الفرق بين الليمون والزيتون؟
فروق مضحكة
- تعرف تقول لي فرقين بين الليمون والزيتون؟
1- فيه لمونادة وما فيش زيتونادة .
2- تقدر تقول الناس لاموني لكن ما تقدرش تقول الناس زاتوني.
**************
طب تعرف تقول 4 فروق بين البطة والوزة؟
1. في رجاله اسمها ابن بطوطة لكن مافيش رجاله اسمها ابن وزوزة .
2. تقدر تبلبط في البحر لكن ما تقدرش تبلوز فيه .
3. كلنا نتغطى في الشتاء ببطانية لكن ما بنتغطاش بوزانيه.
4. الوزة كانت زمان بطة لكن الشيطان وزها .
****************
طب تعرف تقوللي 4 فروق بين الفيل والنملة؟
1- رجل الفيل ممكن تنمل لكن رجل النمله مش ممكن تفيل
2- البيت ممكن يبقى فيه نملية لكن مش ممكن يبقى فيه فيلية .
3- تقدر تاكل سمك فيليه لكن مش ممكن تاكل سمك نمليه.
4- كل واحد له بروفيل لكن مالوش برونمله .
**************
وليه الكتكوت ما بيعرفش يكذب على الفرخة؟
علشان هيه اللي فقساه
