه وملصقات وزفه العيال دول خطر على الامن العام ولازم يتحاكموا عسكريا بيعملوا راسهم براس ريسنا الجديد جمال ده بوعدهم
شكرا براكودا انك عرفتنا العيال الوحشه دى عملت ايه انا كرهتهم خلاص عيال وحشه اوعى تزعل;):D

يا ايسل احنا هنشرب شاي علشان يتحرق دمنا اكتر واكتر ;);););)
بلدنا دي مش محتاجه جمال ولا البرادعي ولا اي حزب معارضه ولا كفايه و لااي حاجات من دي خاااااااااااااااالص
البلد بس محتاجه شويه حمض كبريتيك
ايووووووووووه هو دا اللي هينضفها بجد
الموضوع بجد عايز كلام كتير والله بس الواحد خايف علي مستقبله
:-SS:-SS:-SS:-SS:-SS:-SS
وفي النهايه يبقي المواطن المصري المطحون يردد مقوله
لا اري .....لا اسمع ......لا اتكلم
منهم لله اللي خلونا نفقد حتي الحواس
شكرا علي الموضوع اخي الكريم عماد