يا حبيبى طول ما إنت جنبى !
http://www.lmada.com/vb/imgcache/2/8836alsh3er.jpg
يا حبيبى
طول ما إنت جنبى
كل السعادة و الهنا
طول ما إنت جنبى
سعادة بطعم المنى
بيعيشها قلبى
لما السلام بيجيلى
من بين إيديك متحنى
وبكل الشوق بلاقينى
لسلامك أنا مستنى
ساعتها بقول و أحكيلك
من فرحتى ليه أنا أخبى
إن السعادة و الهنا
طول ما إنت جنبى
********
ولما بسمع صوتك
فرحان جوايا بيغنى
من غير ما أحس الاقينى
بحضن شوق بيدفينى
وكأنك إنت كأنى
يا أحلى عمر بسنينى
وأغلى من سكن قلبى
من فرحتى ليه أنا أخبى
إن السعادة والهنا
طول ما إنت جنبى
*********
يا حبيبى أنا كل منايا
تفضل على طول ويايا
شمعة بتنور ليلى
وشمس بتشرق فسمايا
يا حبيبى أنا كل رجايا
تكمل الفرحة جوايا
بوجودك و إنت جنبى
وكل السعادة و الهنا
بيعيشها قلبى
ياحبيبى على طول ويايا
طول ما إنت جنبى
محيى زقزوق
الأحد 27/09/2010م
