انت قولت لمصر لما الخوف ملانا
بتخلفينا ليه لما انتى كرهانا
ايه جوابها لانى عايزه اعرف جوابها
قولّى لو ردت عليك
او تلاشى الحزن فيك
او نظف ليلنا وهوانا
قولى هل بتحبنا
هل بيحرى جوا منها زى مابيجرى فى دمنا ..حبنا
قولى طيب فينها نانا
تسمع الحكايات معانا
ليه سابتنا ف دنيا بايعه وزى ماقولت انها كرهانا
اوعى ياهشام تبقى منك
وانت قولت وغصب عنك
ولا قولت وراضى بيها وموافقها كده من الأول
انطردى الآن من الجدول
اوعى تستسلم لإنك قولت هفضل عمرى أرمل
صحح المعلومه ليها
قولّها بتغير عليها
ومش هتقبل تبقى هندى أو بريش
قولها غيرك ماليش
ياهشام جحا لما قالك إن كله شعور سخيف
وان حتى لو تبيع العمر كله مش يجيب حق الرغيف
كنت فين؟
مش تقول انك فى قطر الغلبانين
كنت قولّه إن عمرك وان قلمك أقوى من كل البلاوى
قولّه انك ناوى تكتب ناوى تحكى كتير حكاوى
قولّه مش خايف أعيش أو حتى اموت
مش هيخلص أو هيضعف جوا منى فى مرة صوت
أصلى رافض للسكوت
قوله رافض أبقى يوم إنسان ضعيف
حتى لو هتقول عليا كمان سخيف
ياهشام....
قولّى لما نعيش حياتنا تعبانين ونقول تمام
نبقى فعلا ناس تمام؟
كمّل المشوار براحتك
الوفاء والصدق ساحتك
واحنا سامعين الكلام
ياهشام... لك تحيه من أميرة و100سلام
