خييير زمااااان ( الله يخرب بيت ..... )

http://www.samysoft.net/forumim/slam/13493179tm5.gif



كل سنه وانتم طيبين وعيد سعيد عليكم:->





http://i40.tinypic.com/303k48o.jpg








زمان لو سألت حد::: أنت لحم كتافك من خير مين .؟؟؟
من غير ميفكر يرد عليك أنا لحم كتافي من خير ابويا
وأبويا لحم كتافه من خير جدي
وجدي لحم كتافه من خييير جد جدي
وتحس أن الخير كله جاي من زمان وأجدادنا سابولنا ثروات مش هتخلص أبدا
!!!!!!!!

لكن بعد م سمعت عن الأزمة بتاعت القمح قولت لازم الواحد يقرا شويه عن الموضوع ده
بدل م انا زي الأطرش ف الزفة

وبعد م قريييت خمس دقايق بس اكتشفت ان زمااان ده اساس المصايب كلها
الحكاية وما فيها أن موجة الحر ف روسيا أثرت على زراعة القمح وبالتالي سعر الطن زاااد

المشكلة مش هنا خالص.....


المشكلة ان مصر أكبر دولة مستورده للقمح ف العالم
بتستورد 60% من استهلاكها اللى تقريبا بيوصل 16 مليون طن سنويا

أما ازاي مصر وصلت للوضع ده هي دي المشكلة كلها
مصر كانت هتعمل مشروعات قومية ف التسعينيات كفيلة بانها تسد حاجتنا من القمح
بل كنا هنصدر في خلال سنين قليله

لكن أيام زمان كانت فيها الخير .. الخيييير اللى منع كل المشروعات دي ووصلنا للى احنا فيه دلوقتي

لو حد يفتكر يوسف والي وزير الزراعة :-/اللى أصر على سياسة التطبيع مع اسرائيل واستيراد القمح

ورفض الكثير من مشروعات زراعة القمح بحجة أن زراعة الفراولة أفضل و ربح الطن ضعف ربح الطن من القمح الذي يبلغ (84دولار وقتها) أحنا دلوقتي بنستورد القمح من روسيا ب(250 دولار)
والقمح من أمريكا ب(400 دولار)
وده خلى الفلاحين ف الوقت ده يزرعوا محصول أغلى في وجهة نظرهم

كمان رفض نصائح ومشروعات كثير من الخبراء من التسعينات حتى 2004 التي كانت تستهدف زراعة ما يقرب من 330 ألف فدان في الساحل الشمالبي من القمح على مياه الأمطاااار

و___زود الطينة بلة___
بعد المشروع القومي اللى بدأ في 1980 واللى كان اسمه( المشروع القومي للتنمية الإنسانية بالصحراء الغربية)

وأوقفه سنة 1997 ولم تصدر الحكومة في وقتها أي مبررات
أعتقد ضغوط خارجية

وكل م الحكومة تبدأ تزرع فدان يوقفه يوسف والي

المهم بعدين بدأت الحكومة تفكر تزرع أماكن في دول تانية.... بعيييد عن يوسف والي.......
وبالفعل تم عقد اتفاق مع أوغندا بزراعة مليون فدان قمح
وقبل بداية المشرووووع ظهر السبب الحقيقي وراء الأزمة

حيث مارست الولايات المتحدة الأمريكية ضغوط كثيرة في هذه الفترة حتى تم افشال المشروووع


المهم اني كنت واقف نص ساعة ف أم طابوووور العيش ف عز الحر والدنيا صيام

وحسبي الله ونعم الوكيييل ف خييير زماااااان










http://files03.arb-up.com/i/00241/obwuibf67u8t.jpg

هههههههههههه
لا متقتلهاش هيا ذنبها ايه؟

اولا موضوع غايه فى الاهميه بحيث اننا نعرف ان مش كل اللى فات خير ولا كل الى جاى شر بردو


