قولولى اعمل ايه ؟؟؟؟؟؟؟

انا مش هاقول مشكله عند واحد صاحبى
او هاقول مشكله سمعت عنها قبل كده
لا
دى مشكلتى انا
والى حصلت من يومين
ومش عارف اعمل ايه ؟
لما تكون فى واحده فى حياتك
بتحبها اكتر من نفسك اكتر من اى حاجه فى الدنيا
وكتير اوى وقفت ادامنا فواصل ان احنا
نكلم بعض ولكن كنا بنعمل المستحيل
علشان نسمع صوت بعض
ولو لدقيقه واحده
مش هاقدر اوصفلكم اد ايه انا بحبها
وهافضل احبها لحد اخر يوم فى عمرى
بس اسمعوا ايه الى حصل .......
انا مرتبط بالانسانه دى من حوالى تلات سنين
وزى ما قولت حصلت حاجات كتيره اوى
لكن الحمد لله كنا بنتخطاها مع بعض
وبتعدى على خير
من يومين بس
لاقيتها بتكلمنى وبتعيط
وانا مش عارف فى ايه
بقولها مالك اهدى كده بس فى ايه
قالتلى انه واحد قريبها اتقدم لها فى البيت
والبيت كله موافق عليه
طبعا انا كان اول حاجه جات فى بالى
كلامها ليا قبل كده
لان اكيد طبعا احنا اتكلمنا مع بعض فى حاجه زى كده
قولتلها لو اتقدملك واحد والبيت موافق عليه
هاتعملى ايه انتى وقتها
قالتلى ما تخافش انا مافيش اى حد ممكن يجبرنى على الى حاجه
وانا هاقفلوهم واقولهم لا والف لا
طيب فين ده دلوقتى
كان رد فعلها غريب اوى
زى ما يكون بتقولى خلاص الى ما بينا انتهى
زى ما بتقولى خبر
بتعرفنى حاجه حصلت مش اكتر
بقولها وانتى هاتعملى ايه بتقولى مش عارفه
ازاى مش عارفه
والى انتى كنتى بتقوليه زمان
راح فين الكلام ده دلوقتى
والمشكله الاكبر من كده بقى
انها مش عايزه ترد على تيلفوناتى
ولما ردت عليا قالتلى انه ما فيش نصيب
وده قدرنا
ومكتوب علينا كده
فراق
لكن عايزاك تعرف انى عشت اجمل ايام حياتى معاك
وانى عمرى ما حبيت ولا هاحب حد غيرك
وانا مش عارف اعمل ايه ............؟
انا هاتجنن
هاموت
حاسس انى خلاص
ماينفعش اعيش فى الدنيا تانى
مش عارف اذاكر ولا افتح كتاب
مش عارف بجد
ازاى هاعيش من غيرها
ازاى هاتكون لحد غيرى انا
ارجوكم
لو فى حل قولوا عليه
اسف على الاطاله عليكم
the lost

بص يا لوست انا من رائي مفيش دلوقتي بنت بتتجوز غير الي هيا عايزاه وهيا لو عايزاك صدقني هتقول لاء والف لاء زمان كان موضوع قريبي وموافقين ممكن هيا بكل بساطه تقول انها مش عايزاه حتي من غير ما تقول ان في حد غيره
انا مش عايزه اظلمها بس ببساطه دا رائي

مشكلة مؤسفه وللاسف بتكرر ومعظم الاحيان تيجى من البنات
يعنى طبعا يا محمد انا مقدرة شعورك هلأ خاصه وانها ممكن تكون اول حالة حب بحياتك لانه لو من 3 سنين يعنى كنت 16 سنة
عمر الاخلاص والوفاء والتعلق بصدق والحب الحقيقي

انا واثقه انك مش بنفسك تسمع حد يقولك انساها
لكن هو هاد الحل الوحيد
واكيد اكيد مش سهل واكيد محتاج منك وقت يمكن شهر او 2 او 3
ولكن لازم تعتز بنفسك وترفض على نفسك انك تحاول تكلمها او تنتظر منها التفاته وخلي بالك هي ممكن ترجعلك بعد فترة وتكون
قضية زواجها فشلت وما تم الامر وتقلك تركته عشانك
اللي بيتخلى وبيترك مرة
سهل يتخلى ويترك الف مرة
ومفيش شيء اسمه حبيتك اكتر واحد ومش بحب غيرك
لالالالالالالالا
هاد كلام فاضي هي بتقوله حتى تكسب ودك بعد الفراق بس
ومن انانية بعض البنات انهم بحبوا يتخلوا ويتركوا الحبيب وبرضه ما بحبوا هو يبطل يحبهم
بمعنى اخر
بدها تتزوج وتحب غيرك
وانت تفضل مأسور بكلامها الفارغ
انا بعرف شيء واحد
بتحبك يبقى مفيش غيرك مهما كان
وزى ما قالت شيطونة مفيش حد بيتزوج بالاجبار
انما ممكن هى مش حابه تخلي الفرصه تضيع منها
صدقنى لو صادقه
ما بتقبل حتى رئيس وزراء مقابل الشب يلي هي بتحبه
ولى عودة ان جد جديد
والله يعينك ان شاء الله وتتغلب وتنسى زى مهى نسيت من اول تجربه حقيقيه لحبكم سوا

