يوميات عبد اللطيف (( من تأليفى ..... متجدد ان شاء الله )) الحلقه الاولى
http://img87.imageshack.us/img87/1047/32kz6nv2xk8.gif
http://img15.imageshack.us/img15/416...1dp1qm3nm5.gif
http://img87.imageshack.us/img87/1047/32kz6nv2xk8.gif
اهلا ومرحبا بيكم .... يارب تكونو بخير >:D<
حنبدأ فى سلسله يوميات عبد اللطيف .... وحتكون من تأليفى باذن الله
وان شاء الله متجدد معاكم كل يومين ولا كل يوم كده حنزل حلقه
عبد اللطيف ده راجل غريب جدا وليه طرائف عجيبه مراته مطلعه عينه
بيحاول يتخلص منها طوال الوقت بس تعالو نشوف فى الحلقات مين حيتخلص من مين ؟؟
يارب تعجبكم .........
يلا نبدأ ::
http://img15.imageshack.us/img15/7030/311pr9.gif
نبتدى نعرفكم بالشخصيات ::
1- عبد اللطيف :: وهو البطل وحنعرف شخصيته خلال المسلسل
2- فتحيه :: مرات عبد اللطيف
3- فتحى :: صاحب عبد اللطيف واخو فتحيه
4- (( بالاضافه الى شخصيات فرعيه ))
http://img15.imageshack.us/img15/7030/311pr9.gif
الحلقه رقم :: 1
http://img87.imageshack.us/img87/1047/32kz6nv2xk8.gif
فتحيه :: ( تصحى على صوت المنبه ) ... قوم يا راجل عشان تروح الزفت الشغل
عبد اللطيف :: استغفر الله العظيم .... يا فتاح يا عليم يا رزاق يا كريم
خلاص متهبب قايم
فتحيه :: قوم قوم جتك ستين نيله
عبد اللطيف :: انتى يا وليه X-(X-( فين الصااااااااااااابون
فتحيه :: اشمعنى انهارده بتسأل ع الصابون منتا عمرك ما غسلت وشك اصلا
عندك الكلور ... طول عمرك بتستعمله
عبد اللطيف ::( وهو بيجرى وفى ايده سندويتش جبنه ومحشور فيه شويه جرجير )
يا وليه حرام عليكى حرام عليكى بقا كفاياكى نوم ....
ده انتى مقومتيش من ع السرير من نكسه 67
فتحيه :: بس يوم ما قوت كان يوم العبور وحررنا سينا :->
عبد اللطيف :: اه ... وان شاء الله مستنيه تقومى المره دى لما ناخد كاس العالم
فتحى :: يا عبدوووووووووو ...... يا عبدوووووووووو
(( طبعا كل يوم بيقف ينادى عليه ساعه من تحت البلكونه ))
فتحيه :: شوف يا راجل اخويا بينادى عليك ... انت سمعك تقل ولا ايه ؟
عبد اللطيف :: اه البركه فيكى وانا بقيت بسمع اصلا :(
يا نهاااار ملحوس انا متأخر ساعه كده :-O ... روحى جتك داهيه فى صباحك اللى شبهك
فتحيه :: متنساش بقا تصحينى على الفطار بالظبط عشان الصيام مبهدلنى
عبد اللطيف :: (( طلع يجرى وهو بيلبس الشراب على السلم ))
(( بووووووووووووووووم !! ))
فتحيه :: احسن اهو وقع .... يكش تقع ما تقوم يا بعيد
فتحى :: ايه يا عم مالك مش متظبط ليه النهارده
عبد اللطيف :: مش عارف يمكن عشان محطتش جيل هيركود بتاعى
فتحى :: الله يرحم الصابون السايل
(( بعد مرور الوقت والشعبطه فى الاتوبيس الاتنين يوصلو الشغل ))
مدير الشغل :: ما بدرى يا اخويا انت وهو ....
وبعدين ايه ده ايه ده يا عبد اللطيف .... حد يجى ببنطلون بيجامه الشغل ؟؟
عبد اللطيف :: معلش ربنا ما يحكم عليك بواحده زى فتحيه
(( بعد مرور الوقت والساعه بقت 6 المغرب وعبد اللطيف وفتحى راجعين البيت ))
فتحى :: ياااااه النهارده حر اوى .... رمضان جاى فى الصيف السنه دى
عبد اللطيف :: متيجى تاكل معانا انهارده ...
فتحى :: عاملين ايه على الفطار ؟؟
عبد اللطيف :: سندوتشات جبنه تركى وبيف وشويه مخلل
فتحى :: استغفر الله العظيم .... امشى امشى يا عبد اللطيف عشان مغلطش فيك X-(
عبد اللطيف :: روح جدك نيله .... ال يعنى لو مجتش مش حناكل
(( عبد اللطيف دخل البيت ... وطبعا لقى فتحيه نايمه ))
عبد اللطيف :: يا وليه .... يا وليه حرام عليكى ده المغرب حيأذن
كل ده نوم من ساعه ما روحت وانتى لسه نايمه ...
ده ايه ده .... بتعمرى الارض فى احلامك
فتحيه :: انت جيت يا منيل على عينك ؟؟
عبد اللطيف :: اه جيت يلا اتهببى قومى
فتحيه :: عندك سندوتشات احشيها مربى وجبنه بيضا
عبد اللطيف :: انا حتجنن ... فى حد ياكل بعد يوم صيام طويل كده سندوتشات X-(
ايه ده ..... ايه ده يا وليه ؟؟ انتى بتعملى ايه
انتى مش صايمه ولا ايه ؟؟
فتحيه :: لا منا نسيت ان احنا فى رمضان وشربت واكلت
عبد اللطيف :: ال نسيت احنا فى رمضان ...
اتحداكى اذا كنتى تعرفى اصلا احنا فى سنه كام
فتحيه :: بقولك ايه عاوزه اقولك على مشروع كده ... حيكسب حلو
http://img87.imageshack.us/img87/1047/32kz6nv2xk8.gif
وبكده تنتهى الحلقه الاولى .......
ياترى ايه هو المشروع اللى عاوزاه فتحيه وقامت من النوم مخصوص عشانه :-/
عاوزين تعرفو .... تابعونا الحلقه الجايه :):)
http://img87.imageshack.us/img87/1047/32kz6nv2xk8.gif
عااوز اعرف رأيكم ؟؟؟
اتمنى ان الحلقه تكون عجبتكم
ونلتقى فى حلقه جديده من ::
يوميات عبد اللطيف
