ابو تريكة (حودة مشاريع) صور ضاحكة ههههههههههههههههههههههههه ههههه!!!!!!!!!!!!!!!!!!
بص بقى ياحودة متزعلش بقى
ملقتش غيرك ينفع للموضوع ده
هههههههههههههههههههههه
اصل سيادتك مش عاجبك حاجة خالص
كله قديم قديم
جبتلك الجديد بقى
وعشان خاطر مونة حبيبتى
ان انا اشوف لك حل
فانا بحقق لها امنيتها
عشان هى غلبانة
وخايفة ليجرى لها حاجة بسببك
:D:D:D:D:D:D:D
واخلص منك شوية
هههههههههههههههه
حودة ( ابو تريكة) مشاريع
حودة وهو يهرش رأسه ويشد نفس طويل من الشيشه ويكلم حسام بجدية مفرطة
- عارف يا أستاذ يا حسام عندى ليك حتة مشروع أوعى .. حيخلينا ناكل بسبوسه
بس أنت أسمعنى وطرطأ لى ودانك
حسام وهو يتثائب : قول ياحودة أنا بقالى ساعتين بسمع أهه ولا مشروع من أللى أنت قولتهم لبس فى دماغى لحد دلوقتى أطلب لى سحلب بالبندق
- وعندك واحد سحلب وصلحه ..ماهو أنت يا باشا أللى مطخن دماغك ومرعوب وخايف على القرشين أللى معاك .. ودى فلوس يا جدع
- لا مش فلوس دى ورق تواليت .. ياعم قول لى كلام يدخل المخ .. أيه مشروع تربية الثعالب فى بوكسات بالذمه ده مشروع
- معترض على أيه على الثعالب ولا البوكسات
- ياعم بلا ثعالب بلا بوكسات أنت شايف الناس مش لاقية تلبس النايلون الصناعى لما أحنا نتاجر فى فرو الثعالب وحياة أبوك قول كلام غير ده
- ياعم البرنس ده مشروع يكسب ذهب وليه زبونه من الناس الهاى لايف
- طب ماعملتوش أنت ليه يافالح بدل رميتك على القهوة من صباحية ربنا وصدعتنى بمشاريعك
- كان على عينى يا حسام يا خويا.. لولا الحوجة مره وماعنديش الخميره أللى أبتدى بيها
- يعنى لو كنت وافقتك على أى مشروع من دول مش حتشارك فيه
- أزاى بقى طبعا حشارك ياجدع.. بالخبرة والأدارة وأنت برأس المال والتسويق
- ههههه خبرة أيه يا أبو خبرة أيش عرفك بالثعالب وتربية الثعالب
- أنوى أنت وحتعرف خبرتى وأدارتى للمشروع حتكون شكلها أيه.. أيدك بس على 10 ألاف جنيه فى الأول ننزل نشترى الثعالب عمر شهر من الشرقية والبوكسات السلك .. 3 شهور والعشر بكاوى بتوعك يرجعوا وفوقيهم 10 زيهم
- سيبك من مشروع الثعالب أنا بتشائم منهم وما بحبش أدخل فى مشاريع التربية
آخر مرة دخلت فى مشروع الفراخ البداره.. جائت أنفلونزا الطيور ضيعتهم
- بلاش من التربية أيه رأيك فى مشاريع الملابس الجاهزة
- أنت بتستعبط يا جدع المبلغ أللى معايا ما يكفيش 5 ماكينات خياطة وفين المكان وغير الخامات والعماله
- تؤء توء ومين قالك أن أحنا حنصنع ملابس .. أحنا حنخطف رجلينا لبورسعيد أو القنطرة ونشترى باله ملابس قديمه ونجيبها على هنا ونفرزها ونطلع منها الحتت الكويسه ونغسلها بالبخار ونكويها ونغلفها ونعرضها للبيع فى دكان أبوك
- عموما هى فكرة مش بطاله بس أيه يضمنى أن الباله دى يطلع فيها حتت تستاهل البيع مايكنش كلها ملابس عايزه الرمى
- دى أرزاق بقى باله تصيب وباله تخيب وأللى ماتنفعش نقلبها ونبيعها لتجار الوكاله ..هيه شايفك سكت .. أتكلم قول أيه رأيك
- أطلب لى نسكافيه
- وعندك واحد نسكافيه يا عطوة للباشا .. هيه شايفك متردد
- لا يعم شوف لنا مشروع أسهل من كده .. لسه حنسافر ونحمل ونقعد نغسل ونكوى ونغلف ويا عالم يا أتباعت لشربناها .. أفتح الله
- خلاص يا عم شوف المشروع ده بقى وأدعيلى .. مشروع الخضار والفاكهه
- خضار أيه وفاكهة أيه ياسى حودة
- حنطلع على سوق العبور نشترى الخضار بالجمله وناخد لنا أوضه فوق السطوح ونجيب كام عيل على كام بت يقعدوا ينظفوا فيه نغلف جزأ وننزل بيه على سوق الحضار ونخلل جزأ ونجمد جزأ فى الديب فريزى نبيعه فى السوبر ماركت والعملية مش محتاجة شطارة ولا فهلوة وأنا برضه حشارك معاك بخبرتى
والأدارة وأنت برأس المال والتسويق
- يا حلاوة أشمعنى يعنى أنا التسويق .. أنا ماليش فى التسويق أمسك أنا الأدارة وأنت التسويق
- ماينفعش يا حسام بيه لأن أللى صاحب رأس المال هو أللى بيقوم بالتسويق بنفسه علشان يضمن يلم فلوسه من السوق
- طب أيه رأيك بقى أنت ولا حتمسك الأدارة ولا التسويق
- أومال حمسك أيه يا حسام باشا
- نادى على الواد عطوة يغير حجر الشيشه .. حجر تفاح هنا يا عطوه
يشد نفس طويل من الشيشة ويسرح قليلا: أنت تمسك الدعاية كفاية قوى عليك
- ماشى يا معلم أنا موافق أمسك الدعاية طب أيدك بقى على مبلغ تحت الحساب علشان نعمل شوية يفط على أعلانات مطبوعة من دلوقتى
- يكفيك كام يعنى
حودة يفرك أيده وهو سعيد : خمس تلاف ماشى
يصرخ حسام وهو معترض:أيه ..أيه
– طب تلات تلاف ..أيه - طب خمسمياية
- يوووه ده أنت تعبت معاك أنا قايم .. أدفع حساب المشاريب
حسام يهب واقفا ويمسك حودة وهو يستعطفة بألا يمشى: ورحمة أمى مافى جيبى ولا مليم
