سؤال مهم جدااااااااااا ياريت تردوا علية واللة مهم

اولا ازيكم يا بنات ويا ولاد
ثانيا بقي السؤال بيقول اية
ندخل في الموضوع
بجد الموضوع دة مهم جدااااااااااا
هو الحب حرام ولا حلال ؟
طب هو غلط ولا صح اننا اروح احب واحد او احب واحدة لم يربط بينى وبينة او بنها اى شئ غير كلام دة صح ولا غلط ؟
بصوا انا هقول رائ وهعلل كمان والي شايف غير كدة يقولى ولية اوك متفقين
اولا : الحب حرام ولا حلال
عشان نكون كلنا عارفين ان الحب بين البنت والولد دة حرام لان الحب في غير الله حرام هو اية اصلا الي بيربط بينك وبنها بحبك او بينك وبينة بحبك كلمة ممكن تتغير في اي وقت صدقينى وصدقنى هو حرام لانة الي بيحب حد دة مش بيطلبة انة يمسك ايدة او يقولة كلام ياعنى يحرك مشاعرة يبقي حرام ولالا لما تتحرك مشاعرك او مشاعرها بدون خطوبة ولا اى ارتباط ازا كان ربنا منع مصافحة المخطوب لخطيبتة ياعنى السلام يبقي حللة للى مفيش اي شئ مبنهم دة رائ والي عندة اعتراض يتفضل ويقولة ولية
ثانيا : الحب صح ولا غلط
طبعا ياعنى واحنا مغمضين هنقول غلط وجداااااا والدليل ان البنت بتكدب علي اهلها لما تشوفة ولما تكلم حبيبها
ولما اهلها بيشوفوها بتقول اى كلام عشان تبرا نفسها وغير كدة باردوا الولاد في اولاد بتخاف تقول لاهلها انها بتكلم بنات كدة وبتخاف كمان منهم والبنت لما هو صح بتخاف لية ان حد يشوفها معاة بتحس لية انها بتسرق لما هو صح

بصوا ياجماعة انا بكلم علي الحبيب والحبيبة الي هما مفيش بنهم غير كلمة وفقط ممكن في اى وقت تتغير
وعلي فكرة مافيش حب بيستمر صعب اوى ان الولاد يجوزوا واحدة كلمتهم قبل ميكون في بينهم ارتباط رسمى اصلا هو دخل من الشباك وسرئك هيرجع بقي يرجعك مكانك ويدخل من الباب لاطبعا وسوري يبقي انتى مش فاهمة حاجة
احب اشوف ردودكم في الموضوع دة بجد هو موضوع مهم جدااااااااا

السلام عليكم

موضوع مهم جدا فعلا

بس اجابته سهلة جدا فى راى الشخصى المتواضع جدا


انا لو حبيت بنت وارتحتلها بجد حتى من غير كلمة بحبك لو حتى مجرد احساس ومش اتقال بمعنى اننا حتى عارفين اننا بنحب بعض بس مش قولنا انا هروح ارتبط بيها فورا

ليه بقى

لان هو ده الحب انا حبيت دى يبقى انا عايز دى يبقى هى دى شريكة عمرى

عن نفسى انا كده لو حبيت بنت هروح ارتبط بيها فورا

لان مفيش حب من غير ارتباط رسمى

ولو مكانش اخره ارتباط

تاخدى اختى الفاضلة انه مش حب ومتقنعيش نفسك بغير كده

انا مش هقول حرام ولا حلال

انا بس حبيتك اوضح وجهة نظرى فى نقطة معينة

واسمحيلى وسامحينى لو كانت غلط او فيها شى مش مظبوط وبعدين مفيش بنت بتحب ولد من مجرد كلام معاه او مجرد انها ارتاحتله ده مش مقنع ابدا دموع القمر وجايز ممكن الله اعلم بالقلوب