انتى عارفه يا طيف
انا اترددت الف مره انى اكتب
المشكله بتاعتى دى على المنتدى
لكن اعزرونى انا مش قادر اكتم جوايا
وخصوصا انه الموضوع ده مش بتكلم فيه مع حد
لكن انا قولت هنا فى وسط اخواتى ممكن الاقى حل
.............
المشكله بقى انه الى بينى وبينها مش مجرد
كلمه بحبك
انا متاكد انها بتحبنى
وانا كمان ياريت بس بحبها
انا فعلا من غيرها ممكن يجرالى حاجه
انتى عارفه ياطيف يعنى ايه
تبعد عنى
يعنى تاخد حياتى معاها
وقلبى وكل تفكيرى
مش هايبقالى الا هيكل بنى ادم
لكن كل حاجه موجوده فيه من عقل واحساس وحب
كل كل حاجه هاتخدها معاها
انا مش فاهم
ايه الى حصل
وانا اسف انى دايقتكم معايا

انت ما ضايقتنا على العكس والله
نحنا مضايقين عشانك
بس فعلا نفسنا نساعدك ونعطيك حلول

للاسف محمد مهما قلت الكلام ما رح يفيد
النسيان هو الحل
كمان فرضا انها فعلا بتحبك
ليه تقبل ترتبط بغيرك؟؟
ليه ما تمسكت فيك
ليه ببساطة ما عادت ترد على تلفوناتك
ليه وليه
كمان افرض انها كانت بتحبك
خلاص مجرد ارتبطت رسميا بغيرك كل شيء رح يتبدل
نحنا هون بنحكى واقع يا محمد
مش كلام قصص وشعر

انت هل بتقبل عليها تحبك وترتبط بغيرك
مجرد ارتباطها بغيرك يعنى كل مشاعرها تحولت لغيرك
لازم تقبل الامر الواقع محمد
ومستحيل انها تفضل تحبك وهي متزوجة غيرك
وحتى هاد شيء مرفوض
معلش بكرة الله يعوضك خير
ان شاء الله
اسفه برضه لو كنت شديدة شوي
لكن صعب اقبل تنتهي قصة حب 3 سنين
ببساطة عشان عريس تقدم

حاول تنساهل وربنا يوفقك

انا برده من رأئ طيوف هو اكيد صعب بس هتلاقي الي تديك حب اكتر من الي انت اديته للبنت دي وربنا هيعوضك خير بس البنت دي احسنلك تنساها الي يبيع مره يبيع الف مره

انا رايي انك تتقدملها وهي تحاول تقنعهم بيك
وبعدين ياجماعه ساعات بتبقي في ظروف اقوي من الانسان نفسه
وهي اكيد مش بترد عليه عشان بتحاول تبعد هي مش قاصده تجرحه
وانا بجد عارفه ان الموضوع صعب عليهم جدا وربنا معاك يامحمد ويعينك يارب

بص يا سيدى
اولا ما فيش واحده فى الدنيا بتتجوز غصب عنها ع الاقل تتقدم لها فى البيت وتحاول انها تقنع اهلها دى لو بتحبك
ثانيا المفروض انك ما تندمشى عليها دى فى اول أزمه باول عريس قالتلك كل شئ نصيب ما فكرتشى حتى انها تقولك تعالنا البيت
ثالثا انت بتقول عديتوا خطوات وصعوبات ؟؟؟؟؟؟؟؟؟؟ فى وجهه نظرى دى كانت لا صعوبات ولا خطوات كانت ايام جميله حتتنسى مع الوقت ( سهله يعنى مش صعبه)
ممكن اكون كلامى معاك جامد ووجعك لكن حيفوقك فووووووق من صدمتك منها البنات دلوقتى بتفكر فى العريس الجاهز ..........................؟؟
والنوع دة كتير فى الزمن دة معظم البنات مش بتقدر الحب والوفاء والاخلاص والتنازل عن الشقه الفاخرة والعفش اللى من منين والشبكه ............؟
ربنا يعينك بالصبر يارب

