مباركمبـــارك عليكممبـــارك عليكم

مبـــارك عليكم

مبارك عليكم محاكم مبارك
مبارك عليكم يا أهل النضال
مبارك هيفضل ....
على قلوبكو قاعد.........
بحكم الطوارىء......
بأمر اعتقال.........
مبارك عليكم ......
***
مبارك عليكم
وأول ما يرحل
هيورثكوا إبنه
ما هى عزبة
يملكها مستر جمال
مبارك عليكم
***
مبارك وبُشرى لكم يا شباب
هتلقوا وظيفة
ورا كل باب
تطرطأ ودانك
لكل الى بيقوله عمك وخالك
وابوك ولا اخوك
وتجرى تبلَّغ
دا تنظيم بيهدف لقلب النظام
وقلب النظام يومها يعطف عليك
ويديك مكافئة
يكلبش إيديك
ويرميك معاهم
لأنك على علاقة بالمجرمين !!
وساعتها هتحس قيمة الوطن !
وتنحل مشكلتك فى السكن !
لأنك هتسكن
وتاكُل بلاش
فمبروك لمصر ولكم يا شباب
مبارك عليكم





منقول................... يعني مش انا القلت كده وحتي لو انا انا ما بخفش الامن الله

اقتباس:

---

يعني مش انا القلت كده وحتي لو انا انا ما بخفش الامن الله

---

اولا هو الكلام جميل وكل حاجه ..
بس انا عايز افهم انت خايف ليه يعنى مدام مش انت اللى قايل الكلام ..
هههههههههههههههههههه

خايف لبتوع الحاجه يودوكـ ورا الحاجه ..:))
لا ما تخفش لان اصلا مفيش حاجه ..
شكراً ليكـ سعداوى .. موضوع جميل

مشكور جدا سعداوى ومبارك علي كل دوله عربيه
حاكمها وحبيبها

مشكور اخى الكريم


والله جميع الدول العربيه فى انتظار معجزه


تقبل تحياتى

شكرا اخوتي ولكن يبدو اني ازعجت الاخ عصام عشان كده زعلان ومش عارف يداري وعلي العموم اخ عصام انا مش بخاف من بتوع الحجات وانما قلت ذلك علي سبيل الهزار؟ علي العموم اخ عصام نأسف للازعاج؟

كلمات رائعه وصادقه ف اغلب معانيها ويحسب لينا اننا بنقدر نتكلم دلوقتى برحتنا فنقول الحمد لله
وع فكره انا برضه مش بخاف من بتوع الحاجات


بس اياكم حد يقولهم انى قلت كده:D


تسلم سعداوى وما تزعل من عصام اصله وطنى ههههههههه

كلمات فعلا رائعه

تسلم سعداوي

السيد سعدواى ما هكذا نخاطب رئيس البلاد حسنى مبارك الذى اتى الى الحكم باستطلاع واستفتاء شعبى
ستقول انك غير حائز لبطاقة انتخاب تبقى مصيبه او تقوللى انهلديك بطاقه وقاطعت الاستفتاء يعنى لم ندل بصوتك تبقى المصيبه مصيببتين
عيب جدا يا اخوانى النيل من رئيس البلاد والطعن عليه او على ذمته او تصرفااته هذا الرجل تسلم الحكم والبلد غارقه فى الديون هذا الرجل قام بتأسيس مئات المشروعات العملاقه التى اتى بعضها ثماره او التى ستؤتى الثمار بعد حين خطوط مترو الانفاق تعمير سيناء تعميق قناة السويس انشاء طرق ومحاور جديده الاهتمام بصعيد مصر الابتعاد عن الدخول فى مغامرات سياسيه او حربيه لا طائل من ورائها الا خراب البلد الخ

مشكور اخي الكريم يبدو والله اعلم انك استفدت كثيرا من مشروعات مبارك؟ عشان كده راض ومبسوط وكمان بتقول ان الريس جه بستفتاء نزيهه مع انك وكل العا لم يعرف انها ما كانت نزيه ولا حاجه وان نزيهه ماتت من زمان المهم يا استاذ يا ريت تدلني علي مشروعات الريس عشان نشتغل ونجوز كده ونعيش زي الناس ؟

اذاكنت تعرفك::::فهذى مصيبة::::واذالم تكن تعرف فتلك ::::::مصيبتان

اقتباس:

---

المشاركة الأصلية كتبت بواسطة kamalelaraby

السيد سعدواى ما هكذا نخاطب رئيس البلاد حسنى مبارك الذى اتى الى الحكم باستطلاع واستفتاء شعبى
ستقول انك غير حائز لبطاقة انتخاب تبقى مصيبه او تقوللى انهلديك بطاقه وقاطعت الاستفتاء يعنى لم ندل بصوتك تبقى المصيبه مصيببتين
عيب جدا يا اخوانى النيل من رئيس البلاد والطعن عليه او على ذمته او تصرفااته هذا الرجل تسلم الحكم والبلد غارقه فى الديون هذا الرجل قام بتأسيس مئات المشروعات العملاقه التى اتى بعضها ثماره او التى ستؤتى الثمار بعد حين خطوط مترو الانفاق تعمير سيناء تعميق قناة السويس انشاء طرق ومحاور جديده الاهتمام بصعيد مصر الابتعاد عن الدخول فى مغامرات سياسيه او حربيه لا طائل من ورائها الا خراب البلد الخ

---

مش عارف انا مش مرتاح لكلامك لية؟؟؟؟؟وبالنسبة للاستفتاء دا احيانا بيبقي غير صحيح.يعني انا لو مروحتش الانتخابات كدة كدة بابا حسني علشان ميتعبنيش معاة بياخد صوتي من غير مااروح......
والمشروعات اللي بتقول عليها انا حاسس كدة انك استفدت منها كتير قوووووووووووي
وشكرا حبيبي علي وجهة نظرك اللي اكيد صحيحة بالنية ليك اما بالنسبة ليا انا مش مقتنع بكلامك