تحياتى

معالى المستشار

متشكرة جداااا يا محمد علي مرورك ورائيك

على راسى من فوق

انا حبيت اوضح رايى المتواضع طبعا جدا

ويارب اكون قدرت افيدك

معالى المستشار

بصى يا يارا هنتكلم عن الحب الى انتى تقصدية
اكيد هو حرام لكن فى حب صادق يعنى ممكن يكون
فى اتنين بيحبوا بعض بس مش هيقدروا يرتبطوا فى الوقت
الحالى اوكى واية المشكلة بس يبقى حبهم صادق وحلال
هتقوليلى ازاى هقولك مش لازم يتكلموا ولا يتقابلو
ممكن مكالمة كل اسبوع بس علشان يطمنوا على بعض
وتكون ام البنت عارفة وام الولد كمان يعنى يعتبر حبهم فى النور
هتقوليلى انتى ازاى بتحرمى وتحللى من دماغك هقولك
ان كلامى دا الى قالتة الدكتورة عبلة الكحلاوى
اما بالنسبة عيب ولا لا هقولك لا طول ما هو مبنى على اسس
سليمة زى ما قولت قبل كدة وتكون الام على معرفة بكل شئ
هو دا رأى بصراحة و اختلاف الرأى لا يفسد للود قضية
واسفة لو كنت طولت

مرسي يا اية ربنا يكرمك يارب بجد رادك اقنعنى مرسي ليكى

بصى انا هقوك رايي
الحب اللى كلام وخروجات مش حلو
لانه اهانه للبنت ولاهلها
لان الولد مش بيحترمها ولا بيحترم اهلها
وحتت بردو كلام كل اسبوع دى بردو مش مقتنعه بيها
بصى اصلا الحب هو الى بيبتدى عند باب البيت
مش سرقه من الاول
والولاد مش بيحترموا البنت اللى بتكلمهم
بصى هو راى ملغبط شويه
بس علشان انا محبتش حد وكلمته وكده
انما لو اعجاب ممكن احكيلك عنه كتير
لان الاعجاب هو الى بيحدد بقى حب ولا تسليه
معلش بقى طولت عليكى
موضوعك رائع:-*

الحب
حلال ، وما فيه أي حاجة

المصيبة والبلاء في طريقة استغلال هذا الحب
وهي الأمر المشاع والمنتشر في كل البقاع

وكثرة الحوادث ( المخزية ) جراء هذا الاستغلال الخاطئ
جعلت الكل يصرخ بحرمة الحب
وهو في الحقيقة يقصد حرمة تشويه الحب واستغلاله
وهذا من باب سد الذرائع

واختي دموع الاقمر
كلامك وشرحك جداً جميل وصحيح
ويعطيك العافية

مرسي يا سمسمة علي كلامك وردك انا كنت معاكى بس لما اية قالتلي ان الدكتورة عبلة قالت الكلام دة قولت صح بس هو لو وافق علي وضع كل اسبوع دة يبقي بيحبها يا سمسمة انما عايز خروجات وافلام دى يبقي هو مش بيحبها وبعدين لما يكون اهلها عارفين واهلة كمان دة عادى ومش فية حاجة صح ولا
ومرسي لنورك الجميل دة نورتينى

مرسي ليك ياعزيز نوتنى بوجودك وذانى شرف اخى

مرسيه علي الموضوع ده لانه فعلا في غايه الاهميه بس الحب لو زي مانتي بتقوي كده اكيد حرام لان مفيش حب صادق في الطلمه واول ماييجي كلام عن الشخص اللي انا بحبه اخاف لاهلي ياخدوا بالهم لانهم عايشين ف الطلمه ومش مبني علي اسس غير الكلام وبس انا من رايئ مفيش حب ممكن اقتنع بيه لان ده كله كلام

مرسي ياقمر علي ردك وكلامك الجميل دة تسلميلي ياقمر

هو حسب مفهوم الحب عند كل شخص
يعنى مثلا اما يبقى فى ارتياح واعجاب من غير كلام ولا حركات من دى بقى بحبك وبموت فيكى وكدا دا لا طبعا
بس الواحد بيحس بالاعجاب او الارتياح لشخص ما بدون ما يقول كلام ولا خروج طبعا دا حرااااام

تسلمى ميرو نورتني ياجميل