يا جماعه ازاى اتقدملها فى البيت
انا لسه عندى دراسه
هاقولهم ايه فى البيت
اقولهم لو سمحتم احجزوهالى
ما ينفعش طبعا
كلمتنى تانى
وقالتلى ياريت
ما تفسرش الى انا بعمله ده غلط
انا عملت كده علشان الموضوع خرج من ايدى
غصب عنى
الى متقدملى ده محبوب من البيت كله
وبابا موافق عليه اوى
وانا كلمت ماما قولتلها لا
قالتلى انا عارفه انتى بتقولى لا ليه
علشان الى انتى كنتى بتكلميه
ده
انا بقى هاقول لابوكى علشان يتصرف معاكى
قالتلى لما لاقيت كده
وعرفت انه ما فيش امل
اضطريت انى اعمل معاك كده
مش عايزاك تتعلق بيا اكتر من كده
ولا انا كمان اتعلق بيك اكتر من كده
وانا عارفه ان احنا مش هانبقى لبعض
بس
هوه ده كل الى حصل
انتوا عارفين يا جماعه انا قولت الموضوع ده على المنتدى
مع ان 80% من الى على المنتدى عارفنى
لكن اعمل ايه معلش استحملونى لانى مش لاقى
حد اتكلم معاه فى الموضوع ده
ويمكن كمان لما تتكلم عن موضوع زى كده
على النت او بمعنى اصح عن طريق الكتابه هاتقول
كل الى فى قلبك بعكس
ما تحكى مع حد

طبعا يا لوست انت زي اخونا قولهم في البيت حتي تلبسها دبلتك مش لازم شبكه يعني وبالنسبه ليها خليها تقول في البيت انها مش بتحبه ا مش عايزاه مش دا الي يناسبها

معلش انساه هتحاول انا حصلى معاى كده بس انت كان من 3 سنين انا كان من 5 سنين ومع ذلك خطب غيرى مع انه كان بيتمنى انه يبص فى عينى بس مش اكلمه بس الحمد لله انا عمرى ما خرجت معه هى كان تليفونات بس ولا كنت بديله فرص يتكلم كلام حب لانى كانت حاسه اللى هيحص ومع ذلك الحمد لله نسيته

السلام عليكم
اخى لوست ما راح بئلك الحق عليك او عليها او عليكم انتو سوا
راح بئلك انو كلشي نصيب ومكتوب ومقدر عليك ولو لالك نصيب فيها راح بتاخدها ولو مالك نصيب فيها ما راح تاخدها

بئلك قصة وحدة بعرفها قريبتي درست هى وشب بكلية وهو حبها كتير فتقدملها ولاكن اهلها ما قبلوه
فهو اتزوج وحدة تانيه وهى الله ما قدرلها تتزوج
والنصيب ابوها توفى بعد عشر سنين وهى صار عمرها 32 سنة ولسا ما اجاها نصيب
الشب يلي كان بحبها زوجته توفت وكان عندو ولد وبنت
سال صاحبتها هى فلانة اتزوجت ولا لسه قالتلو لسه
قام تقدملها ووافقت عليه وهلا عايشين سوا وجابت ولدين بردو زى القمر وهلا عمرها 38 سنة واقسم بالله هلقصه صح
والست قريبتنا يلي صارت معها القصه
يعنى كل يلي بيسمع قصتهم بقولو كانه خيال
النصيب لازم تئمن بنصيبك وبارادة الله والله كاتبلك الاحسن ويا رب الله يعطيك احسن منها ويبعتلك وحدة تحبك ومتشوف غيرك
وتكون نصيبك

انا عارف اني اتاخرت اوي يا لوست في ردي بس اسمع بقي نصيحتي ويا رب اكون قدرت افيدك

اسمع بقي انا مش هقولك نتسي انا في نفس المشكله

بس اسمعي نصيحتي
اوعي في يوم من الايام تفكري تروحي تقوليله لان الولد بيعتبرها وحشه في حق البنت وبتختلف من شخص للتاني بس الاغلب كده

النصيحه التانيه بقي ومعلش هطول فيها بس ان شاء الله اقدر افيدك

ربنا خلق البشريه كلها جنسين رجل وامراه
الراجل ليه وظيفه والمراه ليها وظيفه الراجل ميعرفش يعمل دور المراه
والعكس بردوا ان المراه متعرفش تعمل دور الراجل
وخلق البني ادم بردوا بحكمه سواء راجل او ست
خلقلك عقل وقلب
وظيفه العقل
انك بتستخدمه في الحياه العمليه ودراستك وشغلك وحاجات كتير انتي عارفها اكيد بس اشياء عمليه
وظيفه القلب
هو ده فتاح الحياه الاجتماعيه انك بتستخدمه في التعامل مع الناس بتحب دي وبتكره دي وبتحب فلان بس مش اوي وبتحب علان اوي
وخلي بالك كلها فيها معاني نفسيه واغلبها الحب والموده
دي وظيفه القلب التعامل مع الناس
عمرك ما هتنسي حبك لو اهتميتي بشغلك ودراستك لان دي حاجه ودي حاجه
الشغل بالعقل والحب بالقلب
انت بقي دلوقتي عملت غلطه كبيره اووي
انت وقفت تفكير عقلك عند قلبك بمعني اصح انت عقلك مش شغال دلوقتي غير في انه بيفكرك بالبنت اللي بتحبها
ليه متخليش عقلك يفكر في حاجات تانيه كتير زي الدراسه وتفكرفي التفوق
اما قلبك ليه حل بردوا
العيل الصغير مش بيمشي بعقله بيمشي بالفطره وده نابع من القلب
انه لما بيحب لعبه بيحبها اوي ولو حد خدها منه بيفضل زعلان عليها بس
لو جاله لعبه تانيه هينسي اللي فات
متخدش كلامي ده انك تلعب بالحب لانه غلط بس ليه متحاولش تحب اصحابك اخواتك حب الناس الكويسه حاول تشغل قلبك بيهم
هتتعب في الاول بس بعدين هترتاح لان وجع ساعه ولا كل ساعه
وكل اللي عليك انك هتدع ربنا وكل شئ في الاول وفي الاخر نصيب
بس حاول فعلا انك تسيبيها لظروفها لو انت من نصيبها ان شاء الله هتكون من نصيبك وحاول تفكر في كلامي لانك دلوقتي عباره عن نص دايره وهي النص التاني
لما بيتجمع الدايره كلها بتلف فيها وبتمشي الامور
اما انت دلوقتي بتلف في نص دايره مفتوح ومش هتوصل لحاجه غير وجع القلب
يلا كفايه انا عارف اني طولت عليك بس ده رايي في مشكلتك يا رب اكون قدرت افيدك