من ناحيه بقى حته ان كل اللى يتكلم يقولك ايام زمان وخير زمان دى عالم كذابه لان زمان زى دلوقتى وزمان اصلا خطوه للى بيحصل دلوقتى
زمان مكنتش عيشه هنيه كان الفلاحين بياكلوا اللى بيزرعوه وبيبيعه منه يعنى بيستخدموا الزرع فى الف حاجه يعنى مش عيشه فل ولا حاجه
ده كان استعمار اقتصادى بردو بس تقدر تقول الناس مكنتش بتهتم باحوال بلدها كانت طمعانه فى الستر بس

لكن فى ايامنا دى الناس مخها فتح وعايزه تتطور وتحس بالدنيا وده واضح فى جميع المجالات فالبالتالى شايفين اللى البلد فيها من .....و....... تمام
فبيسمعوا بقى للجيل ده فكان زى ما قلتلك جيل راضى وساكت اوى فكدب الكدبه وصدقها واحنا بقى صدقنا كدبتهم



ايه الرغى ده كله
هههههههههههههههههه
معلش بقى بدل العيديه رغى
كل سنه وانت طيب
عيد مبارك عليك
ايييييييييييييييييه فين ايام زمان:-P

اخي الكريم

تفتخر وزارة الزراعة

بان مصر لديها اكتفاء

ذاتي من العنب

وبنصدره كمان

‏ ومع ذلك فان الكيلو

بعشرة جنيهات
‏
فهل تعتقد اننا سنتغلب

علي مشكلة القمح

اذا زرعناه

وشكرا

اقتباس:

---

المشاركة الأصلية كتبت بواسطة اسلامى حياتى

هههههههههههه
لا متقتلهاش هيا ذنبها ايه؟




اولا موضوع غايه فى الاهميه بحيث اننا نعرف ان مش كل اللى فات خير ولا كل الى جاى شر بردو




من ناحيه بقى حته ان كل اللى يتكلم يقولك ايام زمان وخير زمان دى عالم كذابه لان زمان زى دلوقتى وزمان اصلا خطوه للى بيحصل دلوقتى
زمان مكنتش عيشه هنيه كان الفلاحين بياكلوا اللى بيزرعوه وبيبيعه منه يعنى بيستخدموا الزرع فى الف حاجه يعنى مش عيشه فل ولا حاجه
ده كان استعمار اقتصادى بردو بس تقدر تقول الناس مكنتش بتهتم باحوال بلدها كانت طمعانه فى الستر بس

لكن فى ايامنا دى الناس مخها فتح وعايزه تتطور وتحس بالدنيا وده واضح فى جميع المجالات فالبالتالى شايفين اللى البلد فيها من .....و....... تمام
فبيسمعوا بقى للجيل ده فكان زى ما قلتلك جيل راضى وساكت اوى فكدب الكدبه وصدقها واحنا بقى صدقنا كدبتهم





ايه الرغى ده كله
هههههههههههههههههه
معلش بقى بدل العيديه رغى
كل سنه وانت طيب
عيد مبارك عليك
ايييييييييييييييييه فين ايام زمان:-P

---

(:|انا كنت هقتلها واستريح (:|


وهو مينفعش يحسسني انه زمان كان عايش ف الجنه ونعيمها ع طول اكيد في كده وفي كده (:|


الناس دي برضه عملت حجات بايديها وحجات لسه احنا عايشين بيها لحد دلوقتي زي مشروع كمشروع السد العالي ده حلم كانت الناس عايشه عشانه والمصريين بنوه بايديهم انما دلوقتي رئيس وتحته اتباعه بيفكرو ف نفسهم وبس والناس مبقاش عندها غير حلم واحد كل يوم بتصحي وتنام بيه تصحي الصبح متلاقيهمش (:|


كل سنه وانتي طيبه والف شكر لمررورك(:|

اقتباس:

---

المشاركة الأصلية كتبت بواسطة ad25ad

اخي الكريم

تفتخر وزارة الزراعة

بان مصر لديها اكتفاء

ذاتي من العنب

وبنصدره كمان

‏ ومع ذلك فان الكيلو

بعشرة جنيهات
‏
فهل تعتقد اننا سنتغلب

علي مشكلة القمح

اذا زرعناه

وشكرا

---

وكل م الحكومة تبدأ تزرع فدان يوقفه يوسف والي

المهم بعدين بدأت الحكومة تفكر تزرع أماكن في دول تانية.... بعيييد عن يوسف والي.......
وبالفعل تم عقد اتفاق مع أوغندا بزراعة مليون فدان قمح
وقبل بداية المشرووووع ظهر السبب الحقيقي وراء الأزمة

حيث مارست الولايات المتحدة الأمريكية ضغوط كثيرة في هذه الفترة حتى تم افشال المشروووع

كل سنه وانت طيب :->

متقتلها انا مالى كانت من بقيت اهلى :D

المهم

فعلا موضوع جدا مهم

مفيش زمن مرت بيهم مصر او عصر من العصور الا وفيه الحلو والوحش وطبعا الوحش اكتر من الحلو زى ما اتعودنا
ببساطه مصر فيها خير كتير
نهر النيل العظيم
تربه خصبه صالحه للزراعه
مناخ مستقر وصالح بردو للزراعه
فلاحين ومزارعين

لكن مع الاسف الشديد ناقصهاحاجه اهم من كل دا
عقل يفكر صح
وبما ان العقول الناضجه عندنا محدوده او بمعنى ادق موجوده لكن اتحكم عليها بالاعدام فـَ مينفعش ننتظر نتيجه غير ال وصلنا ليها دلوقتى
شئ طبيعى جدا تكون مصر ركيزة الاهتمام والتخطيط عندالغرب لانها ببساطه جوهره فى ايد ناس مش يستاهلوها ومش مقدرينها فلازم يستغلوها
ولان مصر اصبح صوتها غير مسموع واصبحت على راس الدول الناميه لازم يتم استغلالها بالشكل السلبى دا
اعتقد لو فى مسئول واحد بس فى مصر يعنى مش طمعانين غير ف واحد هيغير الوضع عن كدا للافضل لكن سبق وقولنا اننا شعب محكوم عليه بالاعدام والاستسلام والياس........

مشكله القمح واننا اكبر دوله تستورده ابسط دليل على اننا شعب متخلف او بمعنى اصح مسلوبين الاراده بفضل حكومتنا المبجله
رغم ان مفروض يحصل العكس وتكون مصر اكبر دوله تصدره مش تستورده
لكن ما بنقول غير
حسبنا الله ونعم الوكيل

مشاكل مصر ومشاكل شعبها مش هتنتهى غير بانتهاء الحكومه الفاشله ال عندنا
وربنا يتولانا

سكريم
تسلم ايدك موضوع جميل جدا
ارق التحايا اليك

كل سنه وانتم طيبين

اقتباس:

---

المشاركة الأصلية كتبت بواسطة صمت العيون

شئ طبيعى جدا تكون مصر ركيزة الاهتمام والتخطيط عندالغرب لانها ببساطه جوهره فى ايد ناس مش يستاهلوها ومش مقدرينها فلازم يستغلوها
ولان مصر اصبح صوتها غير مسموع واصبحت على راس الدول الناميه لازم يتم استغلالها بالشكل السلبى دا

---

=D>=D>=D>=D>=D>=D>


انتي كده جبتي المفيد وخلصتي كل حاجه

تحليل اكتر من ممتاز


الف شكر لمرورك وكل سنه وانتي طيبه

موضوع مهم فعلا ياكريم
بس تفتكر زمان وانت صغير كنت بتقف في طوابير زي دلوقتي
زمان انا عمري ما وقفت في طابور وكان الرغيف فعلا لا يحسد عليها
كان ابيض وزي الفل
وزي ما بيقولوا ( يتاكل حاف )
دلوقتي تلاقي الطابور من كوبري الجامعه لكوبري عباس
وفي الاخر تروح البيت من غير رغيف

