انت ميــــــــن .... ؟!!!
في ناس شخصيتهم تتميز بالمرح و الخفة، تفرج عشان تسمع نكتة أو قفشاية سريعة كده. و في ناس يا باااي عليهم شخصياتهم بتتسم بالعدوانية و بيبقي مكشر كده، و ما بيتأثروش بأي مؤثرات خارجية.
انت بقي نوعــك إيــه؟
أنا حسهلها عليك، جاوب الكام سؤال دول و إعرف شخصيتك.
( 1 )
لما بتشوف مسرجية قديمة لنجم الكوميديا المفضل عندك، و المسرحية دي بتتعاد في التليفزيون تقريبا مرة كل ستة أشهر ....
أ) تضحك من كل قلبك وكأنك أول مرة بتشوفها.
ب) ما تضحكش خالص.
ج) تضحك بس مش زي أول مرة اتفرجت فيها علي المسرحية.
( 2 )
لما الخلاف يشتد بينك و بين صاحبك الأنتيم و يحتد النقاش لدرجة إن ما يبقاش في التقاء خالص في الأفكار ....
أ) تقول إن مفيش أمل و تسيب كل حاجة زي ما هي عليه و ممكن يوصل الموضوع إنك تقطع معاه.
ب) تحول الموضوع كله و هو في قمة الانفعال لنكتة بحيث إن الموضوع يتنسي و الخلافات تتنسي و يرجع الحوار و كإن مفيش حاجة حصلت.
ج) تحاول إنك توصل لنقطة إلتقاء جديدة.
( 3 )
لما تفتكر موقف مضحك حصلك من مدة طويلة،ممكن تبتسم مهما كانت طبيعة المكان اللي انت فيه ....
أ) يعني ساعات كده.
ب) طبعا علطول.
ج) لأ خالص.
( 4 )
و غنت بتغير ديكورات البيت، اكتشفت إن كل الألوان السادة في السوق غامقة ....
أ) تلتزم بالأمر الواقع.
ب) تحاول إنك تدور علي البديل و إن فشلت تلتزم بيه.
ج) تأجل تجديديات الديكور لغاية لما تلاقي ألوان فاتحة تحبها.
( 5 )
لما يهاجمك أي شخص ....
أ) تاخد الموضوع بجد و تهاجمه بشدة.
ب) تاخد الموضوع بخفة دم.
ج) تحاول إنك تفه سر الهجوم ده.
( 6 )
تحب إنك تسهر مع أصحابك و تحرص إنك تشوفهم ....
أ) لأ خالص.
ب) طبعا علي طول.
ج) يعني ساعات كده.
كده الأسئلة خلاص، شوفوا درجاتكم علي حسب إجابتك
السؤال الأول: أ) 3درجات. ب)1 درجة. ج)2 درجة.
السؤال التاني: أ)1 درجة. ب)3 درجات. ج)2 درجة.
السؤال التالت: أ)2 درجة. ب)3 درجات. ج)1 درجة.
السؤال الرابع: أ)1 درجة. ب)2 درجة. ج)3 درجات.
السؤال الخامس: أ)3 درجات. ب)1 درجة. ج)2 درجة.
السؤال السادس: أ)1 درجة. ب)3 درجات. ج)2 درجة.
خلاص كده، شوفوا بقي النتيجــة بتاعتكم
(18 – 12 ) إنت إنسان مرح جدا و بتكره التكشير، و بتكره إنك تعيش في جو من الكآبة.
(11 – 7)إنت إنسان متوازن و بتكره إنك تخلط الأمور ببعضها، يعني لكل مقام مقال.
( أقل من 7) إنت أكيد إنسان دمك تقيل جدا جدا، و كل اللي يعرفك عنده المعلومة دي.
عرفت إنت إيه خلاص، طب يلا ما تقلنا و إياك تطلع دمك تقيل ...