بس يامان حل واحد بس الى قدامك عشان تعيش صدقنى كل ما تفتكرها افتكرها بالايام الحلوه فق مش باى شى تانى عشان تعيش وربنا معاك تسلم على موضوعك

بجد انا مش عارفة اقولك ايه بس طبعا كل شئ قسمة ونصيب بس لو الموضوع دة بقاله كتير يبقى الاحسن انك تنسى لكن لو من قريب حاول انك تتكلم معاها ولو لاخر مرة وبأى طريقة بس هرجع واقولك احساسك دة مجرد وقت والزمن قادر ينسيك ويعوض عليك بس برده هى لو كانت بتحبك كانت اتمسكت بيك والله اعلم بظروفها لانى مش عاوزة اظلمها وعلى ما اعتقد ان الموقف دة يعتبر من الصعوبات اللى اتعدتوها مع بعض بس الفرق ان المرة دى انت لوحدك مش معاها يعنى لازم تعدى لوحدك وصدقنى لو قدرت هتبقى اقوى من الاول حاول يا محمد تعدى الموقف لوحدك يا اما تنساها او انها تحاول تقف قدام العالم كله عشانك بس دة يمكن يكون صعب وعشان كدة مفيش قدامك غير انك تنساها وصدقنى لو حصل هتحمد ربنا انهم 3 سنين فى غيرك بيحب بالعشر سنين وفى الاخر بيرجع لنقطة الصفر ربنا معاك ويوفقك يا رب

ميرسى يا نغم على اهتمامك
واحب اشكر كل الى حاول انه يساعدنى برايه
للاسف هيا دى الحياه
والى انا عرفته انه نادر لما تلاقى حد يحب بجد
او حتى يعرف معناه

بــــــــــــ ـص يــــــــــ ـا مـــــــــــ ـان
انــــــــ ـا حـــــــــ ـاســـــــ ـس بــــــ ـيــــــــ ـك اوى
وعــــــــــ ـارف انــــــــــ ـك بتتـــــــ ـعذب اوى
حـــــــ ـاول تنــــــــ ـساهــــــــ ـا
انا عارف انو صعب علشان جرح الحبيب الاولاني ده استحاله انو يتنسي بالسرعه دي
الحــــــــ ـياه لــــــ ـســـ ـه اقـــــــ ـدامك عـــــــــ ـيشها
وبــ ـعدين دي مــ ـش اول بــ ـنت ولا اخــ ـر بــ ـنت انــ ـت هــــ ـتعرفها
علـــــ ـى فكـــ ـره انـــ ـت هــــ ـتحــ ـب بـــ ـنــ ـت تــ ـانيــ ـه
:xبـــ ـس صعــ ـب انكـ تــ ـلاقي بــ ـنت مخــ ـلصه لـ ـحــ ـبك ومشــ ـاعــ ـركـ:x
نـــــــــــ ـصــــــ ـيحه
حـــــ ـاول تنـــــ ـسي
المشكله بجد لو انت بتشفها كتييير
هي دي المشكله

يااستاذى عادي جدا انت اكيد هتقابل تاني والحب اشكاله كتيره وحكياته كبيرهوكل مره هتحب فيها هيحصل نفس الموضوع لا انى ده مش نصيبك والمهم انك وقت ماتحب ويكون نصيبك وقدرك مع البنت دي هيكون في نفس الوقت ربنا يسرلك انك تقدر تقول لها لا انا مش هسيبك تروحي من اديه او لغيري لاني على فكره البنت الى انت بتكلم عنها عايزه ده منك بي ممكن ظروفك مش هتسمح دلوقتي ربنا يوفقك ان شاء الله

