البنت الامووورة ..............عند الشباااااب
البنت الاموره.....يعني ايه؟؟؟.سئلت نفسي وقعدت افكر في الاجابه بس قررت مش هجاوب غير لما اعرف باقي الاولاد رأيهم ايه.....وبالفعل كان ذلك ،قررت انزل الشارع واسأل الاولاد على اختلاف صفاتهم والمهن بتاعتهم......تعالوا نشوف.............
سألت الولد الرمانسي وقاللي:يااااااه(مع تنهيده طويله ).... الاموره هي بنت جميله لما تلمحها من بعيد تشدك ليها ولما تقرب ليك تخطفك بعنيها
سألت الولد المثقف وقاللي: بص يادكتور .... الاموره هي بنوته رقيقة الملامح , خفيفة الظل, وجهها يميل لوجه الملائكه وجسمها نحيف كصوتها,تتغذى على الشيكولاته فقط, تعيش في عالم من الأحلام الورديه ,تريد أن تسكن على القمر, تحلم بشاب من زمن الفرسان وهي على استعداد بأن تنتظره مهما طال الزمن
وسألت الولد الروش وقاللي : أشطه يا معلم .....الأموره هي المزه الجامده اللي متابعه الموضه وواخده بالها من لبسها وشياكتها.
وسألت الولد الرخم وقاللي : بص يا سيدي .....الأموره هي اللي لما ترزل عليها تقولك انت خنيق موت ....وتشغلك اسطوانه الضحك.
ولما سألت الولد الصايع قاللي : بيس يا مان ....الأموره هي الحته الطريه اللي تدوس معاها من أول مره تشوفها وتديلك رقم موبايلها علشان تطمن ع عنيها اللي انت اعترفتلها بانهم جامدين اخر حاجه
بس لما سألت الولد المدقدق قاللي: بص يابرنس.....الأموره هي اللي لما تمسك ايديها تلاقي وشها ضرب احمر ع أصفر...تقولش علبة ألوان واتفتحت .
وسألت الولد المعاكساتي وقاللي: بص يا باشا.....الأموره هي البنت العنيده اللي لما تعاكسها تعيش اللحظه وتضحك في سرها وتقولك ...
بس بأه علشان بتكسف
سألت الولد السيس وقاللي: بص يا بوب.....الاموره هي البنت الشديده اللي تتعب موت علشان تعرف تلاغيها وساعات متقدرش
سألت الولد المطرقع وقاللي : ايزي ....الاموره هي اللي أول م تشوفها تفكس للبنت بتاعتك علشان تصاحبها وانت هارش الباقي يا د/ايجل.
لكن لما سألت الولد المؤدب قاللي : ال ...ال....ال...الأموره هي بنت ت...ت...تعرف شخصيتها لما ت ...ت...تسمحلك هي تتعرف عليها أساسا
سألت الولد الجدع وقاللي: الاموره هي البنت اللي لما تعملها خدمه او مصلحه تبقى مش عارفه تعمل ايه علشان تشكرك
و سألت الولد المحترم وقاللي : الاموره هي اللي اول م تشوفها تجري تتطلبها من أبوها وبعد اسبوع تلاقيها على يمينك ف الكوشه.
سألت الولد الذكي وقاللي : الاموره هي اللي تبتسم لما تقولها ......ممكن تداري عنيكي علشان اعرف اتكلم معاكي!!!!!
ولما سألت الولد الغبي وقاللي: الاموره هي اللي متردش عليك لما تسألها ......هو ده جمال طبيعي ولا سيليكون؟؟؟؟!!!!!!
سألت الولد الظريف وقاللي : عادي يعني ....الأموره هي اللي تفتح ماسورة الضحك من أول نكته تقولها , ودول في منهم كتير
سألت الولد الحمش وقاللي: هع هع (ومسك شنبو اللي لسه طالع من يومين) ....الاموره هي اللي متكلمش راجل طول حياتها غير اربعة ....أبوها واخوها وجوزها وابنها
سألت الولد النكدي وقاللي : الاموره هي اللي تنسيك همك من اول نظره لعينيها وتنسى قرف الدنيا لما تقعد معاها
سألت الولد الحبيب وقاللي : بص يا حبوب ....الاموره هي اللي تاخدك بالحضن لما تجيبلها دبدوب أحمر في يوم الفالانتاين
سألت الولد المحشش وقاللي : شوف يا عمنا ....البت الاموره لا مؤاخذه هي البت اللي (تسنجفك وتعدل مزاجك) واللي تعرف تاخد (أنفاسك) معاها ولما تيجي تبني بيت الزوجية تساعدك بأي (حجرين).
سألت الولد البياع ف محل الاكسسوارات الحريمي ع أول شارعنا وقاللي : شوف يا استاذ....البنات الأمامير تلاقي الواحده منهم تدخلك المحل وتقولك:عايزه من ده وده وده ومش مهم الاسعاروده لأن بيكون أهم حاجه في حياتها انها تظبط أداء مع صاحبها اللي هتشوفو الساعه 7 في النادي
سألت الولد سواق التاكسي وقاللي : بص يا ريس.... الاموره أول م تركب التاكسي تقولك لو سمحت يا عمو ممكن تشغل البوم حماقي الجديد وطول م هي قاعده بتبقي هيمانه على روحها ومبسوطه من شعرها اللي بيطير من الهوا
سألت الولد المتدين قاللي: امشي يا أمور من هنا .....ربنا يهديك ....قولتلو امين.....(شكلو فهمني غلط)
سألت الولد اللي ملوش في البنات وقاللي: البنت الاموره بنت عاديه زي أي بنت, كلهم شبه بعض مش فارقه
سألت الولد بتاع الفيس بوك وقاللي : البنت الاموره هي اللي تلاقي صوره البروفايل بتاعها عباره عن ورود وتعتبر أهم عضو في جروب (أوعي تكوني طرطوره يا أموره ) وجميع جروبات الرومانسيه, وتلاقي باقي البنات الوحشين يكتبولها ف الكومنتات:( انتي مغروره يا أموره) ولما يعجبها أي توبيك تقولك (حلو خالص يا أمور)أما الصور اللي بتحطها ع الوول لازم تعبر عن الليل ويكون فيها القمر عنصر أساسي, وتنزلك اخر كليب لتامر وتكتب تحتيه (الله عليك يا تيمو يا أمور...احساسك جامد هبل )
سألت الولد الفكهاني وقاللي : هنروح بعيد ليه ؟ أنا لسه دخلت عندي واحده أموره امبارح ....بسم الله ما شاء الله،
هو في جمال كده؟......العيون زي العنب البناتي ,والخدود زي الفراوله والمناخير زي النبق والشعر أصفر زي الموز....
ملحوظه:انا لا سألت نفسي ولا سألت الأولاد اللي سأل اللي انا لهفت منه الموضوع يعني انا في التراوه خالص بس بجد الموضوع عجبني ويا ريت تقولوا رايكوا