وزي ما قالت الاخت صمت العيون

اقتباس:

---

مشاكل مصر ومشاكل شعبها مش هتنتهى غير بانتهاء الحكومه الفاشله ال عندنا
وربنا يتولانا

---

فعلا مصر في كل عصر يظهر عليها مظاهر الحضاره والتقدم
في بدايه العصر
ولكن ياتي في اخر العصر يسود الفساد والظلم والطغي من حكام هذا العصر

ومشروع توشكي كان مخطط لها ان يزرع القمح فقط
للاكتفاء الذاتي للشعب من القمح
ولكن للاسف الحكومه والرئيس باعوا للامراء العرب
واصبحوا يزرعوا فيه الفواكهه والخضار ويصدروا الي الخارج

لك الله يا شعب مصر

بارك الله فيك وحفظك ورعاك كريم
كل عام وانت بخير ياحاج
والعيد القادم
متشوفش مبارك
وتشوف جمال
;)
:D:D

دمت بخير وصحه وسعاده وراحه بال

دى سياسة القوى تجاه الضعيف

لازم تفضل ضعيف و محتاج للقوى عشان القوى يفضل قوى و يسيطر على كل قراراتك

طول ما احنا بناكل من إيد غيرنا عمر قرارنا و مصيرنا ما هيكون فى ايدينا

و ده المطلوووووووب

و المسئولين بينفذوه عشان يفضلوا على الكرااااااااسى

مزاااااااااااااء الغييييييييييييير

:-*

اقتباس:

---

المشاركة الأصلية كتبت بواسطة هشام اللول1

موضوع مهم فعلا ياكريم
بس تفتكر زمان وانت صغير كنت بتقف في طوابير زي دلوقتي
زمان انا عمري ما وقفت في طابور وكان الرغيف فعلا لا يحسد عليها
كان ابيض وزي الفل
وزي ما بيقولوا ( يتاكل حاف )
دلوقتي تلاقي الطابور من كوبري الجامعه لكوبري عباس
وفي الاخر تروح البيت من غير رغيف

وزي ما قالت الاخت صمت العيون



فعلا مصر في كل عصر يظهر عليها مظاهر الحضاره والتقدم
في بدايه العصر
ولكن ياتي في اخر العصر يسود الفساد والظلم والطغي من حكام هذا العصر

ومشروع توشكي كان مخطط لها ان يزرع القمح فقط
للاكتفاء الذاتي للشعب من القمح
ولكن للاسف الحكومه والرئيس باعوا للامراء العرب
واصبحوا يزرعوا فيه الفواكهه والخضار ويصدروا الي الخارج

لك الله يا شعب مصر

بارك الله فيك وحفظك ورعاك كريم
كل عام وانت بخير ياحاج
والعيد القادم
متشوفش مبارك
وتشوف جمال
;)
:D:D

دمت بخير وصحه وسعاده وراحه بال

---

ولا عايز اشوف ده ولا ده كفايه اني شفتك :-P


ومتفكرنيش بمشروع توشكي ده بلاش حرقه دم :(



الف شكر لمرورك ياحاج نورت ;)

اقتباس:

---

المشاركة الأصلية كتبت بواسطة عفريت أفندى

دى سياسة القوى تجاه الضعيف

لازم تفضل ضعيف و محتاج للقوى عشان القوى يفضل قوى و يسيطر على كل قراراتك

طول ما احنا بناكل من إيد غيرنا عمر قرارنا و مصيرنا ما هيكون فى ايدينا

و ده المطلوووووووب

و المسئولين بينفذوه عشان يفضلوا على الكرااااااااسى

مزاااااااااااااء الغييييييييييييير

:-*

---

المشكله ان الشعب بقي عنده تطبع عالوضع بشكل غريب يعني الظروف منيله بنيله وهو مبيحاولش يصلح لا هو بيحاول يعيش ع كده وخلاص محلك سر


الف شكر لمرورك ياحاج نورت