من السهل ان يبيع الشخص شيئا اشتراة
ولكن من الصعب ان يبيع قلب احبة وهواة
انا متأكدة من انكم الاتنين كنتم مرطبطين بقصة جميلى
والقصة كانت لانهاية لها ..كانت ستسير الى نهاية العمر
ولكن تأكد ان لوكان لها قلب محب ويهواك ما كانت باعت حبك وبأرخص الاتمان وعلى اول دق باب لها وافقت على البيع على بيع حبك واخلاصك نظير الماديات... لا الام ولا الاب يستطيعو فرض سيطرتهم على قلب فتاة
بأن تتزوج بالكرباج
هذا فعلت فتاتك قالت لك (( غصب عنى ماما قلتلى حقول لباباكى))
(( انا حفضل احبك ومش ممكن انساك)) لو بتحبينى .. انا ملك ايديك
لماذا اذا الفراق؟؟
تأكد يامحمد ان فتاتك لو كانت تحبك مثل حبك ما كانت تفرط فيك
وكل اللى عاوزة اقولة لك
انت لسة امامك العمر وصدقنى انا جرحت من قبلك برغم اخلاصى
ولكن ياعزيزيزى تزكر ولا تحزن.. تزكر الايام الجميلة التى عشتها معها
ولكن لا تحزن فليس كل ما نتمناة نجدة.. وضع كل حبك حاليا فى دراستك لكى تثبت لنفسك قبل ان تثبت لها بأنك قادر ان تصعد للأمام ولا تنهاراسألنى عن الانهيار والدمار...لالالالالا والف لا ... ارجوك يامحمد لا تلتفت وراءك فالجواب من عنوانة واضح
انها باعت الحب ... والحنان.. والاخلاص...والهوى=بعريس جاهز
فهل مازلت وتأمل بأن تعود لك.. انها قالتها صريحة لك( خلاص لازم نبعد عن بعض)ركز كل حزنك وكل همك وكل جراح تنزف من اعماق قلب ركزها فى مستقبلك وأياك والآنهزام... أياك وألانهزام

ولا انا كمان اتعلق بيك اكتر من كده
وانا عارفه ان احنا مش هانبقى لبعض

اللى بيحب ميقولش كدة اللى بيحب بيتعلق بأشاية علشان حبة يدوم
بنات كتير واولاد كتير بأسم الحب بيلعبو بلقلب
انت متأكد انها كانت بتحبك لكن دلوقت
هى فضلت راحتها عن حبها يبقى مكنش حب
كانت تسلية بنات فى الوقت الضايع
صدقنى انا والله دموعى غلبانى علشانك لانك فكرتى بأكبر جرح فى عمرى
ركز علشان خاطر ربنا فى مزاكرتك هى اللى حترفعك وتنسيك وربنا معاك وانا تحت امرك اعتبرنى ام خايفة على ابنها من الضياع

كنت متابعة معاك مشكلتك وبعد تفكير حقولك الصواب وده مش كلام
واحدة او واحد صغير ملوش تجربة
ده كلام ممكن يكون من واحد شاف الدنيا وعاش مرارتها
المهم هما حاجتين مفيش غيرهم
الاول لو في يوم ضاع حبك او مقدرتش تحارب عشانه تاكد انو
ولا كان ولا حيكون في يوم حب حقيقي
وبعدين انت بتقول بقالكم ثلاث سنين مع بعض واتجاوزتوا اكبر المشاكل
في نظرك ايه هي اكبرها وهي مش عارفة تدافع عن حبها قدام اهلها
يا ابني اسمع مني الي يسيبك سيبو وكلو كلام فارغ منها
لو بتحبك بجد حتى لو حطوا السيف فوق رقبتها ولا حتوافق
الي بيحب بيعمل المستحيل عشان حبو يكبر وهي يا عيني مع اول عريس
تقولك خلص دورك خلص اسمحلي لكن هي ده الحقيقة
انساها وان شاء الله حتقدر مش بمساعدة حد بايدك وبمذاكرتك
ومستقبلك الي حيكون سلاح في ايدك ولا تتحكم فيه اي بنت
عشان لو صادفت وحبيت مرة ثانية متقولش اني لسة بدرس
وصعب اتقدم
وكمان يا ابني انت لسة صغير والمستقبل قدامك والف بنت تتمناك
ومتخليش عواطفك تتغلب عليك لانها في الاول وفي الاخر
وهم وكان حينتهي
انساها مدام وافقت على غيرك ولا عملت شيء لحبكم
ولا تستاهلك ولا تستاهل حزنك والمك عليها
وبكرة ربنا حيعوضك احسن منها

السلام عليكم : يا محمد

بص انا عرفتك كويس جدا انت انسان كتير محبوب وكتير بتتحب بس انا عاوز اقولك علي حاجه حصلت معايا انا شخصيا .

هي لو بتحبك بجد زانا عارف انك متاكد من انها بتحبك بس في الوقت الحالي وتحت ضغط الظروف والوضع الحالي الكلام مش سهل هتعمل المستحيل ومفيش حد بيتجوز عصب عنه زاكيد هيا لو بتحبك هتعمل كل شيء مستحيل ..

