!!! لابد تختار الصاحب !!!
الدنيا فيها كام صاحب
تختار مابينهم وتصاحب
صاحب يعزَّك و يودَّك
وينصحك مش بيضرَّك
معاك فى فرحك وف حزنك
وهو ده أحسن صاحب
وإللى فى وشك بيغشك
ويضحك لك
ومن ضهرك
بيسنِّ سنانه
عشان ياكلك
بيطعن فيك ويذمك
ياريت ماتبقاش ليه صاحب
وإللى يحب عمايل الخير
وحب الغير
دى ديانته
وهوايته
يصلح مابين الغير
وآدى الخير
مايجرحش ولا يعاتب
أهو ده إللى ينفع يتصاحب
أما إللى عامل ( دون جوان )
وفاكر لى نفسه قال ( أغاخان )
يلعبكك ودماغة جنان
عجوز ومتصابى لنسوان
أهوده إللى عمره مايتصاحب
صاحبك يدلك ويعينك
وينفعك فى أمور دينك
حزنك وفرحك عايشه معاك
وبصاحبك الناس عارفينك
حامل مسك ونافخ كير
إختار مابينهم ويعينك
وده يبقى ليك صاحب الصاحب
يادنيا فيكى الخير والشر
بنزرعه
تزرع خير بتحصد خير
زارع الشر بيقلعه
وفوق دماغه ويوجعه
خد الصديق قبل الطريق
والشر لازم نردعه
وإختار مابينهم واتصاحب
نور
