http://www.google.com.eg/url?source=...hM_Lubuhn2nO0w
ابنى الحبيب
ياريت ياابنى تكون سامع
مسافر ليه ومش راجع؟
وسايب قلبى متقطع
ودموعى على شنطة سفرك
نزلت حزينه ...
وياريتها قدرت يوم تشفع
ونزلت اشوفها وقابلتنى
قالتى يلا اوام نطلع
ابنك خلاص رافض يرجع
ياابنى مش فاكر أمك؟
حضن وزمان كان بيضمك
جاى النهارده كده تقولى
ياامى انا قلت مسافر
ياحبيبى لو شاف دمع العين واحد كافر
هيرق لى ويحنلى ومش هيسافر
طيب سايبنى ورايح فين
رد عليا
وقولى فين الحنيه
وليه المال بيعميكم
وطمع الكون ينسيكم
بإن ناس محتاجه ليكم؟
وبتموت لما تنسوها شويه شويه
ياابنى طيب روح وامشى
لكن لو مت وانت بعيد ماتندمشى
وانا مسامحه ومش هزعل
ولا هقول ابنى سابنى خلاص
هجرنى ياناس
وكنت انا لوحدى ضحيه