وانا عاوزك تعكس الموضوع لو انت مكانها اكيد كت هتلاقي حل ..

وابسط الحلول اللي ممكن تكون في ايديها انها لو قريبها ده متقدملها والبيت كله عندها موافق عليه انها ممكن بطربقه تعاملها معاه ممكن تحسسه انها مش عاوزه وان في دمغها واحد تاني ..

وممكن هي برضوا بطريقه كلمها مع اهلها في البيت عندها تحسسهم انها مش عاوزاه ومش لازم تعرفهم خالص انها بتحب واحد تاني خالص خاصه انها لسه صغنونه ..

ارجو اني لا اكون طولت عليك وانك تلاقي في كلامي ما يفيدك ...

سلامي ليك ..

بسم الله الرحمن الرحيم
المشكله دى بتتكرر كل يوم
لكن بردو انت معلكش اى غلط او ذنب عشان تتجنن لا بالعكس انت المفروض تكون فرحان انك عرفتها على حقيقيتها قبل ما ترتبط بيها ارتباط رسمى بمعنى اصح قبل ما تخطبها
وانت الفمروض تكسر الصدمه دى بأنك تدخل فى قصة حب جديده بس المره دى تحاول انك تختار كويس ومتاخدش بالكلام بس وحاول تختبر كل حاجه فى اللى هتختارها
واقولك على حاجه احسن
قبل ما ترتبط بواحده صلى الاستخاره من ناحيتها لو لقيت الخير معاك توكل على الله ملقيتش معاها هيبقى خير حاول تصرف نظر عن الموضوع بغض النظر عنها
واتمنالك السعادة والتوفيق فى حياتك

طبعا يعنى الله يكون فى عونك لان الحب الاول ده بيسبب مشكله نفسيه لصاحبه وقت طويل بس أنا عايزه أقولك ان دى مش نهاية العالم بالعكس انت هتتجرح شويه علشان تتعلم وتعرف ازاى تتصرف فى المستقبل ولازم البنى ادم يقع عشان يرجع يقف تانى على رجليه ولازم تركز فى مستقبلك أكتر ودايما حط هدف قدامك لازم توصله لأنك بدون شهاده او وظيفه محترمه مش حتكون حققت أى حاجه وطبعا احنا كلنا بنتمنالك التوفيق والنسيان السريع للتجربه دى عشان تعرف تكمل حياتك ...... وعلى فكره انا من رأى شمس وموافقه على كلامها لأنك لسه مواجهتش أى مشاكل فى حياتك واللى انت فاكرها مشكله كبيره جدا مع الزمن ومع الوقت هتحس انها أصغر مشكله قابلتك فى أول حياتك

كلنا عرفين الى المضوع ده مشكله كبيره وتتكرر كل يوم انتا بتقول الى انتا بتحبها وهيا كمان بتحب وده شيى كويس اسمعنى ياما ن المشكله الى عندك دى منك ازاى؟ البنت مهما كان بتحب ومهما كا نت مخلصه عمرها متتكلم او تاخذ راىء فى البيت عمتن والا ده هيبقا مش راىء ده هيبقبا عدم احترام للا خرين انا عارف الى انتا دى زعلت وكمان عارف الى مفبش بنت فى الوقت ده بتتزوج بدون ارادتها المطلوب منك انك تكلمها وتتفئو على حل المشكله بئنك تتئد م فى البيت انتا هتقول الدراسه وهما هيرفضونى لانى انا لسا فى الدراسه وانا لسه مكملتش يقبا حب حياتك زى منتا بتقول هيضيع ولازم هيا كمان تعترف عندهم فى البيت انها بتحب واحد تانى وهيجى يتئد م لو رافضو وده بنسبه 0% هيعرفو انها ليك وبتحبك وكده يعرفو الى انتا ليها وهى ليك **** اتخذ خطو واحده للامام وانشاء هيحصل كل خير وانشاء مش هيرفضووده لسبب واحد ان تكون بنتهم مستقره فيما بعد فى الحياه الزوجيه وبعدين طلما انتا بتتكلم صح انشاء الله خير

( اتوكل على الله وكلمنى تانى لو كلامى ده عجبك )
*********************************************
***) [email protected] ***(

وان اسف لو كنت طولت شويه #:-S;)

انساها
L-)L-)L-)

بجد مش عارفه اقولك ايه
الاعضاء جميعآ اتفقو على اصعب كلمه هى ليست كلمه ولكن سيف ان تنساها =((
اول مره احس انى عاجزه عن تقديم المساعده
انا اسفه
:(
ربنا يعينك يارب ويصبر قلبك

شوف انا هقولك كلمة مخترة كدة
كل واحد بياخد نصيبة في الدنيا دي
يمكن هي كانت تكون شر ليك وربنا بعدها عنك
احنا منعرفش الخير فين
بس هي لو كانت عيزاك بجد كانت ضحيت بكل حاجة
لان الحب تضحية

لاتعتمد على الصديق فهو نادر

ولاتعتمد على الحبيب فهو غادر

ولكن

اعتمد على الله فهو قاااااااااادر

انساها
هدوس ع قلبى لو قالى بتوحشنى

بجد انا مش عارفة أقولك ايه عجز الكلام مش عارفة أفسر رد فعلها هو مش معقول حد يتغصب على حاجة ومعتش بتحصل بس ممكن مش هقولك لأ ممكن لو حست بخوف من أهلها ترضا بالأمر الواقع المشكلة فيك انت هتعمل ايه النسيان مش هكدب عليكى سهل بس صدقنى مفيش حل تانى هو الموضوع فى أوله صعب بس هتعيش وهتكمل هتتعب اوى وهتحس انها أخر الدنيا بس هتكمل زى الانسان اللى يضيع منه حد بمعنى أصح اللى ربنا يخد منه حد فى أول الأمر بيموت عشانه وبعد كده بيكمل معلش اعتبر الموضوع كده وهتنسى مش من نصيبك من نصيب حد تانى يعنى مش ملكك انت راجل وهتتحمل صدقنى أنا حسيت ان الموضوع ده أنا اللى فيه ولو مكانك هعمل كده اشغل وقتك بأصحابك بأى حاجه المهم انسه على قد ماتقدر:x
معلش طولت عليك بس ربنا يعينك ويقويك ومعلومة الحزن الشىء الوحيد اللى بيتولد كبير وبعد كده بيصغر حتى يكاد أن يتلاشى:x ربنا معاك

مش عرفة بجد اقلك ايه.......بس هي كان المفروض تقف قدام اهلها وقدام الكون كله لانها وعدتك ولما توعد لازم توفي ولما تحب لازم تخلص......ومفيش حد فالدنيا يقدر يغصب على حد انه يعمل حاجة هو مش عيزها بالذات فالموضوع ده.......وحتى لو اتخطبتله ممكن تسيبه وتخليه هو اللي يبعد بجميع الطرق ده لو كانت فعلا كانت بتحبك بجد...............
بس تراجعها المفاجىء عن كلامها كله ووعودها كلها يبقا ده معناه انك انت متستهلشاش انت حبيت بجد واخلصت بجد واكيد هيا كانت عرفة ظروفك وكانت عرفة انها لازم تصبر لحد ماتكون نفسك.........فانت معملتش حاجة غلط كفاية انك حسيت باحساس الحب.......الفراق هيبقا صعب فالاول بس صدقني......متفكرش فاللحظات الحلوة اللي عشتوها مع بعض فكر فاي موقف يخليك تكرهها او تنساها او تحاول انك تنساها عرفة انه هيبقا صعب........بس هيا اتخلت عنك يبقا هيا متستحقكش واكيد فيوم من الايام هتندم عاللي هيا عملته ومش هتحس بالسعادة..........بس ساعة ماتجيلك تاني اتمنا تكون نسيتها او خلاص طلعتها من قلبك.........وتدور على حب تقدر تخلصله ويخلصلك فنفس الوقت.......اسفة اذا كنت طولت عليك..........ويارب تكون طلعت من المود اللي انت فيه ده........واقلك على مثل بمشي فيه فحياتي.........
طنش تعش تنتعش........بجد والله مش بهزار.......

علي فكرة انا اسف بس والله انت معندكش حل غير انك تحاول تنساها وتبعد عنها وتكز في الدراسة لان هي بجد لو عيزاك حتقف قدام اي حاجة وهي موفت بوعدها ليك اهم حاجة ركز في دراستك وانساها بجد

السلام عليكم ورحمة الله وبركاته
اولا : ربنا يكون فى عون حضرتك يااارب
ثانيا : أنا أحب أشارك فى الرأى معاكوا
دلوقتى حضرتك بتقول انك بتحبها جدااا ومش قادر تنساها وانا عارفة الموضوع مش سهل خصوصا لو الحب كان مشاعر صادقة وواضح من كلام حضرتك ان مشاعرك كانت صادقة جدا وكنت ناوى على جواز فى الأخر لكن حضرتك لية متبصش للموضوع من زاوية تانية لية متظنش ان ربنا عمل كدة لحكمة عنده لية متظنش فى فعل الله خير وان دة أصلح ليك وليها وعسى أن تحبوا شيئا وهو شر لك لية متعتبرش ان ربنا بعدكوا عن بعض علشان ربنا مش شايف انها مش هتصلح ليك لية متقولش قدر الله وما شاء فعل اللهم أجرنى فى مصيبتى وأخلفنى خيرا منها ولا انت شاكك ان ربنا اللى أحن عليك حتى من نفسك مش عارف مصلحتك فين يمكن ربنا عاين ليك واحدة فى علمه سبحانه وتعالى أحسن منها ودى بجد اللى هتسعدك وصدقنى الله لا يفعل شيئا الا لحكمة معينه فإوعى تقول انا حاسس انى ميت من غيرها انت متعرفش ربنا بعدها عنك لية وخلى قريبها دة يتقدملها فى الوقت دة ليه وحاول تستعين بالله وتنساها وإعرف ان لو هى من نصيبك لو مش أهلها دة لو لمين اللى وقف قدامكوا وانتوا مكتوبين لبعض لا يمكن هتفترقوا
وانا اسفة ان كان فى كلامى شىء من الحدة شوية ارجو ان حضرتك تسامحنى لكن حبيت أشارك فى الرأى
وربنا يعينك ويبصر حضرتك بالصح يااارب

صديقي العزيز حاول أنك تنساها أنا عارف أنه صعب بس مش مستحيل وأنا عشت نفس مشكلتك بس عاملت اللي عليا وأتقدمت ليها وخطبتها كمان ومحصلش نصيب ومع ذلك عادي محدش بيموت من الحب وبعدين عايز أقولك حاجه البنت ملهاش ذنب هي غصب عنها وبعدين أنتا ما عملتش اللي عليكي وأتقدمت ليها هتقول أنا لسه بدرس وكدة يبقي خلاص ما تعتبش علي البنت هي ملهاش ذنب _وبعدين عايز أقول حاجه لكل الأعضاء اللي بيتكلمو عن البنت اللي ضحت بحبها يا جماعه البنت مظلومه هتقولهم أيه في البيت أنا بحب واحد تاني طيب هو فين ليه ما أتقدمش فبلاش تظلمو البنت

اسألها ياخي عن قرارها النهائي وشوف ردها ايه
بالسلبي او الاجابي
وفي الاخير فوض امرك لله سبحانه هو اعلم عن كل شيء

بجد ربنا يكووون فى عوونك =((

اسمع يا صحبى انا هجايبلك من الاخر

لانى فى نفس موقفك بالكربون

كله اونطة والبنت دى مش بتاعتك ولا من نصيبك

وانا قسما بالله العظيم حاسس بيك اوى

وحاسس انك ممكن تكلم نفسك كمان بس بجد انت احسن منها كتير اوى

ليه لانك مع كل ده مش قادر تتخلى عنها وهى بتتخلى بحجج واهية وتعرف ممكن ميكونش حد متقدم اساسا وهى عايزة حاجة تانية

او حد تانى فى بالها ولا تزعل نفسك ولا تفكر وشوف مصلحتك احسن

وبقولك تانى ولا تشغل بالك باى حاجة منها لانها لو بتحبك هتعمل المستحيل واللى بعد المستحيل كمان عشانك

طمنى عنك ياريت يا صحبى

بسم الله انا قريت الموضوع كله كم واحد فيكم اتحط في الموضوع ده انا اتحطيت فيه بص اذا انت كنت بتحب باخلاص اكيد هيه مش هتنساك وهترجعلك حتى لو حبت تبعد هترجع لانها هتشوف وهتعيش الفرق ان من الكلام ما هو أشدّ من الحجر وأنفذ من وخز الإبر وأمرّ من الصبر وأحرّ
من الجمر ، وإن من القلوب مزارع ، فازرع فيها الكلمة الطيبة ، فإن لم تنبت كلها ينبت بعض
واكيد انت زرعت حب صادق اكيد هتلاقي ثمرته وكما خليك واثق في الله عز وجل الي خلقك وخلقها
بص انا عايش دلوقتي نفس الموقف تقريبا او مشابه
بص ان لا اؤمن بالصدف ولكن اؤمن بان هناك قوه جمعت بينكم ع الحب هذه القوه لم تكن اعتباطيه بل ليها هدف وهدف سامي كمان خلي ثقتك في الله قويه جدا جدا
يقول رب العزه عز وجل انا عند حسن ظن عبدي بي ان خيرا فخير وان شرا فشر انا قلتلها انا متاكد انك هترجعي مش عشان غرور او انا مطلع ع الغيب ولكن علشان انا شديد الثقه في الله وان الموضوع ده طالما انت مسعتلهوش وربنا الي ادهولك يبقى اكيد ربنا متم نعمته
ادعي الله وثق في الله فالله خير ناصرا ومتسمعشي كلام الي يقلك ابدا قصة حب تانيه وانت لسه متعلق بحب اول لانك كده بتظلم التانيه والظلم ظلمات يوم القيامه وادي انت شوفت جرح القلوب عامل ازاي اياك وانك تجرح قلب حد لانه ظلم شديد ومراره اليمه وده يبقى اسمه هروب الحل الوحيد مش النسيان او انك تحب تاني الثقه في الله ربنا الي امات عزير ميت عام واحياه تاني قادر ع انها ترجعلك تاني يمكن ده امتحان من ربنا ليك يشوف هتصبر ولا لا او هيه ف الوقت الحالي مش تنفعك وربنا عايز يرجعهالك احسن تقوم تدعي ربنا وتقول اللهم ردها علي ردا جميلا اصبر شويه بس والله انا بقلك الكلام ده وبقولي لنفسي في نفس الوقت
وربنا يعديها ع خير باذن الله ولو عزت اي حاجه هتلاقيني جمبك اخوك الملاك البرئ